தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

**சிவா** · **சிவா** Mon Jul 16, 2012 4:34 pm

தேவகோட்டை கண்டதேவி சாலையை சேர்ந்தவர் தங்கம் சீனிவாசன். தொழில் அதிபரான இவர் தமிழ்நாடு பார்கவகுல சங்க சிவகங்கை-ராமநாதபுரம் மாவட்ட தலைவராக இருந்து வருகிறார். வீடு அருகே அரிசி ஆலை நடத்தி வருகிறார். கடந்த 2 நாட்களுக்கு முன்பு தங்கம் சீனிவாசன் சென்னையில் உள்ள உறவினர் வீட்டிற்கு சென்று விட்டார். நேற்று இரவு தங்கம் சீனிவாசனின் மனைவி சரோஜா (60), மூத்த மகன் சண்முகம், மருமகள் ராஜலட்சுமி, பேத்தி சஞ்சனா, இளைய மகன் சசியின் மனைவி நிரோஜா ஆகியோர் வீட்டில் தூங்கி கொண்டிருந்தனர்.

நள்ளிரவு ஒரு மணி அளவில் வீட்டின் பின்பக்க கதவை உடைக்கும் சத்தம் கேட்டு சரோஜா எழுந்தார். சிறிது நேரத்தில் முகமூடி கொள்ளையர்கள் கதவை உடைத்து கொண்டு உள்ளே புகுந்ததை பார்த்து அதிர்ச்சி அடைந்தார். கொள்ளையர்கள் சரோஜா கழுத்தில் கத்தியை வைத்து சத்தம் போட்டால் கொன்று விடுவோம் என்று மிரட்டினர். அதற்குள் மாடி வீட்டில் தூங்கி கொண்டிருந்த சண்முகம், ராஜலட்சுமி, சஞ்சனா, நிரோஜா ஆகியோர் எழுந்து வந்தனர். அப்போது கொள்ளையர்கள் பணம், நகை எங்கு வைத்து இருக்கிறீர்கள் என்று மிரட்டினர்.

உடனே சரோஜா பணம், நகை எல்லாம் அருகே உள்ள அரிசி ஆலையில் உள்ளது. வீட்டில் நகைகள் இல்லை என்று கூறினார். உடனே கொள்ளையர்கள் குழந்தை சஞ்சனாவை கையில் பிடித்துக்கொண்டு பணம்-நகை எங்கு உள்ளது என்று கூறாவிட்டால் குழந்தையை சுட்டுக் கொன்று விடுவோம் என்று மிரட்டினர்.

வீட்டில் இருந்த ஒரு பெண் ணையும் பலாத் காரம் செய்து விடுவோம் என்று கூறினர். இதனால் பயந்துபோன சரோஜா மேல்மாடியில் உள்ள பீரோவில் தான் நகை உள்ளது. எங்களை உயிருடன் விட்டு விடுங்கள் என்று கெஞ்சினார்.

இதையடுத்து கொள்ளையர்கள் மாடிக்கு சென்று அங்கிருந்த பீரோவை உடைத்து அதில் இருந்த 225 பவுன் நகை ரூ.5 ஆயிரம் ரொக்கம் ஆகியவற்றை ஒரு பையில் போட்டு கட்டிக் கொண்டு கீழே வந்தனர். சரோஜா, ராஜலட்சுமி, நிரோஜா ஆகியோர் கழுத்தில் கிடந்த தாலி செயின்களை பார்த்த கொள்ளையர்கள் 3 பேரிடம் தாலி செயின்களை கழற்றி தருமாறு கேட்டனர். அவர்கள் தாலி செயின்களை கொடுக்க மறுத்ததால் மீண்டும் கத்தியை காட்டி மிரட்டி சரோஜா, நாகலட்சுமி, நிரோஜா கழுத்தில் கிடந்த தாலி செயின்களை பறித்துக்கொண்டனர்.

அப்போது ராஜலட்சுமி, எனது தாலி செயினை மட்டும் கொடுத்து விடுங்கள் என்று கொள்ளையர்களின் கால்களில் விழுந்து கெஞ்சினார். இதனால் கொள்ளையர்கள் அவரது தாலி செயினை மட்டும் திருப்பி கொடுத்து விட்டு தப்பி சென்று விட்டனர். சுமார் ஒரு மணி நேரம் வீட்டில் தங்கி இருந்து கொள்ளையடித்து சென்று உள்ளனர். மொத்தம் 225 பவுன் நகை கொள்ளையடிக்கப்பட்டது. இதன் மதிப்பு ரூ.55 லட்சம். லேகா என்ற மோப்ப நாய் மோப்பம் பிடித்தது. கைரேகை நிபுணர்கள் வரவழைக்கப்பட்டு தீவிர விசாரணை நடத்தப்பட்டது.

