இரண்டு...விஷயங்கள்...

by **rameshnaga** Tue Jul 10, 2012 4:26 pm

நகர்ந்து கொண்டிருக்கும்
நிலவு பற்றி
எனக்குக் கவலை இல்லை.

அதில்...
நடுங்கிக் கொண்டிருக்கும்
பாட்டியைப் பற்றித்தான்.

இராவணன் சீதையைப்
பற்றி இழுத்துச் சென்றது போல...

நிலவு....
கருப்பு மேகங்களுக்குள் எல்லாம்...
வளைத்து...வளைத்து
இழுத்துச் செல்கிறது பாட்டியை.

பாட்டியின்...
சிதறும் கண்ணீர்த் துளிகள்...

நக்ஷத்திரங்களாகி விட....

பாட்டியின் சபித்தலில்...
தேயத் துவங்குகிறது நிலவு.
***********************************************************
அனாதைப் பிணம் ஒன்றைப்
பார்க்கிறார்கள்.

வருத்தம் தொனிக்கும் குரலில்
பேசுகிறார்கள்.

அடுத்தவனை உதவிடச் சொல்லி
ஆணை இடுகிறார்கள்.

பிறகு....
தத்தம் வேலைகளைப் பார்க்கக்
கிளம்பி விடுகிறார்கள்.
******************************************************************************

by முரளிராஜா Tue Jul 10, 2012 4:30 pm

rameshnaga wrote:நகர்ந்து கொண்டிருக்கும்
நிலவு பற்றி
எனக்குக் கவலை இல்லை.

அதில்...
நடுங்கிக் கொண்டிருக்கும்
பாட்டியைப் பற்றித்தான்.

அருமை உங்கள் கற்பனை நாகா மகிழ்ச்சி

by **rameshnaga** Tue Jul 10, 2012 4:36 pm

ரொம்பவும் நன்றி! முரளிராஜா.

by பாலாஜி Tue Jul 10, 2012 9:41 pm

முதல் கவிதையின் கற்பனை அபாரம்

மனித நேயம் , இன்றைய நடப்பு பற்றி சொல்லும் இரண்டாவது கவிதை அருமை .

by **rameshnaga** Wed Jul 11, 2012 12:35 pm

ரொம்பவும் நன்றி! வை.பாலாஜி.

by சந்திரகி Thu Jul 12, 2012 8:53 am

கண்ணீர் நட்சத்திரம் - கற்பனையில் அழுத்தம்
அனாதைப் பிணம் - நிஜத்தின் வருத்தம்

அருமை உங்கள் வரிகள்

by முஹைதீன் Thu Jul 12, 2012 8:57 am

அனாதைப் பிணம் ஒன்றைப்
பார்க்கிறார்கள்.

வருத்தம் தொனிக்கும் குரலில்
பேசுகிறார்கள்.

அடுத்தவனை உதவிடச் சொல்லி
ஆணை இடுகிறார்கள்.

பிறகு....
தத்தம் வேலைகளைப் பார்க்கக்
கிளம்பி விடுகிறார்கள்.