விஜய் பிறந்த நாளில் அஜித்தின் பில்லா 2 ரிலீஸ்!

balakarthik · balakarthik Wed Jun 06, 2012 12:17 pm

மிகுந்த எதிர்பார்ப்பை ஏற்படுத்தியிருக்கும் அஜித்தின் பில்லா-2 படம், விஜய்யின் பிறந்தநாளில் ரிலீஸ் ஆக இருப்பதாக அறிவிக்கப்பட்டு இருக்கிறது. அஜித், பார்வதி ஓமனக்குட்டன் நடித்துள்ள புதிய படம் பில்லா-2. சக்ரி டோல்ட்டி இயக்கியுள்ள இப்படத்திற்கு யுவன் சங்கர் ராஜா இசையமைத்துள்ளார். இன் என்டர்டெயின்மெட் தயாரிப்பில் உருவாகியிருக்கும் இப்படம், அஜித் ரசிகர்களை கவரும் வகையில் பிரமாண்டமாய் உருவாக்கப்பட்டுள்ளது. இப்படத்தின் படப்பிடிப்பு நிறைவு பெற்ற நிலையில் படம் எப்போது ரிலீஸ் ஆகும் என அஜித் ரசிகர்கள் ஆவலுடன் எதிர்பார்த்து வருகின்றனர்.

தற்போது பில்லா-2 படம் சென்சார் போர்டுக்கு அனுப்பப்பட்டு உள்ளது. இந்நிலையில் பில்லா 2 ரிலீஸ் தேதி குறித்து பல்வேறு தகவல்கள் வெளியாகி வந்தன. இப்போது தயாரிப்பு நிறுவனமே அதிகாரப்பூர்வமாக இதுகுறித்து அறிவித்துள்ளது. அதவாது வரும் ஜூன் 22ம் தேதி இந்தப் படம் வெளியாகும் என படதயாரிப்பாளர் சுனிர் கேட்டர்பால் அறிவித்துள்ளார். ஜூன் 22ம் தேதி நடிகர் விஜய்யின் பிறந்த நாள் என்பது குறிப்பிடத்தக்கது.

நன்றி:- தினமலர்