அதிசயம் நிகழுமா??...பிரணாப் முகர்ஜி வேட்பு மனுவை நிராகரிக்க சங்மா திடீர் கோரிக்கை!

டெல்லி: குடியரசுத் தலைவர் தேர்தலில் புதிய திருப்பமாக ஐக்கிய முற்போக்குக் கூட்டணியின் வேட்பாளர் பிரணாப் முகர்ஜியின் மனுவை ஏற்பதில் திடீர் சிக்கல் ஏற்பட்டுள்ளது. இதையடுத்து வேட்பு மனு பரிசீலனை நாளை வரை ஒத்திவைக்கப்பட்டுள்ளது.
குடியரசுத் தலைவர் தேர்தலில் வேட்புமனுத்தாக்கல் முடிந்து இன்று வேட்புமனுக்கள் பரிசீலனைக்கு எடுத்துக் கொள்ளப்பட்டன. அப்போது பிரணாப் முகர்ஜியை எதிர்த்துப் போட்டியிடும் அதிமுக, பிஜூ ஜனதாதளம் மற்றும் பாஜக ஆதரவு வேட்பாளரான சங்மா திடீரென ஒரு கோரிக்கையை முன்வைத்தார்.
அதாவது மத்திய அரசின் இந்திய புள்ளியியல் நிறுவனத்துக்கு (Indian Statistical Institute) தலைவராக இன்னமும் பிரணாப் முகர்ஜிதான் பதவி வகித்து வருகிறார். குடியரசுத் தலைவர் தேர்தல் விதிமுறைகளின்படி பார்த்தால் பிரணாப் முகர்ஜியின் வேட்புமனு செல்லாது என்று ஒரு போடு போட்டார். இதைக் கேட்ட தேர்தல் அதிகாரியான மாநிலங்களவைச் செயலர் ஒரு கணம் ஷாக்கிப் போனார். வேறுவழியின்றி பிரணாப்பிடம் விளக்கம் கேட்கிறோம் என்று கூறி வேட்பு மனு பரிசீலனையை நாளைக்கு ஒத்திவைத்து விட்டனர்.

சுப்பிரமணியசாமி அதிரடி

இதனிடையே டிவிட்டரில் ஜனதா கட்சித் தலைவர் சுப்பிரமணியசாமி, "பிரணாப் முகர்ஜியின் வேட்புமனு நிராகரிக்கப்படும்? வேட்புமனு பரிசீலனை திடீரென நாளைக்கு ஒத்திவைப்பு...ரகசியமாக பல்வேறு அரசுப் பொறுப்புகளை வகித்து வருகிறார்" என்று தட்டி விட்டிருக்கிறார்.
ஒருவேளை சங்மாவுக்கு போட்டுக் கொடுத்ததே சுப்பிரமணியசாமியாகவும் இருக்கலாம். அதே நேரத்தில் எப்படியும் தேர்தலில் அதிசயம் நிகழ்ந்து வெற்றி பெறுவேன் என்று சங்மா கூறிவந்தார். பிரணாப் முகர்ஜியின் வேட்புமனு நிராகரிக்கப்படும் நிலையில் சங்மாவின் ஆருடம் பலித்துவிடும்! நாட்டின் அரசியலில் பெரும் பரபரப்பும் ஏற்பட்டு விடும்!

நன்றி ஒன் இந்தியா

அப்படி போடு .....

அடப் போங்கண்ணே - இன்னிக்கு ஒரே நாளில் அவரு போன ஜென்மத்துல வகிச்ச பதவியில் இருந்து கூட ராஜினாமா பண்ணிட்டு வந்துடுவாரு நாளைக்கு.

நல்ல போடுரைங்கய்யா நாடகத்த

யினியவன் wrote:அடப் போங்கண்ணே - இன்னிக்கு ஒரே நாளில் அவரு போன ஜென்மத்துல வகிச்ச பதவியில் இருந்து கூட ராஜினாமா பண்ணிட்டு வந்துடுவாரு நாளைக்கு.

இவனுங்க சூலை 19 வரைக்கும் இப்படித்தான் ஸ்டன்டு காட்டிக்கிட்டு இருப்பானுங்க.... இதையெல்லாம் நம்பிக்கிட்டு இருக்கிறவங்க தான் கேனையாக ஆகனும்