பாகிஸ்தான் அதிபர் சர்தாரியுடன் எஸ்.எம்.கிருஷ்ணா சந்திப்பு

**ரா.ரமேஷ்குமார்** · 23/01/2011

பெய்ஜிங், ஜூன் 7-

சீனத் தலைநகர் பெய்ஜிங்கில் ஷாங்காய் ஒத்துழைப்பு அமைப்பின் மாநாடு இன்று
நடைபெற்றது. இதில் இந்தியா சார்பில் கலந்து கொண்ட வெளியுறவு அமைச்சர்
எஸ்.எம்.கிருஷ்ணா, பாகிஸ்தான் அதிபர் சர்தாரியைச் சந்தித்தார். மதிய
விருந்தின்போது இந்த சந்திப்பு நடைபெற்றது. இருவரும் சிறிது நேரம் பேசிக்
கொண்டிருந்தனர்.

தவிர, சீன அதிபர் ஹூ ஜிண்டாவ், துணை அதிபர் சீ ஜின்பிங் ஆகியோரையும்
சர்தாரி சந்தித்துப் பேசினார். அப்போது, பாகிஸ்தானில் எரிசக்தி மற்றும்
மின் திட்டங்களில் பங்கேற்குமாறு சீனா தன்னாட்டு நிறுவனங்களை
ஊக்குவிப்பதாகவும், பாகிஸ்தானின் பொருளாதாரம் மற்றும் சமூக வளர்ச்சிக்கு
சீனா தொடர்ந்து உதவும் என்று ஹூ ஜிண்டாவ் தெரிவித்தார்.
சீனாவும், பாகிஸ்தானும் சட்ட அமலாக்கம் மற்றும் பாதுகாப்பு ஒத்துழைப்பை
மேம்படுத்த வேண்டும் என்றும் தீவிரவாதம், பிரிவினைவாதம் ஆகியவற்றை இரு
நாடுகளும் இணைந்து எதிர்த்துப் போராட வேண்டும் என்றும் ஹூ ஜிண்டாவ்
கூறினார்.

இதனிடையே, ஷாங்காய் மாநாட்டில் கலந்து கொண்ட மற்ற நாடுகளின் தலைவர்களையும்
பாக். அதிபர் சர்தாரி சந்தித்தார். ஈரான் அதிபர் அகமதிநிஜாத், ஆப்கன்
அதிபர் கர்சாய் ஆகியோரை எஸ்.எம்.கிருஷ்ணா சந்தித்துப் பேசினார்.

ஷாங்காய் ஒத்துழைப்பு அமைப்பில் சீனா, இந்தியா, பாகிஸ்தான், ஆப்கானிஸ்தான்,
ஈரான், மங்கோலியா ஆகிய 6 நாடுகள் உறுப்பினர்களாக இருப்பது
குறிப்பிடத்தக்கது.

-மாலைமலர்

மகா பிரபு · மகா பிரபு Thu 7 Jun 2012 - 23:27

இதனால் ஆக போவது ஒன்றுமில்லை..

பாகிஸ்தான் அதிபர் சர்தாரியுடன் எஸ்.எம்.கிருஷ்ணா சந்திப்பு

பாகிஸ்தான் அதிபர் சர்தாரியுடன் எஸ்.எம்.கிருஷ்ணா சந்திப்பு

Re: பாகிஸ்தான் அதிபர் சர்தாரியுடன் எஸ்.எம்.கிருஷ்ணா சந்திப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக