ஐசிசி ரேங்கிங்: 'டாப்-10' வீரர்களில் இந்தியாவிலிருந்து டோணியும், கோஹ்லியும் மட்டுமே!

சர்வதேச கிரிக்கெட் வாரியம்(ஐசிசி) சார்பில் கிரிக்கெட் அணிகள் மற்றும்
வீரர்களின் ஆட்டத்தை பொறுத்து அவ்வப்போது தரவரிசைப் பட்டியல்
வெளியிடப்படுகிறது. ஒருநாள் போட்டிகளில் அணிகள் மற்றும் வீரர்களின்
தரவரிசைப் பட்டியல் நேற்று வெளியிடப்பட்டது.
இதில் பேட்ஸ்மேன்கள்
தரவரிசையில் முதல் 10 பேரில் இந்திய வீரர்களாக கேப்டன் டோணி, துணை கேப்டன்
விராட் கோஹ்லியும் மட்டுமே உள்ளனர். அதேபோல பந்துவீச்சாளர்கள்
தரவரிசையில் முதல் 20 பேரில் இந்திய வீரராக அஸ்வின் மட்டுமே உள்ளார்.
பேட்ஸ்மேன்கள் ரேங்கிங்:
பேட்ஸ்மேன்கள்
தரவரிசையில் முதல் 2 இடங்களை தென் ஆப்பிரிக்க வீரர்கள் பிடித்துள்ளனர்.
தென் ஆப்பிரிக்க துவக்க வீரர் ஆம்லா தொடர்ந்து தனது முதலிடத்தை தக்க
வைத்து கொண்டுள்ளார். 2வது இடத்திற்கு அதிரடி வீரர் டிவில்லியர்ஸ்
முன்னேறி உள்ளார்.
3வது இடத்தில் இந்திய அணியின் துணை கேப்டன்
கோஹ்லியும், 4வது இடத்தில் கேப்டன் டோணியும் உள்ளனர். அதன்பிறகு வரும்
இந்திய வீரரான கம்பிர் 17வது இடத்தில் உள்ளார். இலங்கையின் சங்கக்காரா
தொடர்ந்து சறுக்கல் அடைந்து தற்போது 5வது இடத்தில் உள்ளார்.
பந்துவீச்சாளர்கள் ரேங்கிங்:
பந்துவீச்சாளர்களின்
தரவரிசை பட்டியலில் தென் ஆப்பிரிக்க வீரர் ஸோட்ஸ்ப் முதலிடத்தில்
உள்ளார். அவரை தொடர்ந்து 2வது இடத்தில் பாகிஸ்தானின் சயீது அஜ்மல்
உள்ளார். 3வது இடத்தில் தென் ஆப்பிரிக்காவை சேர்ந்த வேகபந்துவீச்சாளர்
மார்னி மார்கல் உள்ளார். இந்திய வீரரான சுழல்பந்துவீச்சாளர் அஸ்வின் 6வது
இடத்தில் உள்ளார்.
பந்துவீச்சாளர்களின் டாப் 20 வீரர்கள் கொண்ட
பட்டியலில் அஸ்வின் மட்டுமே இடம் பெற்றுள்ளார். ஆல் ரவுண்டர் ஜடேஜா 29வது
இடத்தை பெற்றுள்ளார். அனுபவம் குறைந்த வங்கதேச அணியின் கேப்டனும், ஆல்
ரவுண்டருமான சாகிப் அல் ஹசன் 8வது இடத்தில் உள்ளார்.
அணிகள் ரேங்கிங்:
ஒருநாள்
போட்டிகளின் தரவரிசையில் இங்கிலாந்து 116 புள்ளிகளுடன் தொடர்ந்து
முதலிடத்தில் உள்ளது. 2வது இடத்தில் இங்கிலாந்தை கீழே தள்ள தயாராக தென்
ஆப்பிரிக்கா 116 புள்ளிகளுடன் காத்திருக்கிறது. 3வது இடத்தில்
ஆஸ்திரேலியாவும், 4வது இடத்தில் நடப்பு சாம்பியன் இந்தியாவும் உள்ளன.
அதன்பிறகு பாகிஸ்தான், இலங்கை, மேற்கிந்திய தீவுகள் ஆகிய அணிகள் வரிசையாக
உள்ளன.
-தட்ஸ்கிரிக்கெட்