கூகிள் ட்ரைவ் என்றால் என்ன?

கூகிள் ட்ரைவ் என்றால் என்ன?

நமது கோப்புகளை இணையத்தில் சேமிக்க வைக்ககூடிய வசதியைத் தருவதுதான் இந்த கூகிள் ட்ரைவ்.
கூகிள் இதற்கு முன்பே google docs என்ற தளத்தின் மூலம் கோப்புகளை சேமிக்க வசதியை அளிந்திருந்தது என்பது குறிப்பிடத்தக்கது. தற்போது இதையே சற்று மேம்படுத்தி Google Drive என்ற சேவையாக கொடுத்திருக்கிறது. இதை Cloud storage service என அழைக்கின்றனர்.

கூகிள் ட்ரைவ் செயல்படும் விதம்:

Google Drive மேகக்கணிமை(Cloud Computing) எனும் தொழில்நுட்பமுறையில் செயல்படுகிறது. அதாவது உங்கள் கணினியில் உள்ள கோப்புகளை அனைத்தையும் நீங்கள் காணவேண்டுமானால் நிச்சயம் நீங்கள் உங்கள் கணினியை இயக்கித்தான் பார்க்க வேண்டியதிருக்கும். கணினி இருக்கும் இடத்தில் சென்று அதை இயக்கித்தான் பார்க்க முடியும். ஆனால் இந்த Cloud Computing தொழில்நுட்ப முறையில் இயங்கும் google drive-ல் பதிந்துவிட்டால் போதும். எங்கு சென்றாலும் இந்த கூகிள் ட்ரைவினைப் பயன்படுத்தி உங்கள் கணினியில் உள்ள கோப்புகளைக் காண முடியும். மேலும் கணினியிலுள்ள எந்த ஒரு கோப்பையும் கையாள முடியும். ஏதேனும்மாற்றம் வேண்டியிருப்பின் அங்கிருந்தவாறே கோப்பில் மாற்றம் செய்துகொண்டுவிடலாம்.

இத்தகைய வாய்ப்புகளை மேலும் சில நிறுவனங்கள் வழங்கிவருகின்றன. Cloud Computing தொழில்நுட்பமுறையிலேயே இந்நிறுவனங்களும் இயங்குகின்றன. அவை Apple, Box.net, Dropbox, Microsoft ஆகிய நிறுவனங்கள்தாம்.

கூகிள் ட்ரைவின் பயன்கள்:

கூகிள் ட்ரைவ் மூலமாக நீங்களோ அல்லது உங்கள் நண்பர்களுடன் சேர்ந்தோ புதிய ஆவணங்களை(documents) உருவாக்கலாம். அதனை மற்றவர்களுடன் பகிரலாம்(sharing).
google drive-லிருந்து கோப்புகளை நேரடியாக கூகிள் ப்ளஸ் தளத்தில் பகிரலாம்.

HD Video, Photoshop போன்ற கோப்புகளை அந்தந்த மென்பொருள்கள்(softwares) இல்லாமலேயே திறந்து பார்க்கலாம் என்பது கூடுதல் பயன்.
கூகிள் ட்ரைவ் மூலமாகவே பல்வேறு மென்பொருள்களை பயன்படுத்தலாம். இதனால் Storage பிரச்னை ஏற்படாமல் இருக்கும்.
கூகிள் ட்ரைவ் வசதியைப் பெற என்ன செய்வது?
இந்த வசதியை நீங்களும் பெற https://drive.google.com/ இந்த முகவரிக்குச் சென்று கூகிள் கணக்கு மூலம் உள்நுழைந்து கொள்ளுங்கள்.
உங்கள் கூகிள் ட்ரைவிற்கான மென்பொருளை உங்கள் கணினியில் நிறுவிக்கொள்ளுங்கள்.

