ஓம் அகத்தீசாய நமஹ என்று எழுதி அனுப்புவோம்;அகத்தியர் கோவில் கட்டுமானத்தில் பங்கேற்போம்!!!

ஓம் அகத்தீசாய நமஹ என்று எழுதி அனுப்புவோம்;அகத்தியர் கோவில் கட்டுமானத்தில் பங்கேற்போம்!!!


சித்தத்தை அடக்கி,அஷ்ட மாசித்திகளை தன் வசப்படுத்தியவர்களே சித்தர்கள் ஆவர்.இவர்களைப் போல நம் ஒவ்வொருவராலும் சித்தர் ஆக முடியும்.இந்த கலியுகத்திலும் நம்மால் சித்தராகிட முடியும்.மற்ற யுகங்களில் சித்தராக செய்த முயற்சிகளை விட,இந்த யுகத்தில் சிறிதளவே முயற்சித்து சுலபமாக சித்தர் குழுவில் இணைந்துவிடமுடியும்.நாம் சித்தராகச் செய்ய வேண்டியது ஒரு நாளுக்கு ஒரு மணி நேரம் வீதம் ஒரு கோடி தடவை ஓம்சிவசிவஓம்ஜபிப்பது மட்டுமே!



சித்தர்கள் ஒவ்வொருவருமே ஒவ்வொரு ரகத்தைக் கொண்டவர்கள் ஆவர்.என்றும் சிரஞ்சீவியாக இருந்து,பல நூறு பிரம்மாக்களையும்,பல நூறு விஷ்ணுக்களையும்,பல நூறு ருத்ரன்களையும்(சிவனை அல்ல) பார்த்தவர் காக புஜண்டர் என்னும் சித்தர் ஆவார்;சித்தர்களில் பெண் சித்தர்களும் உண்டு;சித்தர்களில் மனித நேயத்துடன் வாழ்ந்துவருபவர்களும் உண்டு;சித்தர்கள் இன்றும் நமது பூமியில் நடமாடுபவர்கள் இருக்கிறார்கள்.இவர்களை சந்தித்து,இவர்களிடம் சீடனாகச் சேர்ந்து தனது சித்த வாழ்க்கையை வாழ ஆரம்பித்திருப்பவர்களும் இருக்கிறார்கள்.இவர்கள் ஒருபோதும் தன்னை வெளிப்படுத்திக்கொள்வது இல்லை;ஸ்கூப் நியூஸீக்காக இவர்களைப் பேட்டி,வீடியோ எடுக்க முடியாது;


இந்த சூழ்நிலையில் சித்தர்களின் தலைவர் அகத்தியரின் அருளாசியைப் பெற நமக்கு ஒரு ஆன்மீக வாய்ப்பு கிடைத்திருக்கிறது.அது என்னவெனில்,கேரளா மாநிலத்தில் பாலக்காடு ரோட்டில் இருக்கும் கொழிஞ்சம்பரா(அப்புப்பிள்ளையூர்) என்னும் இடத்தில் வெள்ளாடை சித்தர் என்ற ஸ்ரீசிற்றம்பல சதாசிவ ஜீவாலயம் என்ற பெயரில் அகத்திய மகரிஷிக்கு சன்னதி உருவாக்கிட இருக்கிறார்கள்.

இந்த சன்னதியை உருவாக்கிட நாம் பணம் தருவதெல்லாம் இரண்டாம் பட்சமே! ஒரு நோட்டு அல்லது காகிதக்கட்டினை வாங்கி,அதில் ஓம் அகத்தீசாய நமஹ என்று 108 முறை அல்லது 1008 முறை அல்லது 10,008 முறை எழுதி பின்வரும் முகவரிக்கு இந்த நந்தன வருடம்,புரட்டாசி மாதம் கடைசிக்குள் (16.10.2012க்குள்) அனுப்பி வைக்க வேண்டும்.இப்படிச் செய்வதன் மூலமாக சித்தர்களின் தலைவரான அகத்தியருடன் ஒரு நெருங்கிய தொடர்பு உண்டாகிட வாய்ப்பு நமக்குக் கிடைத்திருக்கிறது.

நாம் அனுப்பும் ஓம் அகத்தீசாய நமஹ என்னும் எழுத்துக்களின் தொகுப்பை அஸ்திவாரமாக வைத்து அகத்தியர் சன்னதியை ஸ்தாபித்து,அகத்திய மகரிஷியின் ஜீவசிலையை நிறுவப்போகிறார்கள்.இந்த அரிய வாய்ப்பை பயன்படுத்திக்கொள்வோமா?

நீங்கள் அனுப்ப வேண்டிய முகவரி:கி.முரளீதரன்,டோடல் ஆயில் இந்தியா(பி)லிட், 3,முதல் தளம், பாரதி பூங்காவீதி -2, சாய்பாபா காலனி,கோயம்புத்தூர்-11.

ஓம்சிவசிவஓம்