மருத்துவத் தகவல்கள்

by **சிவா** Mon Jul 16, 2012 11:12 pm

விளாம்பழம் வெப்பத்தைத் தணித்து உடலுக்கு குளிர்ச்சியைத் தரும். இது ஈளை இருமல், கோழை, வெப்பத்தால் உண்டான நீர்வேட்கை இவைகளைப் போக்குவதுடன் பசியை உண்டாக்கி உடலுக்கு நன்மை தரும்.

விளாம்பழத்தின் ஓட்டை நீக்கிப் பழத்தை மாத்திரம் சாப்பிட்டு வர வாய் நீர் ஊறல், தொண்டைப் புண், பல்லீற்றுப் புண்கள் ஆறும்

by **சிவா** Mon Jul 16, 2012 11:16 pm

நமது உணவில் 80 சதவிகிதம் கார்போ ஹைட்ரேட்தான் இருக்கிறது, இது நம் ரத்தத்தில் குளுக்கோஸை செலுத்தி உடலுக்கு சக்தி தருகிறது. மீதி குளுக்கோஸ் கொழுப்பாகப் படிகிறது. இதனால் உடல் பருமனாகிறது.

இயற்கை உணவுகளான காய்கறி, பழங்கள், மாமிசம் ஆகியவற்றில் இருப்பதைவிட மூன்று மடங்கு குளுக்கோஸ் அரிசி, கோதுமை பருப்பு வகைகளில் இருக்கிறது. நாம் மூன்று வேளையும் இந்த மூன்றில் ஒன்றைச் சேர்ப்பதால் நாம் குண்டாகிறோம்.

by **சிவா** Mon Jul 16, 2012 11:19 pm

தண்ணீரைக் கொதிக்க வைத்து ஆற வைப்பதால் அதிலுள்ள கிருமிகள் முற்றிலுமாக அழிக்கப்படுகின்றன. கொதிக்க வைக்க நிமிட அளவுகள் கிடையாது. சாதாரணமாகக் கொதித்ததும் ஆற வைத்து அருந்தலாம். தண்ணீரில் தனிப்பட்ட சத்துக்கள் கிடையாது.

உப்புத் தண்ணீர் குடிப்பதற்கு ஏற்றதல்ல. அதனை 'வாட்டர் சாஃப்டனர்' போன்றவற்றால் மென்னீராக மாற்றிய பின் பயன்படுத்தலாம்.

by **சிவா** Mon Jul 16, 2012 11:25 pm

கொழுப்பு கூடுதலாக இருப்பது சிலருக்குப் பரம்பரையாக இருக்கலாம். அளவிற்கு மீறிய சாப்பாடு, கொழுப்பு அதிகம் உள்ள உணவை அதிகம் சாப்பிடுவது இவையும் ரத்தத்தில் கொழுப்பின் அளவை அதிகரிக்கும்.

அளவாகச் சாப்பிட்டு உடற்பயிற்சி செய்யாவிட்டாலும் கொழுப்பு அதிகரிக்கும். நார்ச்சத்துள்ள (Fiber) உணவை அதிகம் சாப்பிடுவது அவசியம்.

தயிர், நெய் மற்றும் இனிப்பு வகைகளைச் சாப்பிடக் கூடாது. இறைச்சி, முட்டைகளைத் தவிர்க்க வேண்டும். குறிப்பாக முட்டையின் மஞ்சள் கரு சாப்பிடவே கூடாது. வாரம் ஒருமுறை கோழியும், அடிக்கடி மீனும் சாப்பிடலாம்.

முடிந்தவரை எண்ணெய்ப் பொருட்களை தவிர்ப்பது நல்லது. இல்லையென்றால் குறைவாகப் பயன்படுத்தலாம்.

by **சிவா** Mon Jul 16, 2012 11:27 pm

ஆரோக்கியமான ஆணோ, பெண்ணோ 18 முதல் 55 வயது வரை தாராளமாக ரத்த தானம் செய்யலாம். குறைந்த பட்ச எடை 45 கிலோ இருப்பவர்களும் ரத்த தானம் செய்யலாம். ரத்த தானம் செய்த 48 மணி நேரத்தில் புது ரத்தம் உற்பத்தியாகி உடல் புத்துணர்ச்சி பெற்றுவிடும். 3 மாதத்திற்கு ஒரு முறை ரத்ததானம் செய்யலாம்.

by **சிவா** Mon Jul 16, 2012 11:44 pm

அலைபேசி விடயத்தில் இன்று அதன் உபயோகத்தைக் கட்டுப்படுத்த இயலாத நிலை உருவாகிவிட்டது. இதனால் 'அகாஸ்டிக் நியுரோமா' (Acoustic Neuroma) என்ற மூளைக்கட்டியால் பாதிக்கப்படுவோரின் எண்ணிக்கை அதிகரித்துள்ளது. காதின் பின்புறம் மூளைக்குள் உருவாகும் கட்டி இது. எனவே அலைபேசியை நேரடியாகக் காதில் வைத்துப் பேசாமல் headphone மூலம் பேசும் முறையைக் கடைபிடிக்க வேண்டும். இதனால் மூளையில் ஏற்படும் பாதிப்புக்களில் இருந்து தப்பிக்கலாம்.

by **சிவா** Mon Jul 16, 2012 11:56 pm

சிறுவயதில் தடுப்பூசிகள், சொட்டு மருந்து போட்டுக் கொள்வது போல், பெண் பருவமடையும் பொழுது gynecology மருத்துவரிடம் சென்று ஆலோசனை பெறுவது நல்லது. மாதவிடாய் ஒழுங்கின்மை (Oligomenorrhea), வலி (Dysmenorrhea) வெள்ளைப்படுதல் (Leukorrhea) போன்றவற்றைப் பற்றிய அறிவும், அதற்கு என்ன செய்ய வேண்டும் என்பது குறித்தும் கற்றுக் கொடுக்கப்பட வேண்டும்.

நாற்பது வயதை நெருங்கும் பெண்கள் முழு மருத்துவப் பரிசோதனை செய்து கொள்வது அவசியம். மெனோபாஸ், ரத்த அழுத்தம், மார்பகப் புற்று நோய், சர்ர்கரை நோய் போன்ற நோய்கள் இந்த வயதிலிருந்துதான் தொல்லை தர ஆரம்பிக்கும்.

இவற்றை முன்னரே கண்டறிந்து மருந்து உட்கொண்டு வந்தால் என்றும் மகிழ்ச்சியுடன் வாழலாம்.

by **சிவா** Tue Jul 17, 2012 12:25 am

Thymus Gland - தைமஸ் சுரப்பி

உடலில் அந்நியப் பொருள் (foreign substance) நுழையும் பட்சத்தில் மூர்க்கமாகப் போராடி அழிக்கும் ‘டி - செல்களை’ சுரக்கும் சுரப்பி இது. இதயம் அருகே மார்பெலும்பிற்குப் பின்புறம் அமைந்துள்ளது தைமஸ் சுரப்பி.

by **சிவா** Tue Jul 17, 2012 12:31 am

Medulla ossium - எலும்பு மஜ்ஜை - Bone marrow

ரத்தத்தின் வெள்ளை அணுக்களையும், சிவப்பு அணுக்களையும் உற்பத்தி செய்வது எலும்பு மஜ்ஜைகளின் பணியாகும். வெள்ளை அணுக்கள் நோய்க்கிருமிகளைக் கொன்றழிக்கிறது. நுரையீரலிலிருந்து ஆக்சிஜனை உடலெங்கும் எடுத்துச் செல்வது சிவப்பு அணுக்களின் வேலையாகும்.