அன்பே உருவாய் அழகிய உலகம்

மாயன் · மாயன் Tue 10 Jul 2012 - 0:19

விதிமுறையில்லா விடுமுறை காண
வழிமுறை ஒன்று சொல்லுங்கள்

விதிகளை உடைத்து விடுதலை கண்டிட
வாழ்வியல் ஒன்று கூறுங்கள்

அன்பே உருவாய் அழகிய உலகம்
படைத்திட வந்து உதவுங்கள்

அன்பும்.. காதலும்... நட்பும் நிறைந்திட்ட
உலகம் ஒன்று தாருங்கள் (பாருங்கள்)

கோபம்.. வெறுப்பு.. பொறாமை களைந்திட்ட
உள்ளம் ஒன்று தாருங்கள்

வேண்டிக் கேட்டால் மழை வருமே
வெயிலும் அங்கு சுகம் தருமே

தென்றல் என்றும் உடன் வருமே
நிலவும் பகலில் குளிர் தருமே

எங்கும் பசுமை நிறைந்திடுமே
மானும் மயிலும் அலைந்திடுமே

காற்றில் நறுமணம் நிறைந்திடுமே
கனவுகள் உலகம் திறந்திடுமே

கண்டவர் உள்ளம் குளீர்ந்திடுமே
கவிதை வரித்திட முனைந்திடுமே

எனவே

அன்பே உருவாய் அழகிய உலகம்
படைத்திட வந்து உதவுங்கள்

- மாயன்