ஏ.டி.எம். மையத்தில் கிடந்த பச்சிளம் குழந்தை! பணம் எடுக்க வந்தவர்களுக்கு ஷாக்!

by முரளிராஜா Sun Jul 01, 2012 11:08 am

ஏ.டி.எம். மையத்தில் பச்சிளம் பெண் குழந்தை கிடந்தது. அந்த குழந்தை கள்ளக்காதலில் பிறந்ததா? என்பது குறித்து போலீசார் விசாரணை நடத்தி வருகின்றனர்.

நெல்லை மாவட்டம் வள்ளியூர் தெற்கு மெயின்ரோட்டில் ஒரு வங்கிக்கு சொந்தமான ஏ.டி.எம். மையம் உள்ளது. இந்த ஏ.டி.எம். மையத்துக்கு நேற்று காலை 7 மணி அளவில் வாடிக்கையாளர்கள் பணம் எடுப்பதற்காக வந்தனர்.

அப்போது ஏ.டி.எம். அறையின் உள்ளே ஒரு குழந்தை அழும் சத்தம் கேட்டது. அருகில் சென்று பார்த்த போது பிறந்த 10 நாட்கள் ஆன ஒரு பெண் குழந்தை கிடந்தது. அந்த குழந்தை ஒரு பழைய பேப்பரில் சுற்றப்பட்டு இருந்தது.

இது பற்றிய தகவல் அறிந்தவுடன் அந்த பகுதியில் உள்ளவர்கள் கூட்டம் கூட்டமாக வந்து குழந்தையை பார்த்துச் சென்றனர்.

வள்ளிழூர் போலீசாருக்கும் தகவல் தெரிவிக்கப்பட்டது. போலீசார் ஏ.டி.எம். மையத்துக்கு விரைந்து வந்து விசாரணை நடத்தினர்.

பின்னர் அந்த குழந்தையை, வள்ளியூர் அரசு ஆஸ்பத்திரிக்கு போலீசார் கொண்டு சென்றனர். நெல்லையில் உள்ள குழந்தைகள் காப்பகத்துக்கு தகவல் தெரிவிக்கப்பட்டது. அவர்கள் வந்து, நேற்று மாலை குழந்தையை பெற்றுக் கொண்டனர்.

இந்த குழந்தை கள்ளத்தொடர்பில் பிறந்ததா, அல்லது மனநிலை பாதிக்கப்பட்ட பெண்ணுக்கு பிறந்ததா? என்பது தெரியவில்லை. குழந்தை யாருடையது, ஏ.டி.எம். மையத்தில் கொண்டு வந்து போட்டது யார்? என்பது குறித்து வள்ளிழூர் போலீசார் விசாரணை நடத்தி வருகின்றனர்.

நன்றி நக்கீரன்

by யினியவன் Sun Jul 01, 2012 11:11 am

குப்பைத் தொட்டியில் போடுவதிலிரிந்து கொஞ்சம் முன்னேற்றம் - ஏடிஎம் அருகே போட்டிருக்காங்க.

என்ன கொடுமை இது?

by **ராஜா** Sun Jul 01, 2012 11:15 am

ஐயோ , எப்படி தான் இவர்களுக்கு மனம் வருகிறதோ,

by ஹர்ஷித் Sun Jul 01, 2012 11:19 am

மனிதாபிமானம் என்று ஒன்று இன்று கல்லறையில்
கருவை சுமந்தவளையும் கருங்கல் ஆக்குகின்றது - காலம்.

by Sponsored content

ஏ.டி.எம். மையத்தில் கிடந்த பச்சிளம் குழந்தை! பணம் எடுக்க வந்தவர்களுக்கு ஷாக்!

ஏ.டி.எம். மையத்தில் கிடந்த பச்சிளம் குழந்தை! பணம் எடுக்க வந்தவர்களுக்கு ஷாக்!

Re: ஏ.டி.எம். மையத்தில் கிடந்த பச்சிளம் குழந்தை! பணம் எடுக்க வந்தவர்களுக்கு ஷாக்!

Re: ஏ.டி.எம். மையத்தில் கிடந்த பச்சிளம் குழந்தை! பணம் எடுக்க வந்தவர்களுக்கு ஷாக்!

Re: ஏ.டி.எம். மையத்தில் கிடந்த பச்சிளம் குழந்தை! பணம் எடுக்க வந்தவர்களுக்கு ஷாக்!

Re: ஏ.டி.எம். மையத்தில் கிடந்த பச்சிளம் குழந்தை! பணம் எடுக்க வந்தவர்களுக்கு ஷாக்!