88 ஆண்டுகளுக்குப் பிறகு புதைக்கப்படும் லெனின் உடல்.

விநாயகாசெந்தில் · 09/05/2012

88 ஆண்டுகளுக்குப் பிறகு புதைக்கப்படும் லெனின் உடல்.

சோவியத் யூனியன் என்ற உலக வல்லரசை அமைத்துக் காட்டிய கம்யூனிச தலைவர் லெனினின் உடலை புதைக்க ரஷிய அரசு திட்டமிட்டுள்ளதாக தெரிகிறது.

1924-ம் ஆண்டு தனது 53-வது வயதில் உயிரிழந்த விளாதிமிர் லெனினின் உடல் 88 ஆண்டுகளாக பாதுகாக்கப்பட்டு வருகிறது. உடல் கெடாமல் இருக்க தைலமிடப்பட்டு மக்கள் பார்க்கும் வகையில், மாஸ்கோவில் உள்ள செஞ்சதுக்கம் அருகே வைக்கப்பட்டுள்ளது.

"லெனினுக்கு விடை கொடுக்க வேண்டும். அவரது உடலுக்கு ஓய்வு அளிக்காமல் இருப்பது பொருளற்ற செயலாகும்' என்று ரஷிய பண்பாட்டுத் துறை அமைச்சர் விளாதிமிர் மெதின்ஸ்கை தெரிவித்தார். இவர் அதிபர் விளாதிமிர் புதினுக்கு நெருக்கமானவராக கருதப்படுகிறார். லெனினுக்கு முறைப்படி அரசு மற்றும் ராணுவ மரியாதை வழங்கி, மதிப்புக்குரிய பகுதியில் புதைக்க வேண்டும் என்றும் மெதின்ஸ்கை தெரிவித்தார். மேலும் அவரது உடல் வைக்கப்பட்டிருந்த கட்டடம் சோவியத் வரலாற்றைக் கூறும் அருங்காட்சியகமாக மாற்றப்படும் என்றும் அவர் மேலும் தெரிவித்தார்.

செயின்ட் பீட்டர்ஸ்பர்கில் உள்ள லெனினின் தாயாரின் சாமாதி அருகே அவரது உடலும் புதைக்கப்படும் என்று தெரிகிறது. உலகின் முதல் பாட்டாளி அரசை நிறுவியவரும் போல்ஸ்விக் கட்சியின் பிதாமகருமான லெனின், தன்னை ஒரு சாதாரண கல்லறையில்தான் புதைக்க வேண்டும் என்று கூறியுள்ளார். —

arjunsugu · arjunsugu Tue Jul 10, 2012 6:30 pm

இதனை பற்றிய செய்தியினை படித்தேன் புதைக்கலாமா வேண்டாமா என்பது குறித்த சர்ச்சை நிலவுவதாக இப்போது உங்களின் பதிவின் மூலம் அது முடிவுக்கு வந்து விட்டதை அறிகிறேன் ... 88 ஆண்டுகள் பொருத்தவர்கள் இப்போது இந்த திடீர் முடிவு எடுக்க என்ன அரசியல் காரணம் என்பது தெரியவில்லை அவர்களின் பதிலும் நம்பும் படியாயி இல்லை...கம்யூனிச தலைவனுக்கு இறுதி வணக்கங்கள் ...பதிவுக்கு நன்றி ...