எறும்புகள்...எப்போதும் கடிப்பதில்லை.

by **rameshnaga** Sat Jun 09, 2012 6:47 pm

First topic message reminder :

குழந்தை இருந்த அறையில்...
எறும்புகள் சாரி..சாரியாய்..
வந்தும் ...போய்க்கொண்டும் இருந்தன.
பயத்தில்....எறும்பு மருந்தை
எடுத்து வந்து தூவினேன்.

சிதறி ஓடத் துவங்கிய எறும்புகளில்...
அம்மா எறும்பு...குழந்தை எறும்பைத் திட்டியது...
அந்தக் குழந்தையை என்ன செய்தாய் என?

மருந்தின் நெடி தாளாமல்...
தும்மிக் கொண்டே..என்னைக் கடந்த..
குழந்தை எறும்பு சொன்னது.

"ப்ராமிஸா..ஒன்னும் பண்ணலேம்மா!
அந்தக் குழந்தை எவ்வளவு அழகா இருக்கான்!..
அதனாலே..அவனுக்கு...
ஒரே ஒரு..."உம்மா" மட்டும் கொடுத்தேன்மா!"-என்றது.