புதுமை பெண்ணே ...!!!

எத்தனை விந்தை
உலகினிலே ...!!!
சாதனை படைக்கும்
பெண்ணினமே ...!!!

எத்தனை சோதனை
வந்தாலும்
தீமை கண்டால்
எரித்திடுவாய் ...!!!
பார்ப்போர் கண்ணில்
பகலவனாய்
மின்னும் நிலவாய்
தோன்றிடுவாய் ...!!!

வானூர்தி இங்கே ஓட்டிடவும்
வானம் தாண்டி
சென்றிடவும் - தேவை இங்கே
பெண்ணினமே ...!!!

உண்ணும் உணவை
ஊட்டிவிட்டு
தாய்மையின் சேவை செய்திட்ட
அன்னையை யார் மறந்திடுவார் ...???

ஆக்கவும் காக்கவும்
தேவை இங்கே
பெண்ணினமே ...!!!

மாற்றம் நிறைந்த வாழ்க்கையிலே
மாற மறுப்பது
பெண்ணடிமைத்தனம் ...

அரசியலில் ஆளும்
பெண்ணினமே
பெண்ணடிமைத்தனத்தை உடைத்துவிடு ...
உன் கனவின் வார்ப்பாய்
இருந்துவிடு ...

சோதனை என்று வரும்போது
துணிந்து நீயும் போராடு ...

ஆணாதிக்கம் என்றாலே
பெண்களின் வீழ்ச்சி என்றாகும் ...

பூகம்பங்கள் வந்தாலும்
புன்னைகை மரமாய் காட்சி கொடு ...

இத்தனை பெரிய உலகனிலே
பெண்களின் கனவு சமஉரிமை...
இன்னும் கைக்கு எட்டவில்லை ...

எட்டாக் கனியென்று ஏதுமில்லை
தொட்டு பறிக்க முயலும் வரை ...
முயற்சி மட்டுமே இருந்து விட்டால்
ஆமையும் முயலை வென்றிடுமே ...!!!

ஆண்களின் பயமும் தீரவில்லை - அடுப்பூதும்
பெண்களின் காயம் ஆறவில்லை ...
வள்ளுவனை ஈன்ற அன்னையின் பெருமை
உலகில் சொல்வார் யாருமில்லை ...

மாயம் நிறைந்த வாழ்க்கையிலே
பெண் விடுதலை என்பது
வெறும் கனவு என்பர் இங்கே
சில ஆண்களுமே ...

சிகரம் பெண்கள்
தொட்டுவிட்டால்
நிலவில் செடியொன்றை
நட்டு விட்டால்
போற்றி நாமும் புகழ்வோமே...

உரிமையை நினைவாய் கொண்ட
பெண்ணின கனவுகள் பலிக்கட்டுமே ...

ஆணும் பெண்ணும் சரி நிகரே

தோல்வியை கண்ட பெண்ணினமும்
வெற்றியின் நிழலில் அமரட்டுமே ...

(சிவா அண்ணாவின் பதிவினை படித்தபோது பெண்ணின பாலியல் கொடுமைகளுக்கு எதிராக போராடிய மேற்கு வங்க மாநில பெண்மணி "பருன் பிஸ்வாஸ்" இன் கொலை சம்பவம் மிகவும் பாதித்தது ...அதன் விளைவே இந்த கவிதை என்பேன் ...நாமும் நம்மால் முடிந்த உதவிகள் பெண்ணினதிற்கு செய்வோமாக ...இந்த கவிதையினை அந்த பெண்மணிக்கும் உலகில் அநீதியை எதிர்த்து போராடும் எல்லா பெண்களுக்கும் அர்ப்பணிக்கிறேன் ...நன்றி சிவா அண்ணா இத்தகைய எண்ணத்தை ஊட்டிய உங்களின் பதிவுக்கு...மனமார்ந்த நன்றிகள் ...)

அன்புடன் ,
சுகுமார் அர்ச்சுனன் ...

நல்ல படைப்பு சுகுமார்.

யினியவன் wrote:நல்ல படைப்பு சுகுமார்.

நன்றி அண்ணா ...

அருமையான வரிகள் ஆனித்தரமான கருத்துகள்

முரளிராஜா wrote:அருமையான வரிகள் ஆனித்தரமான கருத்துகள்

நன்றி முரளி அண்ணா தங்களின் மேலான படிப்பினைக்கும் பகிர்வுக்கும் ...

முடியும் வரை வளைந்து கொடு
முடியாவிடின் ஒடித்து விடு

அழுத்தமான கருத்துகள் கொண்ட அருமையான வரிகள்

சந்திரகி wrote:முடியும் வரை வளைந்து கொடு
முடியாவிடின் ஒடித்து விடு

அழுத்தமான கருத்துகள் கொண்ட அருமையான வரிகள்

நன்றி தங்களது பகிர்வுக்கும் கருத்துகளுக்கும் ...