நிழல் கவிதை ...

by **rameshnaga** Sat Jun 23, 2012 9:03 pm

நிழல் குறித்தான எதையும்...
எனது கவிதையில்...
எழுதுவதற்கில்லை நான்.

எந்தப் பொருளுமற்ற...
ஒரு நிழலைச் சொல்ல...
எப்படிக் கவிதையை உபயோகிப்பது..
எனும் தயக்கம் எனக்கு.

ஒன்றாய்;
இரண்டாய்;
நான்காய்;
வெளிச்சத்திற்கு ஏற்றாற்போல்...
விரிந்து...
சுருங்கி...
மடங்காகும் நிழலில்....

ஒரு ஏமாற்றும்...
பெண்ணின் அல்லது ஆணின்
பிளவுபட்ட நாக்குகளின்
விஷம் தடவப்பட்டிருக்கிறது.

என்னுடனேயே இருந்து...
என்னைத் தொடர்ந்தாலும்...
என்னைவிட்டு...
எப்போதுமே ...
பிரியவே பிரியாது ...
என்றாலும்

உண்மையில்
அது குறித்து எழுத
என்னிடம்

ஒன்றுமேயில்லை.