உங்களை திருத்தட்டும் இந்த உண்மை சம்பவம்!

by விநாயகாசெந்தில் Tue Jun 19, 2012 7:45 pm

First topic message reminder :

Spoiler:

படுவேகத்தில் பைக்கை பறக்க விடுபவரா நீங்கள் : உங்களை திருத்தட்டும் இந்த உண்மை சம்பவம்!

படுவேகத்தில் டூவீலர்களை ஓட்டுவோருக்கு மதுரையில் நடந்த விபத்து ஒரு பாடம்.

இப்போதெல்லாம், டூவீலரை 'ஸ்டார்ட்' செய்து விட்டாலே, பலருக்கு ராக்கெட்டில் பறக்கும் நினைப்பு வந்து விடுகிறது. 'கட்' அடித்து, பஸ்களுக்கு இடையேயும், பிளாட் பாரத்திற்கு மேலேயும் பாய்ந்து சென்று, மற்றவர்களை கவர அல்லது மிரட்ட நினைக்கின்றனர். 30 வயதுக்கு உட்பட்ட இளைஞர்கள் தான், இதை சாகசமாக நினைத்து, இப்படி ஓட்டுகின்றனர்.'பெண்கள் நம்மை பார்க்க வேண்டும். ஹீரோவாக நினைக்க வேண்டும்' என்பது இந்த இளைஞர்களின் எதிர்பார்ப்பு. அதிலும், வாகனத்தின் பின்னால் காதலி அமர்ந்தி ருந் தால், இளைஞர்களுக்கு இன்னும் கொஞ்சம் வீரம் 'பொத்துக்கொண்டு' வந்து விடும். வண்டியின் வேகம் அதிகரிக்கும். தரையில் படுமாறு வண்டியை சாய்த்து, ரொம்ப அதிகமாகவே 'கட்' அடித்து, ஹீரோத்தனத்தை வெளிப்படுத்துவர்.எப்போதுமே இந்த 'ஹீரோத்தனம்' வெற்றி பெறாது என்பதை இவர்கள் புரிந்து கொள்வதில்லை. சில நேரங்களில் விபத்துகளுக்கு 'ஓவர் ஸ்பீடு' காரணமாகி, வாழ்க்கையையே தொலைக்க வேண்டி வரும் என நினைப்பதில்லை.

இதற்கு உதாரணம், மதுரை பை-பாஸ் ரோட்டில் நடந்த விபத்து.ஆரப்பாளையத்தில் இருந்து ஒரு அரசு டவுன் பஸ், திருமங்கலத்திற்கு புறப்பட்டது. பை-பாஸ் ரோடு ராம் நகர் காலனி பஸ் ஸ்டாப்பில் நின்று கொண்டு இருந்தது. அப்போது அதே திசையில் ஒரு டூவீலரில் இருவர் (ஹெல்மெட் அணியவில்லை), படுவேகத்தில் பறந்து வந்தனர். பஸ்சை முந்த நினைத்த பைக்கை ஓட்டி வந்தவர், பஸ்சிற்கும் ரோடு மீடியனுக்கும் இடையே புக முயன்றார்.இவர் வருவதை எதிர்பாராத டிரைவர், பஸ்சை லேசாக நகர்த்தினார். அவ்வளவு தான், வந்த வேகத்தில் பஸ்சின் பின்பக்க ஓரத்தில் பைக்காரர் மோதி, கீழே உருண்டார். 'ஐயோ, அம்மா' என கத்தியபடி மயங்கினார். முழங்காலுக்கு கீழ், இடது கால் எலும்பு உடைந்து கால் வளைந்தது. பைக்கின் பின்னால் அமர்ந்திருந்தவரும் கீழே விழுந்து, எழுந்தார். அதிர்ஷ்டவசமாக அவருக்கு காயம் இல்லை. இருப்பினும், அவரால் எழுந்து, பைக் ஓட்டி வந்தவரை தூக்க முடியவில்லை.

ஏனென்றால் பரிதாபம்... அவர் கால்கள் ஊனமுற்றவர். அவரது ஊன்றுகோல்கள் விழுந்து கிடந்தன. பைக்கின் பின்னால் அமர வைத்து, ஓட்டி வந்தவரை தன்னால் காப்பாற்ற முடியவில்லையே என்ற ஆதங்கத்தில், ரோட்டில் அமர்ந்தபடி, தரையை அடித்து, அடித்து அழுதுகொண்டு இருந்தார். பார்த்தவர்கள் கண்கள் கலங்கின. அங்கிருந்தவர்கள், விபத்தில் சிக்கியவரை, மருத்துவமனைக்கு அனுப்பி வைத்தனர். கால்களை இழந்தவரை அமர வைத்து ஓட்டும்போது கூட, உடல் உறுப்புகளின் அருமை தெரியாமல் இருந்திருக்கிறாரே அந்த இளைஞர் என்பது தான் கொடுமையிலும் கொடுமை. இளைஞர்களே... பைக்கின் வேகத்தை 'முறுக்கும்' முன், 'இந்த வேகம் தேவையா' என சிந்தியுங்கள். உங்களை நம்பி பெற்றோர், உடன்பிறந்தோர், மனைவி, குழந்தைகள் உள்ளனர் என்பதை மறக்காதீர்கள். — with Anusha Laxshan, Jeneeba Gurubaran, Ankavai Manmathan and நன்றி facebookநண்பர்கள்

by முஹைதீன் Wed Jun 20, 2012 8:56 am

மிக மிக முக்கியமான பலனுள்ள செய்தி சூப்பருங்க

நன்றி

by e.sivakumar1988 Wed Jun 20, 2012 9:57 am

ஆங்கிலத்தில் நான் படித்த ஒரு வாசகம், "Mr . Late is always better than Late mr ".