தங்கம் சீனிவாசன் வெளியூர் சென்றபோது கொள்ளையர்கள் தங்கள் கைவரிசையை காட்டி உள்ளதால் கொள்ளையில் ஈடுபட்டது உள்ளூர் கொள்ளையர்களாக இருக்கலாம் என போலீசார் சந்தேகிக்கின்றனர்.

http://devakottai.net/

இரா.பகவதி · இரா.பகவதி Mon Jul 16, 2012 4:43 pm

தல நீங்க இங்க இருக்குறதால அங்க எல்லாருக்கும் பயம் இல்லாம போச்சி சிரி

இந்த பதிவைத் துவங்கியவர் நன்றி கூறியுள்ளார் இரா.பகவதி

**சிவா** · **சிவா** Mon Jul 16, 2012 4:47 pm

இரா.பகவதி wrote: தல நீங்க இங்க இருக்குறதால அங்க எல்லாருக்கும் பயம் இல்லாம போச்சி

நல்லவேளை நான் அங்கே இருந்திருந்தால் நான் தான் கரணம் என்று கூறியிருப்பிர்கள்.

இரா.பகவதி · இரா.பகவதி Mon Jul 16, 2012 4:53 pm

சிவா wrote:
இரா.பகவதி wrote: தல நீங்க இங்க இருக்குறதால அங்க எல்லாருக்கும் பயம் இல்லாம போச்சி

நல்லவேளை நான் அங்கே இருந்திருந்தால் நான் தான் கரணம் என்று கூறியிருப்பிர்கள்.

அது எப்படி பாஸ் உங்களை காட்டி கொடுப்போம் சிரி

**சிவா** · **சிவா** Mon Jul 16, 2012 4:55 pm

இரா.பகவதி wrote:
அது எப்படி பாஸ் உங்களை காட்டி கொடுப்போம்

ஆமாமா! நமக்குள்ள ஒற்றுமை ரொம்ப முக்கியம்!

இரா.பகவதி · இரா.பகவதி Mon Jul 16, 2012 5:00 pm

சிவா wrote:
இரா.பகவதி wrote:
அது எப்படி பாஸ் உங்களை காட்டி கொடுப்போம்

ஆமாமா! நமக்குள்ள ஒற்றுமை ரொம்ப முக்கியம்!

பங்கு சரியா வந்து சேரும் வரை மட்டுமே புன்னகை

**ராஜா** · **ராஜா** Mon Jul 16, 2012 5:02 pm

சிவா wrote:
இரா.பகவதி wrote: தல நீங்க இங்க இருக்குறதால அங்க எல்லாருக்கும் பயம் இல்லாம போச்சி
நல்லவேளை நான் அங்கே இருந்திருந்தால் நான் தான் கரணம் என்று கூறியிருப்பிர்கள்.

எப்படி பாஸ் , ஒரே நாளில் போயிட்டு வந்திங்க ?? ( ஒருவேளை இந்த வேலைகளுக்காக தனி விமானம் வச்சுருப்பாரோ சிரி

)

யினியவன் · யினியவன் Mon Jul 16, 2012 5:04 pm

ராஜா wrote:எப்படி பாஸ் , ஒரே நாளில் போயிட்டு வந்திங்க ?? ( ஒருவேளை இந்த வேலைகளுக்காக தனி விமானம் வச்சுருப்பாரோ )

எல்லாத்துக்கும் அவரே போக முடியுமா?

ரெண்டு மாசம் இருந்தப்ப மானிக்குக்கு பக்காவா ட்ரெயினிங் குடுத்துட்டாருல்ல... புன்னகை

முரளிராஜா · முரளிராஜா Mon Jul 16, 2012 5:05 pm

உங்க பங்க ஆயா வாங்கிட்டு போயிடுச்சாம் பகவதி ஒன்னும் புரியல

மீதி பங்கு போலிஸ் ஸ்டேசன்ல இருக்காம் விசயத்த விவரமா சொல்லி அவங்க கொடுக்கறத வேணாம்னு சொல்லாம வாங்கிக்குங்க ஜாலி

இரா.பகவதி · இரா.பகவதி Mon Jul 16, 2012 5:06 pm

ராஜா wrote:
சிவா wrote:
இரா.பகவதி wrote: தல நீங்க இங்க இருக்குறதால அங்க எல்லாருக்கும் பயம் இல்லாம போச்சி
நல்லவேளை நான் அங்கே இருந்திருந்தால் நான் தான் கரணம் என்று கூறியிருப்பிர்கள்.
எப்படி பாஸ் , ஒரே நாளில் போயிட்டு வந்திங்க ?? ( ஒருவேளை இந்த வேலைகளுக்காக தனி விமானம் வச்சுருப்பாரோ )

சிவா அண்ணா நம்ம தலை வந்தாச்சி வாங்க பங்கு பிரிக்கலாம் ஜாலி

Sponsored content · Sponsored content

தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

Re: தேவகோட்டையில் கத்திமுனையில் தொழில் அதிபர் வீட்டில் 225 பவுன் நகை கொள்ளை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக