"போடா வெண்ணெ...'

சிறுவர்கள் மட்டுமல்லாமல் பெரியவர்களும் ஒருவரை ஒருவர் திட்டிக்கொள்ளும்போது கேட்கக்கூடிய தொடர் "போடா வெண்ணெ'! சில திரைப்படக் காட்சிகளிலும் நகைப்பூட்டிகள் ஒருவரை ஒருவர் "போடா வெண்ணெ...' என்று திட்டிப் பேசிக்கொள்வதைக் கேட்டிருக்கிறோம். இந்த "வெண்ணெயின்' பொருள் என்ன? எப்படி வந்தது இந்தச் சொல் வழக்கு?

÷"வெண்ணெய்' என்பது ஓர் ஊரின் பெயர். "திருவெண்ணெய் நல்லூர்' என்பது இதன் முழுப்பெயர். இங்கு வாழ்ந்த பெருங்குண வள்ளல் சடையப்பர். தஞ்சம் என்று வந்தோரைத் தாங்கி ஆதரிப்பதில் அவருக்கு ஒப்பாரும் மிக்காரும் இல்லை. ஈகை குணத்தில் மூவேந்தரும் அவருக்கு நிகராக மாட்டார்கள். அவரது உதவியிலே பரிவும் கனிவும் கலந்திருக்கும். தமிழகமே அவர் புகழை அறிந்திருந்தது. சடையப்ப வள்ளலால் பெருமை பெற்றது வெண்ணெய்நல்லூர்.

÷கம்பன் என்கிற மாகவிஞனை வாழ்வித்தவர் சடையப்ப வள்ளல். சடையப்பருக்குச் சாகா வரமளித்தவர் கம்பர்.

""சடையன் வெண்ணெயில் தஞ்சம்
என் றோர்களைத் தாங்கும் தன்மைபோல்...''

என்பது கம்பர் கூறும் உவமை.
அக்காலத்தில் உதவி வேண்டி எவர் வந்தாலும் மக்கள், ""போம் ஐயா வெண்ணெய்'' என்பார்களாம். அதாவது, ""உதவி வேண்டுமா? வெண்ணெய்நல்லூர் போங்கள்! அங்கே சடையப்பர் உள்ளார்' என்பது பொருள். ""போம் ஐயா வெண்ணெய்'' என்பதன் மெய்ப்பொருள் மறந்து போய்விட்டது. பொருள் புலப்படாமலேயே அந்தச் சொல்லாட்சி மட்டும் மக்கள் நாவில் சிதைந்த பொருளில், திரிந்த பொருளில் வாழ்ந்து கொண்டிருக்கிறது.

÷வெண்ணெய்நல்லூரைக் குறித்த "வெண்ணெய்' என்னும் பெருமிதம்மிக்க சொல், பொருள் தெரியாததால், இழிந்த சொல் போல் "போடா வெண்ணெ' என்று வழக்காறு பெற்றுள்ளது.

தினமணி

வெண்ணை என்று தமிழ் சினிமாவில் திட்ட கூடாதாமே , இது சென்சர் செய்யப்பட்ட வார்த்தை என்று கேள்விபட்டேன்

ராஜா wrote:வெண்ணை என்று தமிழ் சினிமாவில் திட்ட கூடாதாமே , இது சென்சர் செய்யப்பட்ட வார்த்தை என்று கேள்விபட்டேன்

தெரியவில்லை அண்ணா. ஆனால் இதை விட மோசமான வார்த்தையெல்லாம் இல்லை மறை காயாக உபயோகிக்கிறார்கள்.

ராஜா wrote:வெண்ணை என்று தமிழ் சினிமாவில் திட்ட கூடாதாமே , இது சென்சர் செய்யப்பட்ட வார்த்தை என்று கேள்விபட்டேன்

என்னாத வெண்ணை கெட்ட வார்த்தையா? அடப்பாவிகளா?

அறியத்தந்தமைக்கு மிகவும் நன்றி...விரும்பினேன் pathivai

அசுரன் wrote:

ராஜா wrote:வெண்ணை என்று தமிழ் சினிமாவில் திட்ட கூடாதாமே , இது சென்சர் செய்யப்பட்ட வார்த்தை என்று கேள்விபட்டேன்

என்னாத வெண்ணை கெட்ட வார்த்தையா? அடப்பாவிகளா?

ஆமாம் அண்ணே , இயக்குனர் சசிகுமார் ஒரு பேட்டியில் சொல்லியிருந்தார்

சுவையான விளக்கம்

நன்றி நண்பர்களே..