"டவுட்' தனபாலு

by **கேசவன்** Wed 13 Jun 2012 - 15:20

ஜாமின் மனுவில் வீரபாண்டி ஆறுமுகம்: முன்னாள் முதல்வர் கருணாநிதி மற்றும் ஸ்டாலின், புழல் சிறையில், என்னை சந்திக்க விடாமல் தடுப்பதற்காகத் தான், என்னை வேலூர் சிறைக்கு மாற்றினர். என் வயது, உடல் நிலையை, அதிகாரிகள் கருத்தில் கொள்ளவில்லை. விசாரணைக்கு ஒத்துழைக்க தயாராக உள்ளேன். எனக்கு ஜாமின் வழங்க வேண்டும்.

டவுட் தனபாலு: என்னங்க இது... கைது பண்ணப்ப, சுடப் போறீங்களான்னு கேட்டு நெஞ்சை திறந்து காட்டி வீராவேசம் பேசினீங்கன்னு சொன் னாங்க... இப்ப, என்னடான்னா இப்படி சரண்டர் ஆகிட்டீங்களே... வேலூர் வெயில் அந்த பாடு படுத்துதா...?

முதல்வர் ஜெயலலிதா: தமிழகத்துக்கு மாதம் ஒன்றுக்கு, 65,140 கிலோ லிட்டர் மண்ணெண்ணெய் தேவைப்படுகிறது. ஆனால், 44,580 கி.லி., மட்டுமே ஒதுக்கப்பட்டது. இதை உயர்த்தி வழங்கக் கோரி, கடந்தாண்டு ஜூனில், நான் கடிதம் எழுதியிருந்தேன். ஆனால், தற்போது, இது மேலும் குறைக்கப்பட்டு, 39,429 கி.லி., மட்டுமே ஒதுக்கப்பட்டுள்ளது.

டவுட் தனபாலு: பேசாம கொடுத்ததை வாங்கிட்டு போயிருக்கலாம்... நீங்க கடிதம் எழுத எழுத, அவங்க அளவை குறைச்சுட்டே போறாங்க பாருங்க... தயவுசெஞ்சு இதோட நிறுத்திடுங்க... அப்புறம், மண்ணெண்ணெயே கிடையா துன்னு சொன்னாலும் சொல்லிடப் போறாங்க...!

பத்திரிகை செய்தி: திருப்பூர் மாவட்டத்தைச் சேர்ந்த விவசாயி ஒருவரின் மகளுக்கு பெற்ற, "கல்விக் கடனை, வீட்டுக் கடனாக மாற்றி, உடனடியாக வட்டியுடன் செலுத்த வேண்டும்' என, விவசாயிக்கு, தனியார் வங்கி, கடிதம் அனுப்பியுள்ளது.

டவுட் தனபாலு: அடக் கடவுளே...! இவங்களை மாதிரியான ஆட்களுக்கு சரியான பதிலடி கொடுத்தா தான் திருந்துவாங்க... பேசாம, "வங்கி கடன் வாங்கி கட்டுன என் வீட்டை காணோம்'னு போலீஸ்ல புகார் கொடுத்துடுங்க... தானா வழிக்கு வருவாங்க...!

http://www.dinamalar.com/splpart_detail.asp?Id=92

by யினியவன் Wed 13 Jun 2012 - 20:34

பகிர்வுக்கு நன்றி k7

தினமலர்: தினசரி செய்திகளை திறம்பட தரும் ஒரே நாளிதழ்

டவுட் தனபாலு: நடுநிலையான, உண்மையான செய்திகளை எப்பன்னே தருவீங்க?

"டவுட்' தனபாலு

"டவுட்' தனபாலு

Re: "டவுட்' தனபாலு