ஒருநாள் போட்டியிலிருந்து ஓய்வு

by முஹைதீன் Thu Jun 21, 2012 4:34 pm

ஒருநாள் போட்டியிலிருந்து ஓய்வு: அப்ரிடி

ஒருநாள் போட்டியிலிருந்து ஓய்வு Resize20120621015229

இளைஞர்களுக்கு வழி விடும் வகையில் ஒருநாள் போட்டியிலிருந்து ஓய்வு பெற போவதாக பாகிஸ்தான் கிரிக்கெட் அணியின் முன்னாள் அணித்தலைவரும், சகலதுறை வீரருமான சாகித் அப்ரிடி அறிவித்துள்ளார்.

தற்போது இலங்கைக்கெதிரான ஒருநாள் போட்டிகளில் விளையாடிவரும் பாகிஸ்தான் அணியில் இடம்பெற்றுள்ள அப்ரிடி, இதுவரை விளையாடிய 4 ஆட்டங்களில் வெறும் 28 ஓட்டங்கள் மற்றும் 3 விக்கெட்டுகளே எடுத்துள்ளார்.

ஏற்கனவே இந்த ஒருநாள் தொடரை பாகிஸ்தான் அணி 1-3 என்ற கணக்கில் இழந்தது.

தனது மோசமான ஆட்டம் பற்றி பேசிய அப்ரிடி, நாங்கள் எதிர்பார்த்த அளவுக்கு சிறப்பாக விளையாடவில்லை. மோசமான பார்ம் காரணமாக நான் ஒருநாள் போட்டிகளிலிருந்து ஓய்வுபெற உள்ளேன். இதுகுறித்து ஆலோசனை நடத்தி வருகிறேன். விரைவில் ஓய்வு முடிவை வெளியிடுவேன்.

இளைஞர்களுக்கு வழிவிடுவதற்காகவே நான் ஓய்வுபெற உள்ளேன். அப்போதுதான் 2015ல் நடக்க உள்ள உலகக் கிண்ண போட்டிகளுக்கு சிறந்த பாகிஸ்தான் அணியை அனுப்ப முடியும் என்றார்.

பாகிஸ்தான் கிரிக்கெட் வாரிய தலைவராக இருந்த இஜாஸ்பட்டுடன் ஏற்பட்ட மோதலால், அனைத்து வடிவிலான கிரிக்கெட்டிலிருந்தும் தான் ஓய்வு பெறுவதாக கடந்த வருடம் அப்ரிடி அறிவித்தார்.

ஆனால் இஜாஸ்பட் மாற்றப்பட்டு சகா அஷ்ரப் வாரிய தலைவராக நியமிக்கப்பட்டதும் தனது முடிவை மாற்றிக்கொண்ட அப்ரிடி, மீண்டும் சர்வதேச போட்டிகளில் விளையாடிவந்தார் என்பது குறிப்பிடத்தக்கது.

http://www.thedipaar.com/news/news.php?id=47881