முக்கோணத்தில் ஒரு பகை....

by **rameshnaga** Wed 20 Jun 2012 - 12:33

மனிதன் கடவுளைச் சபித்துக் கொண்டே இருந்தான்....
தன்னை மனிதனாகப் படைத்ததற்காக.

கல்லடி வாங்கிய நாயும் அப்படியே;
கழுத்தறுபடும்....
கோழிகளும்..ஆடுகளும் அப்படியே.
வெட்டப்படும் மரங்களும்....
ஆடு தின்னும் புற்களும் கூட...
அப்படியே சபிக்கலாம்.

கடவுள் என்ன சொல்கிறார் என்று அறியத்தான்..
கோவிலுக்குப் போனேன்.

உள்ளே அவரும் முணுமுணுத்துக் கொண்டுதானிருந்தார்...
என்றாலும்...

அவர் என்ன சொல்ல வந்தார்
என்பதைக் கேட்க விருப்பமில்லை எனக்கு.

by யினியவன் Wed 20 Jun 2012 - 12:44

அருமை ரமேஷ்.

அர்ச்சகரின் முனுமுனுப்பில் கடவுளின் முனுமுனுப்பை கேட்க நினைத்தாலும் கேட்காமலே போய்விடும்...

by **rameshnaga** Wed 20 Jun 2012 - 12:51

ரொம்பவும் நன்றி! யினியவன்.

by முரளிராஜா Wed 20 Jun 2012 - 12:56

அருமை நாகா
இருந்தாலும் நீங்க கடவுள் என்ன சொன்னார்னு கேட்டிருந்திருக்கலாம் ஒன்னும் புரியல

by **rameshnaga** Wed 20 Jun 2012 - 12:58

ரொம்பவும் நன்றி! முரளிராஜா.

மிகவும் அருமை...ரமேஷ்
அர்ச்சகர் முனுமுனுக்கிறார். எனக்கு ஒரு பழைய பாடல் ஞாபகம் வந்தது.
"நட்டகல்லை தெய்வம் என்று நாலு புட்பம் சாத்தியே
கிட்டவந்து முனு முனென்று சொல்லும் மந்திரம் ஏதடா.....
நன்று மகிழ்ச்சி