கிராமங்களுக்கு மரியாதை

by மகா பிரபு Mon Jul 09, 2012 8:21 am

வட மாநிலங்களில் நிலவும் குடும்பப் பெயர்கள், பெரும்பாலும் தொழிலின் அடிப்படையில் அமைந்திருக்கும். ஆனால் கொங்கணியைத் தாய் மொழியாகக் கொண்ட மக்களிடையே குடும்பப் பெயர்கள், கிராமங்களின் அடிப்படையில் அமைந்துள்ளன. லதா மங்கேஷ்கரின் பெயரில் உள்ள "மங்கேஷ்கர்' என்பது அவரது குடும்பப் பெயர். "மங்கேஷி' என்பது கோவாவில் உள்ள ஒரு கிராமம். இந்த கிராமத்தைச் சேர்ந்தவர்கள் "மங்கேஷ்கர்' என்னும் குடும்பப் பெயரைக் கொண்டுள்ளனர். இங்கு "மங்கேஷி' என்னும் சிவன் கோயிலும் உள்ளது. இந்தக் கோயிலில் தான் லதா மங்கேஷ்கரின் தந்தை தினாநாத் மங்கேஷ்கர் பாடகராகப் பணி செய்துள்ளார். இதனால் தான் கோவா மாநில கலை மையத்திற்கு, தினாநாத் கலை மையம் என பெயர் சூட்டப்பட்டுள்ளது. குடியினால், புற்றுநோயால் தினாநாத் மங்கேஷ்கர் புனேயில் இறந்தார். அதனால் இவரது குடும்பத்தினர் இவரது பெயரில் ஒரு மருத்துவமனையையும், ஆராய்ச்சிக் கழகத்தையும் நிறுவியுள்ளனர்.

தினமலர்