பிரெஞ்ச் ஒபன் டென்னிஸ்: இறுதிப்போட்டியில் பூபதி-சானியா ஜோடி

by **ரா.ரமேஷ்குமார்** Wed Jun 06, 2012 9:17 pm

பாரிஸ்,ஜூன்.6-

பிரான்ஸ் தலைநகர் பாரிசில் பிரெஞ்ச் ஒபன் டென்னிஸ் போட்டிகள் நடைபெற்று வருகின்றன. இத்தொடரின்
கலப்பு இரட்டையர் இறுதிப்போட்டியில் விளையாட இந்தியாவின் மகேஷ் பூபதி-சானியா மிர்சா ஜோடி தகுதி
பெற்றுள்ளது.

பிரெஞ்ச் ஒபன் டென்னிஸ்: இறுதிப்போட்டியில் பூபதி-சானியா ஜோடி A5ca8daf-14ea-4ced-b34a-cafd625483e3_S_secvpf

இன்று நடந்த அரையிறுதிப் போட்டியில் பூபதி-சானியா ஜோடி, பிராகெலி-வோஸ்கபோவா ஜோடியை
எதிர்கொண்டது. இப்போட்டியில் பூபதி-சானியா ஜோடி 6-4, 6-2 என்ற நேர் செட்களில் பிராகெலி ஜோடியை
வீழ்த்தி இறுதிப்போட்டிக்கு முன்னேறியது. பூபதி-சானியா ஜோடி பிரெஞ்ச் ஓபன் இறுதிப்போட்டியில் ஆட தகுதி
பெற்றுள்ளது இதுவே முதல் முறையாகும்.

மற்றொரு இந்திய வீரரான லியாண்டர் பயஸ், ரஷ்யாவின் எலினா வெஸ்னினா ஜோடி ஏற்கனவே
இறுதிப்போட்டிக்கு தகுதி பெற்றுள்ளது. இறுதிப்போட்டியில் பூபதி-சானியா ஜோடி, பயஸ்-வெஸ்னினா ஜோடியை
எதிர்கொள்கிறது.

ஆண்கள் இரட்டையர் போட்டியில் முன்பு வெற்றிகரமான ஜோடியாக விளங்கி வந்த பயஸ்-பூபதி ஜோடி பின்னர்
பிரிந்தனர். தற்போது கிராண்ட்சிலாம் போட்டிகளில் ஒன்றான பிரெஞ்ச் ஓபன் இறுதிப்போட்டியில் பயசும், பூபதியும்
நேருக்கு நேர் மோத உள்ளதால், இப்போட்டி டென்னிஸ் ரசிகர்களிடையே பெரும் எதிர்பார்ப்பை ஏற்படுத்தியுள்ளது.

-மாலை மலர்