இந்த கொடுமைக்கு முடிவு எப்போது

by **கேசவன்** Wed Jun 13, 2012 1:49 pm

போபால்: மத்திய பிரதேசத்தில், மோட்டார் சைக்கிளில் சென்றதற்காக, தலித் இளைஞர் ஒருவரின் மூக்கை, உயர் வகுப்பினர் துண்டித்த சம்பவம் அதிர்ச்சியை ஏற்படுத்தியுள்ளது. மத்திய பிரதேசம், ஷிவ்புரி மாவட்டத்தில் ஜெய்ப்பூர் என்ற கிராமம் உள்ளது. இங்கு வசிக்கும் பிரதேஷ் ஜாதவ், 31, என்ற இளைஞர், தலித் சமூகத்தை சேர்ந்தவர். இவர், மோட்டார் சைக்கிளில் சென்றபோது, உயர் வகுப்பைச் சேர்ந்த ஒரு கும்பல், அவரை வழி மறித்து தாக்கியது. மோட்டார் சைக்கிளில் இருந்து, அவரை கீழே தள்ளி, அவரது மூக்கை கத்தியால் வெட்டி விட்டு, அந்த கும்பல் தப்பி ஓடி விட்டது. வலியால் துடித்த பிரதேஷ் ஜாதவை, அந்த வழியாக சென்றவர்கள் மருத்துவமனையில் சேர்த்தனர். தற்போது மருத்துவமனையில் அவருக்கு தீவிர சிகிச்சை அளிக்கப்பட்டு வருகிறது. இதுகுறித்து அந்த பகுதியைச் சேர்ந்த மக்கள் கூறுகையில், "இங்குள்ள உயர் வகுப்பினர், தங்களுக்கு முன்பாக, தலித் சமூகத்தை சேர்ந்தவர்கள் மோட்டார் சைக்கிளில் செல்வதை அனுமதிப்பது இல்லை' என்றனர். இதற்கிடையே, இந்த சம்பவம் தொடர்பாக மூன்று பேரை போலீசார் கைது செய்துள்ளனர்

http://www.dinamalar.com/News_Detail.asp?Id=485323

by e.sivakumar1988 Wed Jun 13, 2012 2:01 pm

ஜாதி பார்க்காதே, ஜாதி சொல்லாதே, ஜாதி கேட்காதே,

இதை வளரும் தலை முறை பின்பற்றினால், ஒருவேளை ஜாதி ஒழியலாம், அவ்வாறு ஒழிந்தால் இவைகளுக்கு முடிவு கிடைக்கும் - இது என்னுடைய கருத்து

நெஞ்சு பொறுக்குதில்லையே -இந்த நிலைகெட்ட மனிதரை நினைந்துவிட்டால் அஞ்சி யஞ்சி சாவார்-இவர் அஞ்சாத பொருளில்லை