திருவேற்காட்டில் 1006 ஜோடிகளுக்கான திருமணம்-முதல்வர் நடத்தி வைத்தார்

ஹர்ஷித் · ஹர்ஷித் Mon Jun 18, 2012 4:33 pm

தமிழக முதலமைச்சர் ஜெயலலிதா இன்று சென்னை திருவேற்காட்டில் 1006 ஜோடிகளுக்கான திருமணங்களை நடத்தி வைத்து 21 வகையான சீர்வரிசை பொருட்களை வழங்கி, அட்சதை தூவி ஆசீர்வதித்தார். இந்து சமய அறநிலையத்துறை
சார்பில் தமிழகம் முழுவதிலும் இருந்து வந்திருந்த 1006 ஜோடிகளுக்கான திருமண விழா இன்று சென்னை திருவேற்காடு அருள்மிகு கருமாரியம்மன் கோயில் அருகே நடைபெற்றது. இதற்கென இந்த பகுதியில் விசேஷ பந்தலும், சிறப்பு மேடையும் அமைக்கப்பட்டு இருந்தது.
.
திருமண விழாவில் பங்கேற்க வருகை தந்த தமிழக முதல்வரை வரவேற்பதற்காக போயஸ்கார்டன் முதல் திருவேற்காடு வரையிலும் விதவிதமான வரவேற்பு பேனர்கள், கொடிகள் கட்டப்பட்டு இருந்தது. ஆங்காங்கே சிறிய மேடைகள் அமைத்து அங்கு இசை, நாட்டிய நிகழ்ச்சிகள் நடைபெற்றது. அத்துடன் வழியெங்கும் பல்வேறு பகுதிகளில் வட்டவடிவ விசேஷ கொடிபேனர்கள் அமைக்கப்பட்டு இருந்தது.

திருமணத்தை நடத்தி வைக்க வருகை தந்த தமிழக முதல்வருக்கு திருமண பந்தல் அருகிலும் நுழைவு வாயில் பகுதியிலும் பேண்ட் வாத்தியம், கேரளா செண்டை மேளம், கரகாட்டம் உள்ளிட்ட கிராமிய நிகழ்ச்சிகளுடனும், குதிரைகள் அணிவகுப்புடனும் சிறப்பான வரவேற்பு அளிக்கப்பட்டது.

திருமண பந்தலின் நுழைவு வாயிலில் வாழை மரம், தென்னையிலை மற்றும் பழ வகைகள், கூந்தல்பனை, பாக்கு மர கொத்துக்கள் உள்ளிட்ட பல்வேறு பொருட்கள் அடங்கிய சிறப்பு அலங்கார வளைவுகள் அமைக்கப்பட்டு இருந்தது. மேடையின் இடது புறத்தில் வேத மந்திரங்கள் இசைப்பதற்கு தனி இடவசதி செய்யப்பட்டு இருந்தது. அதன் அருகே நாதஸ்வரம், மேள தாள குழுவினர் அமர்ந்து மங்கள இசை எழுப்பினர். மேடையின் வலது புறத்தில் சீர்வரிசை பொருட்கள் வைக்கப்பட்டு இருந்தது.

மேடையின் முன்புறம் மாவட்ட வாரியாக மணமக்கள் அமர வைக்கப்பட்டு இருந்தனர். மணமகள்கள் மெருன் கலர் பட்டு புடவை அணிந்திருந்தார்கள். மணமகன்கள் வெண்பட்டு வேஷ்டி, ஜரிகை துண்டு அணிந்திருந்தார்கள். முதல்வர் ஜெயலலிதா சரியாக 9.25 மணியளவில் மேடைக்கு வருகை தந்தார். அப்போது வாழ்த்து முழக்கங்கள் எழுப்பப்பட்டது.

பின்னர் தமிழ்த்தாய் வாழ்த்தும், திருவாசகம் இசையும் பாடப்பட்டது. இதையடுத்து தலைமைச்செயலர் தேவேந்திரநாத் சாரங்கி அனைவரையும் வரவேற்று பேசினார். பின்னர் முதலமைச்சர் ஜெயலலிதா அமைச்சர்களிடம் மங்கல நாண்கள் அடங்கிய தட்டுக்களை வழங்கினார். அதனை அமைச்சர்கள் பெற்றுக்கொண்டு மணமக்கள் கையில் வழங்கினார்கள்.

இதையடுத்து சரியாக 9.40 மணியளவில் தமிழக முதல்வர் ஜெயலலிதா 1006 ஜோடிகளுக்கு திருமணங்களை நடத்தி வைத்தார்.
மேடையில் இருந்தவாறு முதல்வர் ஜெயலலிதா ஒலிபெருக்கி மூலம் அறிவிக்க, அறிவிக்க மணமகன்கள் மணமகள்களின் கழுத்தில் மங்கல நாணை அணிவித்தார்கள். பின்னர் மாலைகளை மாற்றிக்கொண்டனர். இதையடுத்து, முதல்வர் ஜெயலலிதா அட்சதை தூவி மணமக்கள் அனைவருக்கும் வாழ்த்து தெரிவித்தார்.

http://www.maalaisudar.com/newsindex.php?id=38943%20&%20section=1

**உமா** · **உமா** Mon Jun 18, 2012 4:36 pm

1006 ஜோடிகளுக்கும் வாழ்த்துகள்.
நீங்க அந்த பக்கம் தானே போறீங்க...ட்ராபிக் இருந்ததா ஜேன்... அதிர்ச்சி

**ராஜா** · **ராஜா** Mon Jun 18, 2012 4:38 pm

மணமக்களுக்கும் தமிழக முதல்வருக்கும் வாழ்த்துக்கள்

ஹர்ஷித் · ஹர்ஷித் Mon Jun 18, 2012 6:31 pm

உமா wrote:
1006 ஜோடிகளுக்கும் வாழ்த்துகள்.
நீங்க அந்த பக்கம் தானே போறீங்க...ட்ராபிக் இருந்ததா ஜேன்...

இல்லை உமா,
காலைலேயே mugurtham என்பதால் சீக்கிரம் வந்து போய் விட்டார்கள்.மாலை தான் தெரியவில்லை?

யினியவன் · யினியவன் Mon Jun 18, 2012 6:33 pm

உமா wrote:
1006 ஜோடிகளுக்கும் வாழ்த்துகள்.
நீங்க அந்த பக்கம் தானே போறீங்க...ட்ராபிக் இருந்ததா ஜேன்...

அந்த ஜோடியில் ஜேனும் ஒருத்தருன்னு சேதி வந்தது...

ஹர்ஷித் · ஹர்ஷித் Mon Jun 18, 2012 6:53 pm

யினியவன் wrote:
உமா wrote:
1006 ஜோடிகளுக்கும் வாழ்த்துகள்.
நீங்க அந்த பக்கம் தானே போறீங்க...ட்ராபிக் இருந்ததா ஜேன்...

அந்த ஜோடியில் ஜேனும் ஒருத்தருன்னு சேதி வந்தது...

திரும்ப திரும்ப ஒரே தப்ப பண்ணுவேனா நானு?அஸ்கு புஸ்கு..., ஜாலி