தேடினேன் மனித நேயம் !

by **நாகசுந்தரம்** Thu Jun 28, 2012 12:55 pm

வண்ண வண்ண மலர்களைப் பார்த்தேன்
வாடும் முன்னர் வீசுகின்றன மணம் !
மலர் தேடும் வண்டுகளைப் பார்த்தேன்
வாடாமல் விரைகின்றன உலகில் !
உயர உயர வளரும் மரங்களைப் பார்த்தேன்
நிழல் தந்து நல்லன செய்கின்றன !
பால் தரும் பசுக்களைப் பார்த்தேன்
உணவுக்கு ஊட்டம் தருகின்றன !
தினம் உதிக்கும் பகலவனைப் பார்த்தேன்
உயிர்களை வாழவைக்கும் வகை செய்கிறது !
ஓடும் நதிகளைப் பார்த்தேன்
காடும் மலையும் கடந்து வயல்களை வளமாக்குகிறது !
இயற்கை பிறர் வாழ வகை செய்து நிற்கின்றன !
சாடும் மனிதனைப் பார்த்தேன்
தேடினேன் மனித நேயத்தை !