இங்கிலாந்துக்கு எதிரான டெஸ்ட்: வெஸ்ட்இண்டீஸ் வீரர் பெஸ்ட் உலக சாதனை

by **ரா.ரமேஷ்குமார்** Mon Jun 11, 2012 6:42 am

எட்ஜ்பஸ்டன், ஜுன்.11-

வெஸ்ட் இண்டீஸ்
கிரிக்கெட் அணி இங்கிலாந்தில் சுற்றுப்பயணம் மேற்கொண்டு 3 போட்டி கொண்ட
டெஸ்ட் தொடரில் பங்கேற்றுள்ளது. முதல் இரு டெஸ்டில் இங்கிலாந்து வெற்றி
பெற்ற நிலையில் 3-வது மற்றும் கடைசி டெஸ்ட் எட்ஜ்பஸ்டன் நகரில் நடந்து
வருகிறது. பலத்த மழையால் முதல் இரு நாள் ஆட்டங்கள் ரத்து செய்யப்பட்டன

இங்கிலாந்துக்கு எதிரான டெஸ்ட்: வெஸ்ட்இண்டீஸ் வீரர் பெஸ்ட் உலக சாதனை 7ce2c9d0-125c-42ef-b9d9-b5d65eb9ffcc_S_secvpf

இதைத் தொடர்ந்து 3-வது நாள் ஆட்டத்தில், முதலில் பேட் செய்த வெஸ்ட்
இண்டீஸ் அணி ஆட்ட நேர முடிவில் 8 விக்கெட்டுக்கு 280 ரன்கள்
எடுத்திருந்தது. விக்கெட் கீப்பர் ராம்டின் 60 ரன்களுடனும், ராம்பால் 2
ரன்னுடனும் களத்தில் இருந்தனர். இந்த நிலையில் 4-வது நாள் ஆட்டம் நேற்று
நடந்தது. ராம்பால் முந்தைய நாள் ரன்னுடன் வெளியேற்றப்பட்டார்.

அடுத்து
கடைசி விக்கெட்டுக்கு டினோ பெஸ்ட் களம் இறங்கினார். ராம்டின்- பெஸ்ட்
ஜோடியை இங்கிலாந்து பந்து வீச்சாளர்களால் எளிதில் பிரிக்க முடியவில்லை.
நிலைகொண்டு விளையாடிய இந்த இணையால் வெஸ்ட் இண்டீஸ் அணி எதிர்பாராத விதமாக
400 ரன்களை கடந்தது. மேலும், டினோ பெஸ்ட் புதிய சாதனையும் நிகழ்த்தினார்.

2004-ம்
ஆண்டு வங்காளதேசத்திற்கு எதிராக இந்தியாவின் ஜாகீர்கான் 75 ரன்கள்
எடுத்ததே, 11-வது வரிசை பேட்ஸ்மேன் ஒருவர் டெஸ்டில் எடுத்த அதிகபட்ச
ரன்னாகும். அந்த ஸ்கோரை கடந்து 30 வயதான பெஸ்ட் புதிய உலக சாதனை படைத்தார்.
5 ரன்னில் முதலாவது சதத்தை தவற விட்ட பெஸ்ட் 95 ரன்களில் (112 பந்து, 14
பவுண்டரி, ஒரு சிக்சர்) கேட்ச் ஆனார். வெஸ்ட் இண்டீஸ் அணி முதல்
இன்னிங்சில் 426 ரன்கள் குவித்து ஆட்டம் இழந்தது. ராம்டின் 107 ரன்களுடன்
அவுட் ஆகாமல் இருந்தார்.

ராம்டின்-பெஸ்ட் ஜோடி
10-வது விக்கெட்டுக்கு 143 ரன்கள் திரட்டியது. கடைசி விக்கெட்டுக்கு வெஸ்ட்
இண்டீஸ் ஜோடியின் அதிகபட்ச ஸ்கோர் (இதற்கு முன்பு வெஸ்ட் இண்டீசின் கார்ல்
ஹூபர்-வால்ஸ் 1993-ம் ஆண்டு பாகிஸ்தானுக்கு எதிராக கடைசி விக்கெட்டுக்கு
106 ரன்கள் எடுத்திருந்தனர்) இதுவாகும். ராம்டின்-பெஸ்ட் கூட்டணி இன்னும் 9
ரன்கள் எடுத்திருந்தால், இந்த வகையிலும் உலக சாதனை படைத்திருப்பார்கள்.

இங்கிலாந்து
தரப்பில் ஆனியன்ஸ் 4 விக்கெட்டுகளும், பிரிஸ்னன், ஸ்டீவன் பின் தலா 3
விக்கெட்டுகளும் கைப்பற்றினர். பின்னர் தனது முதல் இன்னிங்சை தொடங்கிய
இங்கிலாந்து அணி 11 ஓவர் முடிந்திருந்த போது குக் (4 ரன்), டிராட் (17 ரன்)
ஆகியோரின் விக்கெட்டுகளை இழந்து 41 ரன்கள் எடுத்திருந்தது. முதல்
இன்னிங்சே இன்னும் முடியாததால் இந்த டெஸ்ட் டிராவில் முடிகிறது.

-மாலைமலர் இங்கிலாந்துக்கு எதிரான டெஸ்ட்: வெஸ்ட்இண்டீஸ் வீரர் பெஸ்ட் உலக சாதனை 678642

இங்கிலாந்துக்கு எதிரான டெஸ்ட்: வெஸ்ட்இண்டீஸ் வீரர் பெஸ்ட் உலக சாதனை 678642

by மகா பிரபு Mon Jun 11, 2012 6:46 am

இது எதிர்பாராமல் இப்படி சில சாதனைகள் நடைபெருகிறது. வாழ்த்துக்கள் பெஸ்ட்.

அந்த வங்கதேச போட்டியில் இந்தியா ஆல் அவுட் ஆகவில்லை. டிக்ளேர் செய்துவிட்டார்கள். இல்லையென்றால் ஜாகிர் சதம் அடித்து இருக்க வாய்ப்புள்ளது..

by **ரா.ரமேஷ்குமார்** Mon Jun 11, 2012 7:03 am

பெஸ்ட்டாக ஆடிய பெஸ்ட்டிற்கு வாழ்த்துக்கள்... இங்கிலாந்துக்கு எதிரான டெஸ்ட்: வெஸ்ட்இண்டீஸ் வீரர் பெஸ்ட் உலக சாதனை 154550

அந்த வங்கதேச போட்டியில் இந்தியா ஆல் அவுட் ஆகவில்லை. டிக்ளேர்
செய்துவிட்டார்கள். இல்லையென்றால் ஜாகிர் சதம் அடித்து இருக்க
வாய்ப்புள்ளது..

இங்கிலாந்துக்கு எதிரான டெஸ்ட்: வெஸ்ட்இண்டீஸ் வீரர் பெஸ்ட் உலக சாதனை 224747944

பிரபு அண்ணா நீங்கள் ஒரு கிரிக்கெட் விக்கிபீடியா என்பதை மீண்டும் நிருபித்து விட்டீர்கள்... புன்னகை

by **ரா.ரமேஷ்குமார்** Mon Jun 11, 2012 7:09 am

மகா பிரபு wrote:
ஏன் ரமேஷ் காலையிலேயே இப்படி.

சரி அண்ணா இன்று மாலை சொல்கிறேன் நீங்கள் ஒரு கிரிக்கெட் விக்கிபீடியா என்று... இங்கிலாந்துக்கு எதிரான டெஸ்ட்: வெஸ்ட்இண்டீஸ் வீரர் பெஸ்ட் உலக சாதனை 755837