மருத்துவத் தகவல்கள்

by **சிவா** Mon Jul 16, 2012 11:12 pm

First topic message reminder :

மருத்துவத் தகவல்கள் - Page 3 Vilamp10

விளாம்பழம் வெப்பத்தைத் தணித்து உடலுக்கு குளிர்ச்சியைத் தரும். இது ஈளை இருமல், கோழை, வெப்பத்தால் உண்டான நீர்வேட்கை இவைகளைப் போக்குவதுடன் பசியை உண்டாக்கி உடலுக்கு நன்மை தரும்.

விளாம்பழத்தின் ஓட்டை நீக்கிப் பழத்தை மாத்திரம் சாப்பிட்டு வர வாய் நீர் ஊறல், தொண்டைப் புண், பல்லீற்றுப் புண்கள் ஆறும்

by **சிவா** Wed Sep 18, 2013 3:05 am

ராஜா wrote: மிகசிறந்த பதிவு தல , தொடர்ந்து வழங்குங்கள்.....

இந்தப் பகுதியை மறந்துவிட்டேன், மீண்டும் தொடர்கிறேன்!

by **சிவா** Wed Sep 18, 2013 3:05 am

மனித மூளை மனித நரம்பு மண்டலத்தின் தலைமையானதும், மனித உறுப்புகளில் சிக்கலானதும் ஆகும். மனித மூளை, விழிப்புணர்வு இன்றியும் இயங்கும், இச்சை இன்றிய செயற்பாடுகளான மூச்சு விடுதல், செரிமானம், இதயத்துடிப்பு, கொட்டாவி, போன்ற செயற்பாடுகளையும், விழிப்புணர்வுடன் நிகழும் சிந்தனை, புரிதல், ஏரணம் போன்ற சிக்கலான உயர்நிலை செயற்பாடுகளையும் கட்டுப்படுத்துகிறது.

by **சிவா** Wed Sep 18, 2013 3:05 am

காலையில் உணவு உண்ணாமல் இருப்பதன் மூலம் ரத்தத்தில் குறைவான அளவே சர்க்கரை இருக்கும். இது மூளைக்குத் தேவையான சக்தியையும், தேவையான ஊட்டச் சத்துக்களையும் கொடுக்காமல், மூளை அழிவுக்குக் காரணமாகும்.

மிக அதிகமாகச் சாப்பிடுவதன் மூலம் இரத்த நாளங்கள் இறுகி மூளையின் சக்தி குறைந்து போகிறது.

புகை பிடிப்பதால் மூளை சுருக்கமும் அல்ஷைமர்ஸ் (பெருமறதி) வியாதி வருவதற்கு காரணமாகிறது.

நிறைய சர்க்கரை சாப்பிடுவது, புரோட்டின் நமது உடலில் சேர்வதைத் தடுக்கிறது. இதுவும் மூளை வளர்ச்சிக்கு பாதிப்பாகிறது.

தேவையான அளவு தூங்காமலிருப்பது மூளைக்கு நீண்டகாலப் பாதிப்பை ஏற்படுத்தும்.

by **சிவா** Wed Sep 18, 2013 3:07 am

தலையை மூடிக் கொண்டு தூங்குவது, போர்வைக்குள் கரியமில வாயு அதிகரிக்க வைக்கிறது. இது நீங்கள் சுவாசிக்கும் ஆக்ஸிஜனை குறைக்கிறது. குறைவான ஆக்ஸிஜன் மூளையைப் பாதிக்கிறது.

உடல் நோயுற்றகாலத்தில் மிக அதிகமாக மூளைக்கு வேலை கொடுப்பதும், தீவிரமாகப் படிப்பதும் மூளையைப் பாதிக்கும்.. மூளைக்கு வேலை கொடுக்கும் சிந்தனைகளை மேற்கொள்ளாமல் இருப்பது.

உடல் சரியாக ஆன பின்னால், மூளைக்கு வேலை கொடுப்பதே சிறந்தது.

(இதனால் தான் நான் எப்பொழுதுமே மூளைக்கு வேலையே கொடுப்பதில்லை என்று சிலர் கூறுவதும் கேட்கிறது)

by **krishnaamma** Wed Sep 18, 2013 11:23 am

சிவா wrote:சிறுவயதில் தடுப்பூசிகள், சொட்டு மருந்து போட்டுக் கொள்வது போல், பெண் பருவமடையும் பொழுது gynecology மருத்துவரிடம் சென்று ஆலோசனை பெறுவது நல்லது. மாதவிடாய் ஒழுங்கின்மை (Oligomenorrhea), வலி (Dysmenorrhea) வெள்ளைப்படுதல் (Leukorrhea) போன்றவற்றைப் பற்றிய அறிவும், அதற்கு என்ன செய்ய வேண்டும் என்பது குறித்தும் கற்றுக் கொடுக்கப்பட வேண்டும்.

நாற்பது வயதை நெருங்கும் பெண்கள் முழு மருத்துவப் பரிசோதனை செய்து கொள்வது அவசியம். மெனோபாஸ், ரத்த அழுத்தம், மார்பகப் புற்று நோய், சர்ர்கரை நோய் போன்ற நோய்கள் இந்த வயதிலிருந்துதான் தொல்லை தர ஆரம்பிக்கும்.

