அலெக்சாண்டர்..? நெப்போலியன் ..?

காளைவேந்தன் · காளைவேந்தன் Thu Jun 07, 2012 3:42 pm

நண்பர்களே ஓர் உதவி... பல நூறு குதிரைகளை பூட்டி இவர்களில் ஒருவரது இறுதி ஊர்வலம் நகரங்கள் முழுவதும் முக்கியமான வீதிகள் வழியாக நடந்ததாம்..(முன்பொரு ஆண்டு தொலைக்காட்சியில் கேட்டது ) அனால் சரியாக யாரென்று தெரியவில்லை.. மேலும் அவ்வூர்வலம் பற்றி மேலும் தகவல்கள் இருந்தால் தாருங்கள்.. பணிவுடன் வேண்டுகிறேன்..

மகா பிரபு · மகா பிரபு Thu Jun 07, 2012 9:47 pm

இது கண்டிப்பாக அலெக்சாண்டர் அவர்களின் இறுதி ஊர்வலம் தான்..

கீழே பாருங்கள்.

அலெக்ஸாண்டர் பல சாம்ராஜ்யங்களைக் கைப்பற்றிய பின் வெற்றிக் களிப்பில் சொந்த நாட்டுக்குத் திரும்ப முனைந்தான் . அவன் பயணத்தின் போது , திடீரென்று தீவிரமான நோய் ஒன்று அவனைத் தாக்கியது . உயிர் பிழைப்பதே அரிது என்ற நிலை . தன் தாயின் முகத்தைப் பார்க்க வேண்டும் என்ற ஏக்கம் நிறைவேறாமல் மரணம் அடையப்போகிறோம் என்று அலெக்ஸாண்டருக்குப் புரிந்தது . தன் தளபதிகளை அழைத்தான் .
' என் கடைசி ஆசைகள் மூன்றைத் தவறாமல் நிறைவேற்றிவையுங்கள் ' என்றான் . ' என் சவப்பெட்டியை என் மருத்துவர்கள்தாம் சுமக்கவேண்டும் . என் இறுதி ஊர்வலம் செல்லும் பாதையில் இடுகாடு வரையில் முத்தும் , மணியும் , நான் வெற்றிகொண்ட மற்ற நவரத்தினங்களும் தூவப்பட வேண்டும் . என் இரு கைகளும் வெளியே ஊசலாடும்படிதான் என் சவப்பெட்டி மூடப்பட வேண்டும் .
தளபதிகள் கண்ணீரோடு மண்டியிட்டனர் .
' மாமன்னா . இந்த விசித்திர ஆசைகளின் நோக்கம் என்ன ?'
அலெக்ஸாண்டர் சொன்னான் : ' வாழ்வில் நான் கற்றுக்கொண்ட மூன்று முக்கிய பாடங்களை மக்களுக்குச் சொல்லிவிட்டுப் போக விரும்புகிறேன் . எப்பேர்ப்பட்ட மாமன்னராக இருந்தாலும் , மருத்துவர்களால் அவன் உயிரைக் காப்பாற்றிவிட முடியாது என்பதை அறிவிக்கவே என் சவப்பெட்டியை அவர்கள் சுமக்க வேண்டும் என்றேன் . ஒரு குன்றிமணி தங்கம்கூட என்னுடன் வரப்போவது இல்லை என்பதைத் தெரிவிக்கவே வழி எங்கும் நவரத்தினங்களைச் சிதறடிக்கச் சொன்னேன் . இந்த பூமிக்கு வந்தபோது ஒன்றுமற்றவனாக வந்தேன் . விட்டுப் போகும்போதும் , ஒன்றுமற்றவனாகப் போகிறேன் என்பதை , சவப்பெட்டிக்கு வெளியே ஊசலாடும் என் திறந்த கைகள் மக்களுக்குச் சொல்லட்டும் ' என்றான் அலெக்ஸாண்டர் . இதுதான் வாழ்வின் உண்மை .
--- சத்குரு ஜக்கி வாசுதேவ் , ஆனந்தவிகடன் , 16 - 09 - 2009

நன்றி http://santhanamk.blogspot.in/2010/01/blog-post_16.html

அசுரன் · அசுரன் Thu Jun 07, 2012 11:04 pm

மாவீரனின் வாழ்க்கை ஒரு உதாரணம்

யினியவன் · யினியவன் Fri Jun 08, 2012 1:17 am

இது அலெக்சாண்டராகத் தான் இருக்கணும் பிரபு சொன்னதுபோல்.

நெப்போலியன் கதை வேற மாதிரி - அதை இங்க சொல்ல முடியாது - நீங்களே தேடிப் பாருங்க தெரிஞ்சுப்பீங்க.

**Dr.சுந்தரராஜ் தயாளன்** · 03/09/2011

நம்ம பிரபுவின் கருத்தைத்தான் நானும் ஆமோதிக்கிறேன். நெப்போலியன் ஒரு சிறு தீவில் சிறைக் கைதியாக இருந்தார். அவரின் எதிரிகள் ஒரு சமையல்காரன் மூலமாக உணவில் சிறிது சிறிதாக ஆர்சனிக் என்னும் விஷம் கலந்து கொடுத்து கொள்ளும்படி ஏற்பாடு செய்துவிட்டனர். ஆகவே அவருக்கு இப்படி ஒரு ஊர்வலம் நடந்திருக்க முடியாது. புன்னகை