உங்கள் திருமண வாழ்க்கை 'ஆரோக்கியமா' இருக்கா?

திருமணத்திற்குப் பிறகு வாழ்க்கை சந்தோஷமாக இருப்பது என்பது வேறு, ஆரோக்கியமாக இருப்பது என்பது வேறு. திருமணத்திற்குப் பிறகு வரும் சின்ன சின்ன சண்டைகள் கூட திருமண வாழ்க்கையில் ஒரு சந்தோஷமான பகுதி. இப்படி சந்தோஷமாக இருக்கிறது என்றால் அது நம் தேவை பூர்த்தியானால் தான் அந்த சந்தோஷம் வரும். ஆனால் ஆரோக்கியமான வாழ்க்கை என்றால் அதில் சந்தேகம், சுதந்திரம், பொறாமை என்று எதுவும் இருக்காமல் இருப்பது. இவை அனைத்தும் ஒரு சில சூழ்நிலையின் போதே தெரியும். சரி, இப்போது அந்த சூழ்நிலைகள் என்னென்னவென்று பார்போமா!!!

1. கணவன்மார்கள் அனைவருக்குமே தன் நண்பர்கள் கூட வெளியே செல்ல வேண்டும் என்றால் மிகவும் பிடிக்கும். அப்படி அவர்கள் வெளியே சென்றால் ஒரு சில மனைவிக்கு பிடிக்காது. அது எப்படி என்னை தனியாக விட்டு செல்லலாம் என்று சண்டை போடுவர். ஆனால் அப்படி ஏதும் சண்டையிடாமல், கணவருக்குப் பிடித்ததை செய்யட்டும் என்று, அவருடைய மனதை புரிந்து கொண்டு, எங்கு இருந்தாலும் அவர் என்னை நினைத்துக் கொண்டு இருப்பார் என்று நினைத்து இருப்பர். அப்போது அவர்கள் இருவருக்கும் ஒரு சிறு இடைவெளியிலும் ஒருவரை ஒருவர் நினைத்து இருப்பது ஒரு ஆரோக்கியமான வாழ்க்கை ஆகும்.

2. நண்பர்களோடு வெளியே உணவு உண்ணச் சென்றாலும், எங்கு வீட்டிற்கு சென்றால் மனைவி/கணவன் தன்னை திட்டுவார்களோ என்று ஒருவித பயம் இல்லாமல் சுதந்திரமாக நண்பர்களோடு தங்கள் நேரத்தை செலவழித்தால், அதுவும் ஒருவித ஆரோக்கியமான வாழ்க்கையே.

3. வெளியே நடந்து கொண்டிருக்கும் போது, எதிர்பாராத விதமாக தன் கணவர்/மனைவியோடு ஒரு அழகான ஆண்/பெண்ணை பார்த்து, அதை ஒரு பெரிய விஷயமாக எடுத்துக் கொள்ளாமல் இருப்பது. இதில் இருவருக்கும் இருக்கும் நம்பிக்கை நன்றாக தெரிவதால், இதுவும் ஒரு ஆரோக்கியமான வாழ்கையாக கொள்ளலாம்.

4. மனைவி ஒரு வீட்டு விஷேசத்திற்கு சென்று, தன்னை அழைத்து செல்ல கணவர் வருவார் என்று அவருக்காக காத்திருந்து, அவர் வர காலதாமதம் ஆனதால் கோபம் அடையாமல், வேலையின் காரணமாக தான் தன்னை அழைத்து வர முடியவில்லை என்று புரிந்து கொள்வதும், ஆரோக்கியமான வாழ்க்கை.

5. இறுதியாக வங்கியின் பாஸ்வேர்டை பகிர்ந்து கொள்ளுதல். திருமணம் ஆன பின்னர், நம்பிக்கை கொள்வது என்பது மிகவும் முக்கியமானது. அதிலும் உண்மையாக இருப்பது.

ஆகவே இந்த ஐந்தில் மூன்று சரியாக இருந்தாலும், அந்த வாழ்க்கை ஆரோக்கியமான வாழ்க்கையே!!! சரி, அப்ப உங்கள் வாழ்க்கைக்கு எத்தனை மதிப்பெண்?...

நன்றி போல்டு ஸ்கை

அண்ணே மெய்யாலுமே இதுலாம் நடந்துச்சா

ஐயோ, அந்த வேதனைய ஏன் கேக்குறீங்க. அடுத்த ஞாயிறு 10.6.2012 வந்தா 39 வருட திருமண வாழக்கை பூர்த்தியாகுது. இவ்வளவு நாளா வாங்குன ஏச்சி பேச்சி, அடி ஊத, குட்டு எல்லாம் நெனவுக்கு வருது. ஏன்டா இந்த ஜூன் பத்து வந்துச்சின்னு நொம்ப வருத்தமா இருக்கு. இனிமேல செத்தாலும் கல்யாணமே பண்ண மாட்டேன். கோயிந்தா கோயிந்தா.

இது எனக்காகவே உருவாக்கப்பட்ட பொறி திரி.தெரியும் அண்ணா.

ஜேன் செல்வகுமார் wrote:இது எனக்காகவே உருவாக்கப்பட்ட திரி.தெரியும் அண்ணா.

தெரிஞ்சும் வந்து மாட்டிகிட்டீங்களே ஜேன்
பயப்பட வேண்டாம் நான் எதுவும் இங்க சொல்லமாட்டேன்

நாம எங்க ஆரோக்கியமா இருக்கறது
சண்டை சச்சரவு தான் அமோகமா
ஆரோக்கியமா இருக்கும்.

முரளிராஜா wrote:

ஜேன் செல்வகுமார் wrote:இது எனக்காகவே உருவாக்கப்பட்ட திரி.தெரியும் அண்ணா.

தெரிஞ்சும் வந்து மாட்டிகிட்டீங்களே ஜேன்
பயப்பட வேண்டாம் நான் எதுவும் இங்க சொல்லமாட்டேன்

ரொம்ப கஷ்டம்...............................