ஒருநாள் கிரிக்கெட் அபார பந்துவீச்சில் இந்திய `ஏ' அணி வெற்றி

by **ராஜா** Sun Jul 01, 2012 10:41 am

ஒருநாள் கிரிக்கெட்
அபார பந்துவீச்சில் இந்திய `ஏ' அணி வெற்றி

செயின்ட் ஜார்ஜ், ஜுலை.1-

இந்தியா `ஏ'-வெஸ்ட் இண்டீஸ் `ஏ' அணிகள் இடையிலான 2-வது ஒருநாள் கிரிக்கெட் போட்டி செயின்ட் ஜார்ஜில் நடந்தது. இதில் முதலில் ஆடிய இந்திய `ஏ' அணி நிர்ணயிக்கப்பட்ட 50 ஓவர்களில் 7 விக்கெட் இழப்புக்கு 184 ரன்கள் எடுத்தது. ரோகித் ஷர்மா 39 ரன்னும், ஜலாஜ் சக்சேனா 35 ரன்னும் எடுத்தனர்.

அடுத்து 185 ரன்கள் இலக்கை நோக்கி ஆடிய வெஸ்ட் இண்டீஸ் `ஏ' அணி, இந்திய பந்து வீச்சை தாக்குப்பிடிக்க முடியாமல் 27.1 ஓவர்களில் 76 ரன்னில் சுருண்டது. இந்திய `ஏ' அணி தரப்பில் தரேகர் 4 விக்கெட்டும், அசோக் திண்டா, புவனேஷ்வர் குமார், ஜலாஜ் சக்சேனா தலா 2 விக்கெட்டும் சாய்த்தனர். இந்த வெற்றியின் மூலம் இந்திய `ஏ' அணி 3 போட்டி கொண்ட தொடரில் 1-1 என்ற கணக்கில் சமநிலையை எட்டியுள்ளது. 3-வது மற்றும் கடைசி ஒருநாள் போட்டி செயின் ஜார்ஜில் இன்று நடக்கிறது.