கூகிள் ட்ரைவிற்கான மென்பொருளை கணினியில் நிறுவிக்கொண்டதும் அம்மென்பொருள் உங்கள் கணினியில் கூகிள் ட்ரைவிற்கான Folder(ஃபோல்டர்) உருவாக்கும்.நீங்கள் பகிர விரும்பும் கோப்புக்களை அந்த ஃபோல்டரில் நீங்கள் பதிந்தால், அக்கோப்புக்கள் பகிரக்கூடிய வடிவில்(sharing option) உங்கள் கூகிள் ட்ரைவ் கணக்கில்(Google drive account) சேர்க்கப்படும்.

அவ்வளவுதான் இனி நீங்கள் எங்கு இருந்தாலும் கூகிள்ட்ரைவ் உருவாக்கிய போல்டரில் உள்ள கோப்புகளை கையாள முடியும். நீங்கள் செய்யும் மாற்றங்கள் உங்கள் கணினியிலுள்ள google drive கோப்புகளிலும் ஏற்படும் என்பதை நினைவில்கொள்ளுங்கள். எனவே வெளியூலிருந்தாலும் நீங்கள் ஏதேனும் மாற்ற வேண்டிய கோப்புகளை அங்கிருந்தே மாற்றம் செய்து வேண்டியவர்களுக்கும் பகிரலாம்.

இந்த கூகிள் ட்ரைவில் கூடுதல் வசதியாக, கூகிள் ட்ரைவ் "OCR" என அழைக்கப்படும் தொழில்நுட்ப வசதியும் வழங்கப்பட்டுள்ளது. இதன் மூலம் புகைப்படங்களிலிருந்து எழுத்துக்களைப் பிரிக்கும் வசதியைப் பெறலாம். உதாரணமாக உங்களுடைய ஸ்கேன்(Scan) செய்யப்பட்ட ஆவணங்களைப் பகிரும் போது அதில் காணப்படும் எழுத்துக்களைப் பிரித்து, அந்த ஆவணத்தில் எழுத்துக்களைத் தேடி எடுத்துப் பெறலாம். (search option)
5 GB (ஜிகா பைட்) கொள்ளவு வசதியுடன் கூடிய இந்த இலவச சேவையை அனைவரும் பயன்படுத்திக்கொள்ளலாம்.
5 GBக்கும் அதிக கொள்ளவுடன் கூடிய வசதி வேண்டுவோர் குறிப்பிட்ட கட்டணம் செலுத்தி கூடுதல் storage -ஐப் பெற்றுக்கொள்ளலாம்.
25GB கொள்ளளவுக்க்கு மாத வாடகை 2.49$ அமெரிக்க டாலர்கள்.
1 டெராபைட் கொள்ளவிற்கு 49.99 $ அமெரிக்க டாலர்களும் செலுத்தி இந்த வசதியைப் பெற்றுக்கொள்ளலாம்.

இந்த வசதிகள் விண்டோஸ்(Widows), ஆப்பிள் கணினிகள்(Apple computre), அன்ட்ராய்ட்(android) தொலைபேசிகள் மற்றும் ஆன்ட்ராய் டப்ளெட் கணினிகள் (Android Tablet pc) களில் பயன்படுத்தும் வகையில் வெளியிடப்பட்டுள்ளது. மேலும் iphone மற்றும் ipod களுக்கும் இவ்வசதி விரைவில் கிடைக்கும் என கூகிள் அறவித்துள்ளது.

அன்ட்ராய்ட் தொலைபேசிகு கூகிள் ட்ரைவ் டவுன்லோட் செய்ய லிங்க் தர முடியுமா அண்ணா ?

ராஜ்அருண் wrote:

முத்துராஜ் wrote:அன்ட்ராய்ட் தொலைபேசிகு கூகிள் ட்ரைவ் டவுன்லோட் செய்ய லிங்க் தர முடியுமா அண்ணா ?

https://play.google.com/store/apps/details?id=com.google.android.apps.docs