ஓருயிரும் ஈருடலும்

yarlpavanan · yarlpavanan Sun Jun 24, 2012 10:34 am

ஒற்றைக் கோட்டில் சற்றும் வழுக்காமல்
முற்றும் முடியப் பயணிக்கும்
கற்றோரும் மற்றோரும் கூறும்
இருவரின் செயலே
ஓருயிரும் ஈருடலும் என்பேன்!
தோழன், தோழியாகலாம்
நண்பன், நண்பியாகலாம்
ஒரே பாலார் இருவராகலாம்
காதலன், காதலியாகலாம்
கணவன், மனைவியாகலாம்
எவ்வகை இணையராயினும்
இரு வேறு கோட்டில் பயணிக்காமல்
நேர்கோடு ஒன்றில்
நடைபோடும் இணையர்களே
ஓருயிரும் ஈருடலும் என்பேன்!
எண்ணும் எண்ணத்தில் ஒற்றுமை
பேசும் கருத்தில் ஒற்றுமை
பேசிய கருத்தின் பொருளில் ஒற்றுமை
செய்யும் செயலில் ஒற்றுமை
செயற்படும் முனைப்பில் ஒற்றுமை
எதற்கெடுத்தாலும்
எதிலும் எதிலும் ஒற்றுமையாயின்
ஓருயிரும் ஈருடலும் என்பேன்!
இதற்கு மேலும்
எதையேனும் சொல்லி நீட்டாமல்
முடிவாய் ஒன்றை முன்வைக்கிறேன்
இப்படித்தான்
நம்மவர்களுள் எத்தனையாள்
ஓருயிரும் ஈருடலுமாக வாழ்கிறார்கள்?

**Dr.சுந்தரராஜ் தயாளன்** · 03/09/2011

மிகவும் நன்று யாழ் ...நானிருக்கிறேன். மகிழ்ச்சி

சார்லஸ் mc · சார்லஸ் mc Sun Jun 24, 2012 10:44 am

கவிதை நன்று அருமையிருக்கு

முடிவில்... உள்ள கருத்து...

நமது இந்திய தேசத்தில் பெரும்பான்மையானோர் ஒரு உயிர் இரு உடலாகத்தான் வாழ்கிறார்கள்.

ஆனால் ஒன்று... கருத்து வேற்றுமை இருந்தாலும் ஒற்றுமையாகவே ஒரு வீட்டில் வாழ்ந்து வருவோரை இன்றும் காணலாம்.

**ரா.ரா3275** · **ரா.ரா3275** Sun Jun 24, 2012 10:45 am

நல்ல கருத்து...நல்ல கேள்வி...

யினியவன் · யினியவன் Sun Jun 24, 2012 11:05 am

நல்ல அலசல் கவிதை.

ஓருயிர் ஈருடல் தான் இங்கே அநேகம் - ஏன்னா ஒத்த உசிரு தான் போயிடுமே - கரீக்ட்டா முரளி?

தர்மா · தர்மா Sun Jun 24, 2012 11:39 am

இவரு ஏன் முரளி அபசகுனாமவே பேசுறார்.

யினியவன் wrote:நல்ல அலசல் கவிதை.

ஓருயிர் ஈருடல் தான் இங்கே அநேகம் - ஏன்னா ஒத்த உசிரு தான் போயிடுமே - கரீக்ட்டா முரளி?

முரளிராஜா · முரளிராஜா Sun Jun 24, 2012 11:42 am

தர்மா wrote:இவரு ஏன் முரளி அபசகுனாமவே பேசுறார்.

அவர் எப்பவுமே இப்படிதான் தர்மா
எங்களுக்கு பழகி போச்சு ஒன்னும் புரியல

தர்மா · தர்மா Sun Jun 24, 2012 11:43 am

கொஞ்சம் மாத்திக்கிட்டா நல்லா இருக்கும்

yarlpavanan · yarlpavanan Tue Jun 26, 2012 8:36 am

Dr.சுந்தரராஜ் தயாளன் wrote:மிகவும் நன்று யாழ் ...நானிருக்கிறேன்.

தங்கள் பாராட்டுக்கு நன்றி.

yarlpavanan · yarlpavanan Tue Jun 26, 2012 8:43 am

சார்லஸ் mc wrote:கவிதை நன்று

முடிவில்... உள்ள கருத்து...

நமது இந்திய தேசத்தில் பெரும்பான்மையானோர் ஒரு உயிர் இரு உடலாகத்தான் வாழ்கிறார்கள்.

ஆனால் ஒன்று... கருத்து வேற்றுமை இருந்தாலும் ஒற்றுமையாகவே ஒரு வீட்டில் வாழ்ந்து வருவோரை இன்றும் காணலாம்.

தங்கள் கருத்தை ஏற்றுக்கொள்கின்றேன்.
கவிதையின் ஈற்றடிகளில்
"நம்மவர்களுள் எத்தனையாள்
ஓருயிரும் ஈருடலுமாக வாழ்கிறார்கள்?" என்று
கையாளப்பட்டதன் நோக்கம்
வாசகனைச் சிந்திக்க வைக்கவே
மாறாக
எவரையும் நோகடிக்கவல்ல!
எவரது உள்ளம் புண்பட்டாலும்
மன்னிப்புக் கேட்கிறேன்.

Sponsored content · Sponsored content

ஓருயிரும் ஈருடலும்

ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

Re: ஓருயிரும் ஈருடலும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக