என் தவிப்பைப் போக்க வருவாயா தோழியே?

by **ஜாஹீதாபானு** Mon Jun 11, 2012 5:53 pm

என்னுயிர்த் தோழியே!
உன் நட்பின் அறிமுகம் எதிர்பாராமல்
கிடைத்தாலும்….மூச்சுத் திணறலோடு…
இருந்த எனக்கு புது சுவாசம்
கிடைத்ததாய் உணர்ந்தேன்….
உன் பேச்சிலும் செயலிலும் தூய…
காற்றை சுவாசித்தேன்…
இத்தனைக் காலமும் பொக்கிஷமான
உன் நட்பை எனக்கு…
அளிக்காத கடவுளை கோபித்தேன்…
உன் நட்பின் ஆழம் கண்டு
பெருமிதம் கொண்டேன்…
கடல்போல சுமை இருந்தாலும்
உன் அன்பான ஆறுதலில்…
கடுகு போல சிறுத்து விடும்….
இப்போது ஏனடி என்னிடம்..
பாராமுகமாய் இருக்கிறாய்?
செய்யாத செயலுக்கு தண்டனை
எவ்வளவு கொடுமையானதென்று
உனக்குத் தெரியாதா?
வாழ்நாள் முழுதும் பிரியத் தோணாத
உறவு உன் நட்பு என்றாய்…
இப்போது ஏன் பிரிந்தாய்?
உன்னை என் பலமாக நினைத்தேன்..
இன்று உன்னால் பலவீனப்பட்டிருக்கிறேன்
உன்னால் பலவீனமான என்னை
பலப்படுத்த வருவாயாடி?
உன் அன்பில்லாமல் தாயை
இழந்த பச்சிளம் குழந்தை போல்
தவிக்கிறேனடி தோழியே?
என் தவிப்பைப் போக்க வாருவாயா?

by முஹைதீன் Mon Jun 11, 2012 5:55 pm

அருமையான கவிதை பானு சூப்பருங்க

by ஹர்ஷித் Mon Jun 11, 2012 6:17 pm

அருமை அக்கா.யாருக்காகு எழுதினீர்கள் அக்கா.y சோகம்.அனைத்தும் விரைவில் மாறும்.

by balakarthik Mon Jun 11, 2012 6:19 pm

நல்ல கவிதை இருந்தாலும் இப்படி பப்ளிக்கா நீங்க உங்க தோழியை வாரி இருக்க கூடாது சூப்பருங்க

by யினியவன் Mon Jun 11, 2012 6:22 pm

அருமை பானு.

இந்தக் கவிதை எழுதி தொல்லபண்ணி படிச்சு காமிச்சப்ப தான அவங்க ஓடிட்டாங்க?

by முரளிராஜா Mon Jun 11, 2012 6:59 pm

அருமையான கவிதை பானு சூப்பருங்க

by **ரா.ரா3275** Mon Jun 11, 2012 8:43 pm

அழகுக் கவிதை...அழுகைத் மொழியில்...
அற்புதம் அற்புதம்...
எளிய வார்த்தைகளில் இருதயத்தைப் பிடுங்கி எறியும்
உண்மை உணர்வை உருக்கி உருக்கி ஊற்றி இருக்கிறீர்கள்...
உண்மை அன்பும் நட்பும் ஒருபோதும் போகாது...
போனாலும் திரும்பி வராமல் போகாது...
நல்ல கவிஞர்தான் நீங்கள்...தொடர்ந்து எழுதுங்கள்...

வாழ்த்துகள்...உங்கள் தோழியும் நட்பும் மீண்டும் உங்களைச் சேர...

by அதி Mon Jun 11, 2012 9:15 pm

மூச்சு திணறலில் சுவாசமென வரிகள் எல்லாம் அட்டகாசமா இருந்தது
இதேபோல மகிழ்ச்சியாய் இருக்கும்போதும் எழுதுங்க பாட்டி

by அப்துல் Tue Jun 12, 2012 6:16 am

அருமையான கவிதையை எளிமையான நடையுடன் தந்தமைக்கு நன்றி சகோதரி, மகிழ்ச்சி

by மகா பிரபு Tue Jun 12, 2012 6:28 am

சில கருத்து வேறுபாடுகளால் இவ்வாறு நிகழ்கிறது. தோழியிடம் மனம் விட்டு பேசுங்கள். உங்கள் தவறு என்றால் தயங்காமல் மன்னிப்பு கேளுங்கள்.

விரைவில் உங்கள் தோழி உங்களுடன் இருக்க என் பிரார்த்தனைகள்.