சிலேடையில் ஈகரை !

by **நாகசுந்தரம்** Tue Jun 05, 2012 1:14 pm

இருள்போக்கும் ஒளியுண்டு இனியதிரி உண்டு
கருத்துப்பரி மாற்றமுண்டு கடவுள் அருகிலுண்டு
இருந்திடவே இனியமடல் உண்டு உயிரான
இருநிலத்தில் ஈகரையும் விளக்கும் ஒன்று.

விளக்கு - இருள் அகற்றும் ஒளி தரும்
ஈகரை - அறியாமை இருள் அகற்றும்

விளக்கில் - திரி போட்டு ஏற்றுவார்
ஈகரையில் - திரி பல போடுவார்

விளக்கு - அணைத்தவுடன் திரி கருத்து மாற்றமடையும்
ஈகரை - கருத்து பரிமாற்றம் உண்டு

விளக்கு - கடவுள் அருகில் உள்ளது
ஈகரை - தமிழ்க்கடவுள் அருகில் உள்ளது

விளக்கை - அழகிய மடல் மற்றும் மாடத்தில் வைத்திடுவர்
ஈகரையில் - மாந்தர் மடல் அனுப்பி மகிழ்வார்

அதனால் இந்த உலகில் ஈகரையும் ஒளிவிளக்கும் ஒன்றானது.
(குற்றம் நீக்கி குணம் கொள்க)

நண்பன் நாகசுந்தரம்.
:வணக்கம்:

by **ராஜா** Tue Jun 05, 2012 1:20 pm

விளக்கு - இருள் அகற்றும் ஒளி தரும்
ஈகரை - அறியாமை இருள் அகற்றும்

அக இருளையும் புற இருளையும் அகற்றும் ஈகரையையும் விளக்கையும் ஒப்பிட்ட உங்களின் சிலேடை மிக அருமை நாகா ,

by பாலாஜி Tue Jun 05, 2012 1:24 pm

அருமை நண்பரே ...... சூப்பருங்க

சிலேடைக் கவிஞர் நாகா அவர்களுக்கு இனிய வாழ்த்துக்கள். கவி காளமேகப் புலவருக்குப் பின் சிறந்த சிலேடைக் கவி யாரும் மில்லை. தாங்கள் அந்த பேற்றினைப் பெற்றிட வாழ்த்துகிறேன்.

இருள்போக்கும் ஒளியுண்டு இனியதிரி உண்டு
கருத்துப்பரி மாற்றமுண்டு கடவுள் அருகிலுண்டு

இதுபோன்று பாவடிக்க கவி நாகா இங்குண்டு என
கா ந க வாழ்த்துகிறேன்.