பயனுள்ள பதிவு

நன்றி

by மகா பிரபு Wed Jun 20, 2012 10:10 am

e.sivakumar1988 wrote:ஆங்கிலத்தில் நான் படித்த ஒரு வாசகம், "Mr . Late is always better than Late mr ".

பயனுள்ள பதிவு

நன்றி

அருமை . இதை இப்படியும் சொல்வார்கள்
Better late than never ..

by **பிஜிராமன்** Wed Jun 20, 2012 10:28 am

Better late than never ..

அண்ணா, நானும் என் நண்பன் அன்டன் ம், சாலையை கடக்க எடுத்துக்கொள்ளும் நேரத்தை பார்த்து இரண்டு கிழவிகளே நக்கல் அடித்து விட்டார்கள். நாங்கள் எப்பொழுதும் சாலையின் இரு ஓரத்திலும் வாகனங்களே வராத பொழுது தான் கடப்போம். நாங்கள் சாலையை கடக்க நிற்கிறோமா அல்லது பேருந்திற்காக நிற்கிறோமா என்ற சந்தேகம் பலருக்கும் ஏற்பட்டு விடும். (வாகனத்தை ஓட்டிவரும் நபர் திடுகிடாத விதமாக கடப்போம் என்று வைத்துக் கொள்ளுங்கள்)

நான் வேகமாக செல்லும் சிலரின் பின்னால் அமர்ந்து கொண்டு போயிருக்கிறேன், அப்பொழுது எனக்குள் எந்த அளவு பயம் ஏற்படுமோ அந்த அளவு தான் எனக்கு பின்னால் அமர்ந்திருப்பவருக்கும் ஏற்படும் என்று நான் என்றும் மெதுவாகவே செல்லுவேன், தனியாக சென்றாலும், நிதானமே, வண்டி ஓட்டுவதை அனுபவித்து ஓட்டுவேன்.

குறித்து சொல்ல வேண்டும் என்றால், "வண்டியை என்றும் நான் தான் ஓட்டுவேன் வண்டி என்னை ஒட்டும்படி நடந்து கொண்டது இல்லை".

வண்டியில் 100 km வேகம் இருக்கிறது என்பதற்காக அதில் செல்ல நினைத்தால் நம் உடம்பிற்கு ஆகாது, நம் உடம்பிற்கு உகந்த வேகத்தில் வண்டியை செலுத்துவதே சிறந்தது. இப்படி நிதானமாக சென்றாலே, இப்பொழுது எல்லாம் பெரிய விபத்துகளில் சிக்கி விட நேரிடுகிறது.

அருமையான பதிவு நன்றிகள்

by பாலாஜி Wed Jun 20, 2012 10:47 am

நல்ல விழிப்புணர்வு பதிவு செந்தில் சூப்பருங்க

by **பிளேடு பக்கிரி** Wed Jun 20, 2012 11:04 am

நானும் பலரிடம் இந்த அறிவுரையை கூறி இருக்கிறேன்.. மற்றவர்கள் பார்க்க வேண்டும் என்று வண்டி ஓட்டினால் போவது நம் உயிர் தான் என்பது யாருக்கும் தெரிவதில்லை.. அதுவும் கையோ அல்லது காலோ போய்விட்டால் நம் நிலைமையை நினைத்து பாருங்கள்..
நல்ல பதிவு மகிழ்ச்சி

by யினியவன் Wed Jun 20, 2012 11:10 am

சினிமா ஹீரோக்கள் மாதிரி ஓட்டணும்ன்னு நினைக்கிறாங்க. சினிமால அனைத்துமே பாதுகாப்பு முறைகளை கடைப் பிடித்து சீன் பை சீன் சிரத்தையான மேற் பார்வையில் செய்கிறார்கள் என்பதை நம் நண்பர்கள் மறந்து விடுகிறார்கள்.

தினசரி வாழ்க்கையில் இதை செய்ய முயன்று அவர்கள் உயிருக்கும் மற்றவரின் உயிருக்கும் ஆபத்து விளையும் என்பதை ஏன் உணர மறுக்கிறார்கள்?

by **ராஜா** Wed Jun 20, 2012 11:56 am

விழிப்புணர்வு ஊட்டும் பகிர்வு. நன்றி

சென்றமுறை நான் விடுமுறையில் இந்தியா வந்த போது விமான நிலையத்தில் இருந்து எழும்பூர் ரயில் நிலையத்திற்கு காரில் செல்லவே பயமா இருந்தது வாகன ஓட்டிகள் அவ்வளவு நெருக்கமாக செல்கின்றனர். நான் பயந்ததை சொன்னவுடன் என் தம்பியும் மைத்துனரும் இதுக்கே இப்படி சொல்லுறிங்களே சில ஆண்டுகளுக்கு முன் உங்கள் கூட பின்னால் உட்கார்ந்து வருவதற்கு நாங்கள் எவ்வளவு பயந்திருப்போம் என்று சொன்னார்கள், நல்ல வேலை எதுவும் நிகழாமல் கடந்து வந்து சேர்ந்துவிட்டேன் சோகம்

by **அருண்** Wed Jun 20, 2012 12:16 pm

மிகவும் இச்சம்பவம் மனதிற்கு வேதனையாக இருக்கிறது.பைக் எடுக்கும் முன் சற்று சிந்தித்திது எடுத்தால் நல்லது..!
அனைவருக்கும் பாடமாக அமையட்டும்..! சூப்பருங்க