பெற்றோரே உஷார்!

by **அருண்** Mon Jun 18, 2012 12:26 pm

சமீபத்தில், நானும், என் கணவரும், உடல் நலமின்றி இருந்த, எங்கள் உறவினர் ஒருவரை நலம் விசாரிக்க, அவர் இல்லத்திற்கு சென்றோம். அவர் வீட்டின் வரவேற்பறையில், அவரது மூன்று வயது மகனுக்கு சொல்லித்தர, ஆங்கில எழுத்துகளின் பட்டியல், அவற்றின் படங்களோடு சுவரில் மாட்டப்பட்டிருந்தது.
"ஏ' (ஆங்கில முதல் எழுத்து) பார் ஆப்பிள் எனத் துவங்கிய அந்தப் பட்டியலில், "பி' பார் பர்கர், "என்' பார் நூடுல்ஸ், "பி' பார் பீட்சா என்ற துரித உணவுகளின் பட்டியல், படங்களோடு இருந்ததை பார்த்து அதிர்ந்து விட்டேன்.
"பி' பார் பால் - பந்து, "பி' பார் பென் என்ற காலம் எல்லாம் மாறி, இளம் வயதிலேயே, மிக அதிகமான கொழுப்புச் சத்து மற்றும் சத்துக்களே இல்லாத, வெறும் கலோரிகளை மட்டுமே கொண்டுள்ள, இப்படிப்பட்ட மேற்கத்திய உணவுகளைப் படித்தும், உண்டும் வளரும் குழந்தை, எப்படி ஆரோக்கியமாக வளர முடியும்? சென்ற நூற்றாண்டில், "ஆட்கொல்லி நோய்களான
காலரா, ப்ளேக், காசநோய் போன்றவற்றை ஒழித்துக் கட்டி விட்டோம்...' என்று இறுமாந்திருக்கையில், இந்நூற்றாண்டில் அச்சுறுத்தும் எமன்களாக இளவயதில் உடல் பருமன், நீரிழிவு நோய், இதய நோய், உயர் ரத்த அழுத்தம் போன்ற நோய்கள், புற்றீசலாய்ப் புறப்பட்டு விட்டன.
இவற்றை மருத்துவர்கள், "வாழ்க்கை முறை மாற்றத்தால் வரும் நோய்கள்' என, அடையாளப்படுத்துகின்றனர். இவ்வேளையில், குழந்தை மனதில் இப்படிப்பட்ட கல்வியை நாமே போதிக்கலாமா? முன்பு, ஆங்கிலேயர் ஆட்சியில், "அ' என்றால் அணில் என்று அச்சிடப்பட்ட புத்தகம் கண்ட பாரதிதாசன், புதுவை கல்வி அதிகாரிக்கே மனு அனுப்பி, "அ' என்றால், "அம்மா' என்று மாற்றி எழுத வைத்தார்.
இவற்றை எல்லாம் எடுத்துச் சொன்னவுடன், அந்த அட்டையை உடனே கழற்றி விட்டார் எங்கள் உறவினர். பெற்றோரே... மறந்தும் குழந்தைகளுக்கு, இது போன்ற ஆபத்தான அகரவரிசையை சொல்லித் தராதீர்!
—
முனைவர். சங்கமித்ரா நாகராஜன், கோவை.
தினமலர்.!

by யினியவன் Mon Jun 18, 2012 12:33 pm

நல்ல எச்சரிக்கைப் பகிர்வு அருண்.

by **ராஜா** Mon Jun 18, 2012 12:35 pm

நல்ல எச்சரிக்கைப் பகிர்வு அருண்.

by **பிஜிராமன்** Mon Jun 18, 2012 12:37 pm

புதிதாக எதையோ செய்வதாக நினைத்து புதைக்குழியில் சிக்கும் கூட்டம்.......

அருமையான எச்சரிக்கை பதிவு அருண் மகிழ்ச்சி

by இரா.பகவதி Mon Jun 18, 2012 1:44 pm

by முரளிராஜா Mon Jun 18, 2012 2:46 pm

நாம் படித்து உணரவேண்டிய பகிர்வு சூப்பருங்க

by யினியவன் Mon Jun 18, 2012 3:03 pm

முரளிராஜா wrote:நாம் படித்து உணரவேண்டிய பகிர்வு

உங்க பசங்களுக்கு இந்த கவலை இல்லியாமே - உங்க கையால சமைச்சு போடறதால... புன்னகை

by ஹர்ஷித் Mon Jun 18, 2012 3:22 pm

யினியவன் wrote:
முரளிராஜா wrote:நாம் படித்து உணரவேண்டிய பகிர்வு
உங்க பசங்களுக்கு இந்த கவலை இல்லியாமே - உங்க கையால சமைச்சு போடறதால...

நல்ல பகிர்வு..., ஜாலி

by **ராஜா** Mon Jun 18, 2012 3:28 pm

முரளிராஜா wrote:நாம் படித்து உணரவேண்டிய பகிர்வு

பெரியவரே காலம் போன காலத்துல இனிமே உணர்ந்து என்ன பண்ண போறீங்க ?? , உங்க பேரனுக்கு சொல்லிகுடுங்க அவனுக்கு பயன்படும்

by முரளிராஜா Mon Jun 18, 2012 3:54 pm

ராஜா wrote:
முரளிராஜா wrote:நாம் படித்து உணரவேண்டிய பகிர்வு
பெரியவரே காலம் போன காலத்துல இனிமே உணர்ந்து என்ன பண்ண போறீங்க ?? , உங்க பேரனுக்கு சொல்லிகுடுங்க அவனுக்கு பயன்படும்

மூக்கு கண்ணாடி எடுத்துட்டு வரலையா ராஜா பைத்தியம்