தாளிசபத்திரி - cinnamomum tamala

இலவங்கப்பத்திரி என்றும் தமிழில் அழைக்கப்படுகிறது. तेज पत्ता, तेजपत, تیز پات

என்றும் இளமையுடன் காட்சிஅளிக்க பாலுணர்வை தூண்டும் ஹார்மோன்கள் பெரும் பங்கை வகிக்கின்றன. பாலுணர்வுக்கு காரணமான ஹார்மோன்களே இனப்பெருக்க உறுப்புக்களின் கவர்ச்சிக்கும், வசீகரத்திற்கும் காரணமாக அமைகின்றன.

ஆண் மற்றும் பெண்களின் அவயங்கள் எடுப்பாக அமைந்தால் தான் என்றும் இளமையுடன் காட்சியளிக்க முடியும். இனப்பெருக்க அவயங்களில் ஏதேனும் தளர்ச்சி ஏற்படும்பொழுது உடலளிவில் மட்டுமின்றி, மனதளவில் சோர்வு ஏற்பட்டு பாலுணர்வு எண்ணங்கள் குறைய ஆரம்பிக்கின்றன. பாலுணர்வின் குறைபாடே முதுமைக்கு வித்திடுகிறது. மனதளவில் பாலுணர்வு ஆர்வம் அதிகமாக இருந்தாலும், உடல் ஒத்துழைக்காத பொழுது உளவியல் தொல்லைகளும் தோன்றுகினறன. இதனால் ஆண், பெண் என இருபாலருக்கும் மனச்சிதைவு ஏற்படுவதுடன் பலவிதமான குடும்பப் பிரச்னைகளும் தோன்றுகின்றன. முதுமையை தொட்ட போதிலும் தம்பதியர் உடல் மற்றும் மனதளவில் தளர்ச்சியில்லாமல் இருந்தால்தான் குடும்பச் சக்கரம் சீராக இருக்கும். பாலுறவின் அத்தியாவசிய


அவயங்களாக கருதப்படும் இனப்பெருக்க உறுப்புகளில் வலிமையே பாலுறவு திருப்திகரமாக அமைய உதவுகிறது. ஆணின் அவயங்கள் வலிமையாகவும், பெண்ணின் அவயங்கள் எடுப்பாகவும் இருந்தால்தான் உணர் நரம்புகளும், செயல் நரம்புகளும் சீராக செயல்பட்டு பாலுறவை திருப்தியுற முடிக்கின்றன. இவற்றில் ஏதேனும் குறைபாடுகள் ஏற்படும் பொழுது நரம்புகளில் தளர்ச்சி ஏற்பட்டு, அவயங்களில் பலகீனம் உண்டாகிறது. தம்பதியரிடையே நடைபெறும் தொடு உணர்ச்சி மற்றும் பாலுணர்வு எண்ணங்கள் இனப்பெருக்க அவயங்களை தட்டி எழுப்புகின்றன. இதனால் என்றும் இளமையுடன் செயல்பட முடிகிறது.

இனப்பெருக்க உறுப்பு மற்றும் பாலுறுப்புகளில் தளர்ச்சி உள்ளவர்களுக்கு பயம், பதட்டம் ஆகியன தோன்றி கை, கால்கள் நடுக்கம் ஏற்படும். தாழ்வு மனப்பான்மையால் இல்லற வாழ்க்கை இயலாமை, தாம்பத்தியத்தில் பயம் ஆகிய குறிகுணங்கள் தோன்றுகின்றன. இனப்பெருக்க உறுப்புகளுக்கு போதுமான ரத்த ஓட்டமும், ஆக்சிஜனும் தேவை. இல்லாவிட்டால் உறுப்புகளில் தளர்ச்சி தோன்றிவிடும். பாலுறவில் என்றும் இளமையுடன் திகழ பாலுறுப்புகளை தளராமல் வைத்துக் கொள்ள இயற்கையான மூலிகைகளை உணவாகவோ, தனியாகவோ உட்கொள்ளலாம். இதனால் இனப்பெருக்க உறுப்புகள் வலிமையடைந்து இளமையுடன் காணப்படும்.


cinnamomum tamala என்ற தாவரவியல் பெயர் கொண்ட லாரேசியே குடும்பத்தைச் சார்ந்த இலவங்கப்பத்திரியின் இலைகள் இளமையை நீட்டித்து, இனப்பெருக்க உறுப்புகளை வலுவடையச் செய்யும் ஆற்றலு டையன. சிலர் இந்த செடிக்கு மாற்றாக தாளிசபத்திரியை பயன்படுத்துகின்றனர். ஆனால் இரண்டும் வேறு, வேறு செடிகளாகும். இதன் இலை மற்றும் பட்டையிலுள்ள சின்னமாலிக்டைட், லீனாலூன், பீட்டாபயனின், சைமின், லிமோனினின் போன்ற நறுமண எண்ணெய்கள் மென்மையான சதைப்பகுதிகளில் ஊடுருவி தடைப்பட்ட இரத்த ஓட்டத்தை சீர் செய்கின்றன. தளர்ந்த உறுப்புகளையும் வலுப்பெறச் செய்கின்றன. இலவங்கப் பத்திரிக்கு நுண்ணிய ரத்தக் குழாய்களுக்கு செல்லும் ரத்த ஓட்டத்தை அதிகரிப்பதுடன், சைக்ளோ ஆக்ஸிஜினேன் மற்றும் லைப்பே ஆக்சிஜினேன் போன்ற வினையூக்கிகளை கட்டுப்படுத்தி அரக்கிடானிக் அமில மாற்றத்தை தடுப்பதுடன் செல்களில் நைட்ரஜன் ஆக்சைடு கொள்திறனை அதிகப்படுத்தும் ஆற்றலுடையதாக பலவித ஆய்வுகள் மூலம் நிரூபிக்கப்பட்டுள்ளது.


இலவங்கப்பத்திரி இலைகளை பொடித்து 1 முதல் 2 அளவு தேனுடன் குழப்பி சாப்பிட ஆண்மை பெருகும். இனப்பெருக்க உறுப்புகளுக்கு செல்லும் ரத்த ஓட்டத்தை அதிகப்படுத்தி எழுச்சியை உண்டாக்கும். அதே போல் இலவங்கப்பத்திரி இலை மற்றும் பட்டையிலிருந்து தயாரிக்கப்படும் ஸ்ரீகோபால் தைலத்தை இனப் பெருக்க உறுப்புகள் மற்றும் தளர்ந்த மார்பில் தடவி வர கருப்பை இறக்கம் மற்றும் உறுப்பு தளர்ச்சிகள் பலமுண்டாகும்.