பல்கலை வெப்சைட்டில் தொல்காப்பியம்

பல்கலை வெப்சைட்டில் தொல்காப்பியம்


திருச்சி பாரதிதாசன் பல்கலை வெப்சைட்டில் தொல்காப்பியத்தின் முதல் பதிப்பு- மின்னணு சுவடிக்காட்சியகம் துவக்கி வைக்கப்பட்டது.
திருச்சி பாரதிதாசன் பல்கலையில், பாரதிதாசன் பல்கலை வெப்சைட்டில் தொல்காப்பியத்தின் முதல் பதிப்பு (1847-48), டில்லி தேசிய தகவல் தொழில்நுட்ப நிறுவனம்- புவியியல் தகவல் அமைப்பு நிறுவனம் மற்றும் பாரதிதாசன் பல்கலை இடையே புரிந்துணர்வு ஒப்பந்தம், பல்கலை உள்கட்டமைப்பு தரமேம்பாட்டுப்பிரிவின் செய்திமடல் மற்றும் போட்டித் தேர்வுகளுக்கான புத்தகம் வெளியீடு என முப்பெரும் நிகழ்ச்சி நேற்று நடந்தது.
பல்கலை பதிவாளர் ராமசாமி வரவேற்றார். அரசின் உயர்கல்வித்துறை கூடுதல் முதன்மைச்செயலாளர் ஸ்ரீதர் முன்னிலையில், புரிந்துணர்வு ஒப்பந்தம் கையெழுத்திடப்பட்டது.
பல்கலை உள்கட்டமைப்புத் தர மேம்பாட்டுப்பிரிவின் செய்திமடல் மற்றும் போட்டித் தேர்வுகளுக்கான புத்தகத்தை, முதன்மைச்செயலாளர் ஸ்ரீதர் வெளியிட, துணைவேந்தர் மீனா பெற்றுக்கொண்டார்.
* போட்டி உலகம்: பல்கலை வெப்சைட்டில் தொல்காப்பியத்தின் முதல் பதிப்பு- மின்னணு சுவடி காட்சியகத்தை துவக்கி வைத்து, முதன்மைச்செயலாளர் ஸ்ரீதர் பேசியதாவது:
இந்தியா அணு தொழில்நுட்பத்திலும், விண்வெளி தொழில்நுட்பத்திலும் சிறந்து விளங்கிவருகிறது. பல்கலை புரிந்துணர்வு ஒப்பந்தத்தின் மூலம் கல்வி, கலாச்சாரம், பொருளாதார செயல்பாடுகள் மேம்படும்.
இக்காலக்கட்டத்தில் உயர்கல்வியின் தரத்துக்கு முக்கியத்துவம் அளிக்கப்படுகிறது. உயர்கல்வியில் தரம் மட்டுமல்லாது பாரதிதாசன் பல்கலை புதிய கல்வி மற்றும் ஆராய்ச்சி பணிகளை மேற்கொண்டுள்ளது.
அனைத்துத் துறைகளிலும் போட்டிகள் நிறைந்த தற்போதைய உலகத்தை சமாளிக்க நல்ல தகுதியும், திறனும் பெற்றிருக்கவேண்டும். அதற்கு தரமான உயர்கல்வி மாணவர்களுக்கு அவசியம்.
இவ்வாறு அவர் பேசினார்.
* தமிழ் பெருமிதம்: துணைவேந்தர் மீனா தலைமை வகித்து பேசியதாவது:
தமிழக முதல்வர் ஒதுக்கீடு செய்த 2.5 கோடி ரூபாயை கொண்டு, பாரதிதாசன் பல்கலையில் தொலை உணர்வு மையம் அமைக்கப்பட்டது. இம்மையத்தின் மூலம் என்.ஐ.ஐ.டி., ஜி.ஐ.எஸ்., நிறுவனத்துடன் புரிந்துணர்வு ஒப்பந்தம் செய்யப்பட்டுள்ளது.
இதன்மூலம், வருங்காலத்தில் நிலப்பரப்பு தொழில்நுட்பத்தில் உள்ள மனித ஆற்றல் பற்றாக்குறையை போக்கும் வகையில் ஆராய்ச்சி மற்றும் செயல்பாடு மேம்படுத்தப்படும்.
தமிழ்த்தாத்தா உ.வே.சா., அக்காலத்தில் தமிழகம் முழுவதும் சுற்றி, ஓலைச்சுவடிகளை சேகரித்து அச்சேற்றினார். பாரதிதாசன் பல்கலையோ, தொழில்நுட்ப வழியாக தொல்காப்பியத்தை பல்கலை இணையத்தளத்தில் பதிவேற்றம் செய்துள்ளது.
இதில், மொத்தம் 26 ஆயிரம் பக்க அளவில் பல்வேறு ஓலைச்சுவடிகள், காகிதச்சுவடிகள் இடம்பெற்றுள்ளன. உலகின் எந்த மூலையில் இருப்பவர்களும், எந்நேரத்தில் பார்க்கும் வகையில் வடிவமைக்கப்பட்டுள்ளது.
பாரதிதாசன் பல்கலை இணையத்தளத்தில் இடம்பெற்றுள்ள தொல்காப்பிய சுவடிகள், தமிழ் ஆய்வு மாணவர்கள் மற்றும் ஆராய்ச்சியாளர்களுக்கு மிகுந்த பலனை அளிக்கும்.
இவ்வாறு அவர் பேசினார். nandri facebook nanbargal

நல்ல விஷயம் - இன்னும் பல பொக்கிஷங்களை இதே போல் பகிரட்டும்.

செய்திக்கு நன்றி செந்தில்.

இதுதானா சார் உங்க ஸ்பீடு?

இதெல்லாம் தனியார்கள் எப்பயோ வெளியிட்டுட்டாங்க! இவங்க இப்பதான் வர்ர்ர்ர்ராங்க்கோ……..

பரவாயில்ல இப்பவாவது வந்தாங்களே!........