தேர்வில் ஃபெயிலானதாக வந்த தவறான செய்தி: தீக்குளித்த 10ம் வகுப்பு மாணவி

முரளிராஜா · முரளிராஜா Mon 4 Jun 2012 - 20:10

திண்டுக்கல்: பத்தாம் வகுப்பு தேர்வில் தோல்வியடைந்ததாக கிடைத்த தவறான செய்தியைக் கேட்டு மாணவி ஒருவர் தீக்குளித்து தற்கொலை செய்து கொண்டார்.

திண்டுக்கல் மாவட்டம் கோவிந்தாபுரத்தைச் சேர்ந்த நாராயணன், முருகம்மாள் தம்பதியின் மகள் காயத்ரி. திண்டுக்கல் அரசு பள்ளியில் 10ம் வகுப்பு படித்த அவர் தேர்வு முடிவுகளை ஆவலாக எதிர்பார்த்திருந்தார். இந்நிலையில் இன்று பிற்பகல் 1.30 மணிக்கு தேர்வு முடிவுகள் வெளியானது. இதில் காயத்ரி கணித பாடத்தில் 16 மதிப்பெண்கள் பெற்று தோல்வி அடைந்ததாக அவருக்கு தகவல் கிடைத்தது. இதனால் அவர் மனமுடைந்தார்.

இதையடுத்து அவரது தாய் மதிப்பெண் விவரங்களை பெற கம்ப்யூட்டர் சென்டருக்கு சென்றார். அந்த நேரத்தில் காயத்ரி வீட்டில் இருந்த மண்ணெண்ணெயை எடுத்து தனது உடலில் ஊற்றி தீ வைத்துக் கொண்டார். சென்டரில் இருந்து வீடு திரும்பிய அவரது தாய் வீட்டுக்குள் இருந்து புகையாக வருவதைப் பார்த்து அதிர்ச்சி அடைந்து கதவைத் திறந்தார். அப்போது காயத்ரி தற்கொலை செய்து கொண்டது தெரிய வந்து கதறி அழுதார்.

காயத்ரி உண்மையிலேயே பத்தாம் வகுப்பு தேர்வில் தேர்ச்சி பெற்றுள்ளார். அவர் 49,45,37,56,43 என மொத்தம் 230 மதிப்பெண்கள் பெற்று தேர்ச்சி பெற்றுள்ளார். தவறான தகவலால் அவர் தனது உயிரை மாய்த்துக் கொண்டது அப்பகுதியில் பெரும் சோகத்தை ஏற்படுத்தியுள்ளது.

நன்றி ஒன் இந்தியா

இரா.பகவதி · இரா.பகவதி Mon 4 Jun 2012 - 20:14

யினியவன் · யினியவன் Mon 4 Jun 2012 - 20:20

என்னிக்கு தான் பசங்களுக்கு மார்க்கு முக்கியம் இல்ல - அதனினும் முக்கியம் தன்னிலை தவறாது தன்னம்பிக்கையோடு போராடி வாழ்வதே முக்கியம்ன்னு பெத்தவங்களும், சமூகமும் புரிய வைக்கப் போவுதோ!!!!!

அதி · அதி Mon 4 Jun 2012 - 20:23

அப்படித்தான் தோல்வி அடைந்தாலும் திரும்பவும் எழுதி வெற்றியடைய வழியா இல்லை சோகம்

யினியவன் · யினியவன் Mon 4 Jun 2012 - 20:25

அதி wrote:அப்படித்தான் தோல்வி அடைந்தாலும் திரும்பவும் எழுதி வெற்றியடைய வழியா இல்லை

உங்களை மாதிரி அந்தப் பக்குவம் இல்லாம போச்சே இந்தப் பெண்ணுக்கு.

விடா முயற்சியில் நீங்க இப்பவாவது பாஸ் பண்ணினது எனக்கு மகிழ்ச்சி அதி.

அதி · அதி Mon 4 Jun 2012 - 20:31

யினியவன் wrote:உங்களை மாதிரி அந்தப் பக்குவம் இல்லாம போச்சே இந்தப் பெண்ணுக்கு.
விடா முயற்சியில் நீங்க இப்பவாவது பாஸ் பண்ணினது எனக்கு மகிழ்ச்சி அதி.