இவற்றை முன்னரே கண்டறிந்து மருந்து உட்கொண்டு வந்தால் என்றும் மகிழ்ச்சியுடன் வாழலாம்.

இன்றய கால கட்டத்துக்கு ரொம்ப முக்கியமான குறிப்பு இது சிவா புன்னகை

பெண்ணைபெற்றவர்கள் செய்யவேண்டிய தலயாய கடமை இது புன்னகை

by **krishnaamma** Wed Sep 18, 2013 11:25 am

சிவா wrote:தலையை மூடிக் கொண்டு தூங்குவது, போர்வைக்குள் கரியமில வாயு அதிகரிக்க வைக்கிறது. இது நீங்கள் சுவாசிக்கும் ஆக்ஸிஜனை குறைக்கிறது. குறைவான ஆக்ஸிஜன் மூளையைப் பாதிக்கிறது.

உடல் நோயுற்றகாலத்தில் மிக அதிகமாக மூளைக்கு வேலை கொடுப்பதும், தீவிரமாகப் படிப்பதும் மூளையைப் பாதிக்கும்.. மூளைக்கு வேலை கொடுக்கும் சிந்தனைகளை மேற்கொள்ளாமல் இருப்பது.

உடல் சரியாக ஆன பின்னால், மூளைக்கு வேலை கொடுப்பதே சிறந்தது.

(இதனால் தான் நான் எப்பொழுதுமே மூளைக்கு வேலையே கொடுப்பதில்லை என்று சிலர் கூறுவதும் கேட்கிறது)

இது இப்போதான் நான் போட்டேன் சிவா, ஆனால் ஒரே பதிவாக புன்னகை

by ரேவதி Wed Sep 18, 2013 3:47 pm

தகவலுக்கு நன்றி அண்ணா

எனக்கு ஒரு சந்தேகம் இரண்டு வருடங்களா எனக்கு தலைவலி இருக்கிறது ஏற்கனவே ஒருமுறை கீழே விழுந்தும் இருக்கிறேன் அதனால் சி‌டி ஸ்கேன் செய்து பார்த்ததில்
எனக்கு சைனஸ் இருப்பதாக சொல்லி நிறைய மாத்திரை எழுதி கொடுத்து இருக்கிறார்கள் சோகம்

மாத்திரை அதிகம் பயன்படுத்தாமல் வெறும் ஆவி பிடித்தால் சைனஸ் குறையும் என்று சொல்கிறார்கள் ( மாத்திரை போட சொன்னாலும் போடமாட்டேன் ரொம்ப கஷ்டம் )
ஆவி பிடிப்பதில் கொஞ்சம் சந்தேகம்
ஆவி பிடிக்கும்போது வெறும் நீரில் பிடிக்கலாமா ? அதற்காக ஒரு கப்ஸுல் உள்ளதே அதை தொடர்ந்த்து பயன்படுத்தலாமா ? வேறு ஏதாவது தகவல்கள் தர முடியுமா

by mbalasaravanan Wed Sep 18, 2013 4:05 pm

இருங்கள் என் அம்மாவிடம் கேட்டு சொல்கிறேன்

by **ராஜா** Wed Sep 18, 2013 4:13 pm

ரேவதி wrote:இரண்டு வருடங்களா எனக்கு தலைவலி இருக்கிறது ஏற்கனவே ஒருமுறை கீழே விழுந்தும் இருக்கிறேன் அதனால் சி‌டி ஸ்கேன் செய்து பார்த்ததில் எனக்கு சைனஸ் இருப்பதாக சொல்லி நிறைய மாத்திரை எழுதி கொடுத்து இருக்கிறார்கள் :

தலைவலிகளுக்கு பல காரணங்கள் இருக்கின்றன ரேவதி , நல்ல மருத்துவரை அணுகவும் (கண் பார்வை குறைந்தால் கூட தலைவலி வரலாம் ) உன்னை போல கணினியிடன் அதிக சண்டை போடும் ஆட்களுக்கு கண்டிப்பாக கண்ணை test பண்ணனும்.

by ரேவதி Wed Sep 18, 2013 4:18 pm

ராஜா wrote:
ரேவதி wrote:இரண்டு வருடங்களா எனக்கு தலைவலி இருக்கிறது ஏற்கனவே ஒருமுறை கீழே விழுந்தும் இருக்கிறேன் அதனால் சி‌டி ஸ்கேன் செய்து பார்த்ததில் எனக்கு சைனஸ் இருப்பதாக சொல்லி நிறைய மாத்திரை எழுதி கொடுத்து இருக்கிறார்கள் :
தலைவலிகளுக்கு பல காரணங்கள் இருக்கின்றன ரேவதி , நல்ல மருத்துவரை அணுகவும் (கண் பார்வை குறைந்தால் கூட தலைவலி வரலாம் ) உன்னை போல கணினியிடன் அதிக சண்டை போடும் ஆட்களுக்கு கண்டிப்பாக கண்ணை test பண்ணனும்.

நானும் கேட்டேன் அண்ணா ஸ்கேன்னை பார்த்து சைனஸ் பிரச்சனை மட்டும்தான் என்று சொல்லி இருக்கிறார்கள் கண்ணில் எந்த பிரச்சனையும் இல்லையாம் நான்கூட கண்ணாடி போடணுமோன்னு பயந்தேன் நல்லவேளை அப்படியெல்லாம் இல்லை மகிழ்ச்சி