தெய்வம் கூட நம்மைப் பார்த்துச் சிரித்து நிற்கின்றதே

nandhtiha · nandhtiha Wed Oct 07, 2009 1:45 pm

வணக்கம்
உலகம் என்பது உயர்ந்தோர் மாட்டென்
றுரைத்தனர் முன்னோரே
கலகம் பிறக்கின் நியாயம் பிறக்குமென்
றறைந்தது மன்னாரே
குவலயம் கண்ட பெரியோரெல்லாம்
குருடர்கள் ஆயினரே
கவலைகள் சூழ்ந்து கண்ணிர் மல்கி
கலங்கினர் தமிழர்களே
நீதி இறந்தது நியாயம் செத்தது
நேர்மையும் மறைந்ததுவே
மீதி இருந்த தமிழினம் மொத்தமும்
மீளாச் சிறைக்குள்ளே
ஈவும் இரக்கமும அற்றதோர் கூட்ட
மெமை ஆள வந்ததுவே
தீவுக்குள்ளே வாழ்ந்திட்ட எம்மினம்
தீய்ந்து கருகியதே
உய்வம் ஒருநாளென் றேயெண்ணி
உருகிப் பணிந்தோமே
தெய்வம் கூட நம்மைப் பார்த்துச்
சிரித்து நிற்கின்றதே

குமுறும் உள்ளத்துடன்
நந்திதா

kirupairajah · kirupairajah Wed Oct 07, 2009 2:31 pm

உண்மைதான்!
நம்மக்களின் நிலமையை உங்கள் கவிப்புலமையால் சரியாக படம் பிடித்து காட்டியுள்ளீர்கள். அருமையான பதிவு, நன்றி அக்கா

nandhtiha · nandhtiha Wed Oct 07, 2009 2:35 pm

அன்பு இளவல்
பாராட்டுக்கு நன்றி. இதைவிட என்னால் ஒன்றும் செய்ய முடியவில்லையே?
அன்புடன்
நந்திதா

**கா.ந.கல்யாணசுந்தரம்** · 28/02/2009

தமிழின வாழ்வுக்கு கண்ணீர் மல்கி கவிதை எழுதியுள்ளிர்கள்,
பாராட்டுக்கள்!
தெய்வம் கூட நம்மைப் பார்த்துச் சிரித்து நிற்கின்றதே 678642

மீனு · மீனு Wed Oct 07, 2009 2:53 pm

மிக்க அருமையான கவிதை அக்கா... நன்றிகள்...
...தெய்வம் நம்மை பார்த்து சிரிக்கிறதே,..எத்தனை கவலையான உணர்வு.. தெய்வத்துக்கே என்ன செய்வதென்று தெரியவில்லையோ இந்த இதயமற்ற செயலை பார்த்து.....