நான் மட்டும் பாஸ் ஆகணும் என்ற சுயநலம் இல்லாமல், என் பேப்பரை பாஸ் செய்து மற்றவர்களையும் பாஸ் ஆக்கிய பெருமை என்னையே சேரும் ரிலாக்ஸ்

**ராஜா** · **ராஜா** Mon 4 Jun 2012 - 20:36

தன்னம்பிக்கை இல்லாத பரிதாபமான பெண்

அசுரன் · அசுரன் Mon 4 Jun 2012 - 20:38

யினியவன் wrote:என்னிக்கு தான் பசங்களுக்கு மார்க்கு முக்கியம் இல்ல - அதனினும் முக்கியம் தன்னிலை தவறாது தன்னம்பிக்கையோடு போராடி வாழ்வதே முக்கியம்ன்னு பெத்தவங்களும், சமூகமும் புரிய வைக்கப் போவுதோ!!!!!

பெண் குரல் உடைய எங்கள் பள்ளியின் மாணவன் ஒருவன் தாழ்வு மனப்பான்மையால் காலாண்டு தேர்வில் பூஜ்யம் மதிப்பெண் தான் கணிதத்தில் எடுத்தான்... அவனுக்கு மூன்று மாதங்கள் தொடர்ந்து கவுன்சிலிங் செய்தும்... தினமும் மாலை பள்ளி முடிந்ததும் கணிதம் மற்றும் இதர பாடங்களுடன் தன்னம்பிக்கையும் ஊட்டி அவனை இன்று பாஸ் செய்யும் அளவுக்கு என்னால் உதவ முடிந்தது... அவனது தந்தை எப்பவும் அவனை நொந்துக்கொண்டே இருப்பார்.. இப்ப வந்து ஈ என இலிக்கிறார். அவன் ஒருமுறை எனக்கு சொன்னது தான் இந்த திரியை பார்த்தவுடன் நினைவுக்கு வருகிறது.. "சார் நான் பெயிலாயிட்டா அப்புறம் செத்தே போயிடுவேன்" என்று சொன்னது தான் நான் அவனை லபக் என்று பிடிக்க காரணம்

யினியவன் · யினியவன் Mon 4 Jun 2012 - 20:42

அதி wrote:நான் மட்டும் பாஸ் ஆகணும் என்ற சுயநலம் இல்லாமல், என் பேப்பரை பாஸ் செய்து மற்றவர்களையும் பாஸ் ஆக்கிய பெருமை என்னையே சேரும்

தன்னலம் பாராது சமூக நலன் கருதி பேப்பரை பாஸ்
செய்து அந்த க்ரூப்புக்கே பாஸ் ஆயிட்டேன்னு சொல்லுங்க.

**ராஜா** · **ராஜா** Mon 4 Jun 2012 - 20:43

அசுரன் wrote:
யினியவன் wrote:என்னிக்கு தான் பசங்களுக்கு மார்க்கு முக்கியம் இல்ல - அதனினும் முக்கியம் தன்னிலை தவறாது தன்னம்பிக்கையோடு போராடி வாழ்வதே முக்கியம்ன்னு பெத்தவங்களும், சமூகமும் புரிய வைக்கப் போவுதோ!!!!!
பெண் குரல் உடைய எங்கள் பள்ளியின் மாணவன் ஒருவன் தாழ்வு மனப்பான்மையால் காலாண்டு தேர்வில் பூஜ்யம் மதிப்பெண் தான் கணிதத்தில் எடுத்தான்... அவனுக்கு மூன்று மாதங்கள் தொடர்ந்து கவுன்சிலிங் செய்தும்... தினமும் மாலை பள்ளி முடிந்ததும் கணிதம் மற்றும் இதர பாடங்களுடன் தன்னம்பிக்கையும் ஊட்டி அவனை இன்று பாஸ் செய்யும் அளவுக்கு என்னால் உதவ முடிந்தது... அவனது தந்தை எப்பவும் அவனை நொந்துக்கொண்டே இருப்பார்.. இப்ப வந்து ஈ என இலிக்கிறார். அவன் ஒருமுறை எனக்கு சொன்னது தான் இந்த திரியை பார்த்தவுடன் நினைவுக்கு வருகிறது.. "சார் நான் பெயிலாயிட்டா அப்புறம் செத்தே போயிடுவேன்" என்று சொன்னது தான் நான் அவனை லபக் என்று பிடிக்க காரணம்