Latest topics

திருச்சி அகதிகள் முகாமில் இலங்கைத் தமிழர் கத்தியால் குத்திப் படுகொலை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

திருச்சி அகதிகள் முகாமில் இலங்கைத் தமிழர் கத்தியால் குத்திப் படுகொலை

Post by மீனு Wed 7 Oct 2009 - 14:13

திருச்சி, கொட்டப்பட்டு அகதிகள் முகாமில் தங்கியிருந்த இலங்கைத் தமிழர் சத்யசீலன் என்பவர் கத்தியால் குத்தி படுகொலை செய்யப்பட்டுள்ளதாகத் தெரிவிக்கப்படுகிறது.

இச்சம்பவம் குறித்து தெரிய வருவதாவது :

நேற்று (05.10.2009) திங்கட்கிழமை மாலை நடந்த இந்தக் கொலை தொடர்பாக நான்கு பேரைப் பொலிஸார் கைது செய்துள்ளனர்.

கொட்டப்பட்டு முகாமில் தங்கியிருந்த ஐயன் என்பவர் மரணமடைந்தார். இவரது மரண செய்தியைக் கேள்விப்பட்டு, வாழவந்தான்கோட்டை அகதிகள் முகாமில் தங்கியிருந்த சத்யசீலன் (35) என்பவர் அங்கு வந்திருந்தார்.

அப்போது மரணவீட்டிற்கு வந்திருந்த, இராஜகோபால், அவரது மகன்களான ரபிநேசன், சசிதரன் மற்றும் சாந்தன் ஆகியோருக்கும், சத்யசீலனுக்கும் இடையே வாக்குவாதம் ஏற்பட்டுள்ளது.

இந்த நிலையில் ஐயனின் இறுதிச் சடங்குகள் முடிந்த பின்னர் சத்யசீலனுக்கும், மேற்குறித்த நான்கு பேருக்கும் இடையே பெரும் மோதல் மூண்டது.

இதன்போது சசிதரன், சத்யசீலனை கத்தியால் குத்தியுள்ளார். படுகாயமடைந்த சத்யசீலன், திருச்சி அரசு மருத்துவமனைக்குக் கொண்டு செல்லப்பட்ட போது இடைவழியில் அவர் உயிரிழந்ததாகக் கூறப்படுகிறது.
குறித்த நான்கு பேரையும் கைது செய்த பொலிஸார் விசாரணைகளை மேற்கொண்டு வருவதாக தெரிவிக்கப்படுகிறது.

மீனு: வி.ஐ.பி; பதிவுகள் : 12052
இணைந்தது : 08/04/2009