குடி குடியைக் கெடுக்கும் – 3 ‘வாயில் தோறும் வள்ளுவத்தில்’ கைவிடப்பட்ட குறள்கள்

கள்ளாசை கொண்டவர்கள் எக்காலத்திலும் பிறரால் மதிக்கப்படமாட்டார்கள்; உள்ள பெருமைகளையும் இழந்து விடுவார்கள்.

ஆகையினால் கள்ளைக் குடிக்கவேண்டா. அறிவொழுக்கங்களாற் சிறந்த மேன்மக்களால் மதிக்கப்படுவதை வேண்டாதவர்கள் குடித்தால் குடிக்கட்டும்.

ஏனெனில் குடித்து வெறித்தவனை அவனைப் பெற்றெடுத்த தாய் பார்த்தாலும் வெறுப்பாளென்றால், ஒழுக்கத்தையே விரும்பும் நல்லவர்கள் பார்த்தால் எப்படி இருக்கும்?

கள்ளைக்குடிப்பது என்ற மிகவும் விரும்பத்தகாத பெருங்குற்றத்தைச் செய்கிறவர்களை நாணம் என்ற அழகான பெண் தன் முகமெடுத்துக்கூடப் பார்க்காமல் அவர்கள் இருக்கும் இடத்தை விட்டுப் போய்விடுவாள்.

(அப்படி நாணமற்றுப் போகும்படி செய்துவிடுகிற கள்ளை விலை கொடுத்து வாங்குவது) பணத்தைக் கொடுத்து மெய்ம்மறதியை வாங்கிக் கொள்வது, நல்லது கெட்டது தெரியாத மடத்தனந்தான்.

(அதனால்) மெய்ம்மறந்த நிலையுள்ளவர்கள் யாரானாலும் செத்த பிணத்துக்கே சமானம். அதனால் கள்ளுண்டு மெய்ம்மறதியடைகிறவர்கள் கள்ளை உண்ணுந்தோறும் பிணமாக்கி விடுகிற விஷத்தை உண்பவர்களேயாகிறார்கள்.

கள்ளைக்குடித்து நிதானமிழந்து கண் சுழலுகின்ற குடியர்கள் தினந்தினம் வீட்டுக்குள் குடித்தாலும் வீதிக்கு வந்து ஊருக்குள் பிறர் நகைக்க மானங்கெடுவார்கள்.

‘போதையினால் தெரியாமற் செய்துவிட்டேன்’ என்று பின்னால் சொல்லச் செய்கிற குடிப்பழக்கத்தை விட்டொழிக்க வேண்டும். மனத்தில் மறைத்து வைத்திருக்கிற இரகசியங்களும் அதைப்போலவே போதையில் வெளியாகிவிடும்.

கள்ளுண்டு மயங்கி யிருக்கிறவனைச் சீர்திருத்த, நியாயங்களைச் சொல்லுவது ஆழமான தண்ணீருக்குள் முழுகி மறைந்திருப்பவனைத் தீப்பந்தம் கொண்டு தேடுவதைப் போன்றது.

கள்ளுண்ணும் பழக்கமுள்ளவர்கள், கள்ளை உண்ணாதிருக்கிற சமயத்தில், கள்ளுண்டு போதையினால் தள்ளாடுகிற வேறொருவனைப் பார்க்கிற போதாவது கள்ளுண்பதனால் உண்டாகும் தடுமாற்றத்தை எண்ணிப் பார்க்க மாட்டானா? (அப்போது மனமாறுதல் ஏற்பட்டால்தான் உண்டு)

(திருக்குறள்: அதிகாரம் 93 கள்ளுண்ணாமை: நாமக்கல் கவிஞர் உரை)

அறிவு புகட்டும் வரிகள் சாமி.

நாங்க திருவள்ளுவர் சிலை மட்டுமே வைப்போம். அவங்க கொள்கையிலாம் எதுக்கு எங்களுக்கு ?
வாயில் தோறும் இந்த குறளை போட்டுட்டு எங்க வயித்தில வாயில அடிச்சிக்கிறதா? - முன்னாள் முதல்வர்.

இந்த அரசியல்வாதிங்க மக்களை திருந்த விடமாட்டாங்க , குடிக்குரவங்களும் யோசிங்கமாற்றாங்க இது எங்க எங்க கொண்டுபோய்விடப்போகுதோ . கடவுளே நீயாவது என் சகோதரர்கள் திருந்த வைக்ககூடாதா?

senthilkumar.jsk wrote: இந்த அரசியல்வாதிங்க மக்களை திருந்த விடமாட்டாங்க , குடிக்குரவங்களும் யோசிங்கமாற்றாங்க இது எங்க எங்க கொண்டுபோய்விடப்போகுதோ . கடவுளே நீயாவது என் சகோதரர்கள் திருந்த வைக்ககூடாதா?

நண்பா அரசியல்வாதி மட்டும் இல்ல. சினிமா கதாநாயகன்களும் (நிஜத்தில் வில்லன்கள்) தான் !