சிறுபான்மை இனத்தைச் சேர்ந்தவர்கள் கல்வி உதவித்தொகை பெற விண்ணப்பிக்கலாம் கலெக்டர் தகவல்

சிறுபான்மை இனத்தைச் சேர்ந்தவர்கள் கல்வி உதவித்தொகை பெற விண்ணப்பிக்கலாம் என்று மாவட்ட கலெக்டர் சி.நடராசன் தெரிவித்துள்ளார்.

இதுகுறித்து அவர் வெளியிட்டுள்ள அறிக்கையில் கூறியிருப்பதாவது:-

கல்வி உதவித்தொகை

திருவாரூர் மாவட்டத்தில் உள்ள அரசு, அரசு உதவி பெறும் மற்றும் அரசால் அங்கீகரிக்கப்பட்ட தனியார் கல்வி நிலையங்களில் 11, 12-ம் வகுப்பு, வாழ்க்கை தொழிற்கல்வி, ஐ.டி.ஐ., ஐ.டி.சி., பாலிடெக்னிக், பட்டயப்படிப்புகள், இளங்கலை மற்றும் முதுகலை பட்டப்படிப்புகள், எம்.பில்., ஆராய்ச்சி படிப்பு ஆகியவற்றை பயிலும் கிறிஸ்துவர், இஸ்லாமியர், புத்தம், சீக்கியர் மற்றும் பாரசீகியர்கள் மதத்தைச் சேர்ந்த சிறுபான்மையின மாணவ, மாணவிகளுக்கு பள்ளி மேற்படிப்பு கல்வி உதவித்தொகை திட்டத்தின்கீழ் 2012-12-ம் ஆண்டிற்கு கல்வி உதவித்தொகை பெறுவதற்கு விண்ணப்பங்கள் வரவேற்கப்படுகின்றன.

இந்த திட்டத்தின்கீழ் கல்வி உதவித்தொகை பெற மாணவ, மாணவிகளின் பெற்றோர், பாதுகாவலரது ஆண்டு வருமானம் ரூ.2 லட்சத்திற்கு மிகாமல் இருக்க வேண்டும். மாணவ, மாணவிகள் முந்தைய ஆண்டின் இறுதித்தேர்வில் 50 சதவீத மதிப்பெண்களுக்கு குறையாமல் பெற்று தேர்ச்சி பெற்றிருக்க வேண்டும். பிற்படுத்தப்பட்டோர் நலத்துறை, ஆதிதிராவிடர் நலத்துறை, இதர அரசு மற்றும் அரசு சார்ந்த துறைகள், நலவாரியங்கள் மூலம் 2012-13-ம் ஆண்டில் கல்வி உதவித்தொகை பெறக்கூடாது. குடும்பத்தில் அதிகபட்சம் இருவருக்கு மட்டும் கல்வி உதவித்தொகை வழங்கப்படும்.

விண்ணப்பிப்பது எப்படி?

மேல்நிலை பள்ளிக்கல்வி பயில்பவர்கள் இணையதள முகவரியில் வெளியிடப்பட்டுள்ள பள்ளி மேற்படிப்பு கல்வி உதவித்தொகை விண்ணப்பப்படிவத்தில் பூர்த்தி செய்து அத்துடன் தேவையான சான்றுகளுடன் கல்வி நிலையத்தில் விண்ணப்பத்தை அடுத்த மாதம் (ஜுலை) 31-ந்தேதிக்குள் தவறாது சமர்ப்பிக்க வேண்டும்.

ஐ.டி.ஐ., ஐ.டி.சி., என்.சி.வி.டி. பாலிடெக்னிக், பட்டயப்படிப்புகள், இளங்கலை மற்றும் முதுகலை பட்டப்படிப்புகள், எம்.பில்., ஆராய்ச்சி பயில்பவர்கள் புதியது மற்றும் புதுப்பித்தல் கல்வி உதவித்தொகை விண்ணப்பங்களை ஆன் லைன் மூலம் பள்ளி மேற்படிப்பு கல்வி உதவித்தொகை விண்ணப்பங்களில் பூர்த்தி செய்ய வேண்டும். பின்னர் பதிவு செய்த விவரங்களை ஆன்லைன் மூலம் கல்வி நிலையங்களுக்கு தவறாது அனுப்ப வேண்டும்.

மேலும், ஆன்லைன் மூலம் பதிவு செய்த விண்ணப்ப படிவங்களை படியிறக்கம் செய்து அத்துடன் தேவையான சான்றுகளுடன் கல்வி நிலையங்களில் விண்ணப்ப படிவத்தை 30.9.2012-க்குள் தவறாது சமர்ப்பிக்க வேண்டும். அப்போது தான் ஆன்லைன் மூலம் கல்வி நிலையங்களுக்கு அனுப்பிய விவரங்களை பரிசீலனைக்கு எடுத்துக்கொள்ளப்படும்.

கல்வி நிலையங்கள் சிறுபான்மையின மாணவ, மாணவிகளால் சமர்ப்பிக்கப்படட் மேற்படி கல்வி உதவித்தொகை விண்ணப்பங்களை பரிசீலித்து மேல்நிலை பள்ளிக்கல்வி விண்ணப்பங்களுக்கு உரிய புதியது மற்றும் புதுப்பித்தல் கேட்பு பட்டியல்களை 15.8.12-க்குள்ளும், ஆன்லைன் மூலம் விண்ணப்பித்த விண்ணப்பங்களில் புதியது மற்றும் புதுப்பித்தல் ஆகியவற்றிற்குரிய கேட்புப்பட்டியலை 15.10.12-க்குள் மாவட்ட கலெக்டர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரிடம் மேற்குறிப்பிடட் காலக்கெடுவிற்குள் குறுந்தகட்டுடன் தவறாது சமர்ப்பிக்க வேண்டும்.

கல்வி உதவித்தொகை மாணவ, மாணவிகளின் வங்கி கணக்கில் மின்னணு பரிவர்த்தனை மூலம் வழங்கப்படுவதால் மாணவ, மாணவிகள் வங்கி கணக்கு எண் மற்றும் வங்கி கிளை குறியீடு எண்களை தவறாது விண்ணப்பத்தில் குறிப்பிட வேண்டும். சிறுபான்மையின மாணவ, மாணவிகள் மேற்படி கல்வி உதவித்தொகை பெற உரிய காலத்தில் விண்ணப்பித்து பயன் அடைய வேண்டும்.

இவ்வாறு அவர் கூறியுள்ளார்.

சிறுபான்மை பெரும்பான்மை எனப் பாராது
நலிவுற்றோர் அனைவருக்கும் நல்ல கல்வி வழங்க
வகை செய்யும் சட்ட திருத்தம் என்று தான் வருமோ?

யினியவன் wrote:சிறுபான்மை பெரும்பான்மை எனப் பாராது
நலிவுற்றோர் அனைவருக்கும் நல்ல கல்வி வழங்க
வகை செய்யும் சட்ட திருத்தம் என்று தான் வருமோ?

அருமையா சொன்னிங்க , பாரபட்சம் பாராமல் நல்லிவுற்ற அனைவருக்கும் அரசு உதவவேண்டும்.