முக்கோணத்தில் ஒரு பகை....

by **rameshnaga** Wed Jun 20, 2012 11:03 am

First topic message reminder :

மனிதன் கடவுளைச் சபித்துக் கொண்டே இருந்தான்....
தன்னை மனிதனாகப் படைத்ததற்காக.

கல்லடி வாங்கிய நாயும் அப்படியே;
கழுத்தறுபடும்....
கோழிகளும்..ஆடுகளும் அப்படியே.
வெட்டப்படும் மரங்களும்....
ஆடு தின்னும் புற்களும் கூட...
அப்படியே சபிக்கலாம்.

கடவுள் என்ன சொல்கிறார் என்று அறியத்தான்..
கோவிலுக்குப் போனேன்.

உள்ளே அவரும் முணுமுணுத்துக் கொண்டுதானிருந்தார்...
என்றாலும்...

அவர் என்ன சொல்ல வந்தார்
என்பதைக் கேட்க விருப்பமில்லை எனக்கு.