தமிழகம் முழுவதும் மின்வெட்டு நேரம் மூன்று மணி நேரமாகவும், சென்னைக்கு ஒரு மணி நேரமாகவும் குறைக்கப்பட்டுள்ளது

by balakarthik Sat Jun 02, 2012 12:55 pm

தமிழகம் முழுவதும் மின்வெட்டு நேரம் மூன்று மணி நேரமாகவும், சென்னைக்கு ஒரு மணி நேரமாகவும் குறைக்கப்பட்டுள்ளது. தொழிற்சாலைகளுக்கான மின்சார வார விடுமுறை மற்றும் ஞாயிற்றுக்கிழமை கட்டாய விடுமுறை ரத்து செய்யப்பட்டுள்ளது.

அமோகம்:தமிழகத்தில், மின்சார பற்றாக்குறை கடுமையாக இருந்து வரும் நிலையில், கடந்த ஆண்டில் அறிவிக்கப்படாத எட்டு மணி நேர மின்வெட்டு அமலானது. பின்னர், நான்கு மணி நேர மின்வெட்டு மற்றும் தொழிற்சாலைகளுக்கான மின்சார விடுமுறை, அதிகாரப்பூர்வமாக அமலுக்கு வந்தது. சென்னையில் கடந்த மூன்று மாதங்களாக, இரண்டு மணி நேர மின்வெட்டு அமலில் உள்ளது.இந்நிலையில், காற்றாலை மின்சார உற்பத்தி சீசன் துவங்கியுள்ளதால், தினமும் சராசரியாக 3,000 மெகாவாட் மின்சாரம் கூடுதலாகக் கிடைக்கத் துவங்கியுள்ளது. இதனால், சென்னை தவிர மற்ற மாவட்டங்களில், அறிவிக்கப்படாத மின்வெட்டு குறைக்கப்பட்டு, நான்கு மணி நேரத்திற்கும் குறைவாகவே மின்வெட்டு அமலாகிறது.

முதல்வர் ஆய்வு: முதல்வர் ஜெயலலிதா தலைமையில், நேற்று மின்துறை நிலவரம் குறித்த ஆய்வுக்கூட்டம், தலைமைச் செயலகத்தில் நடந்தது. இதில் அமைச்சர் நத்தம் விஸ்வநாதன், தலைமைச் செயலர் தேபேந்திரநாத் சாரங்கி, எரிசக்தி துறை செயலர் ரமேஷ்குமார் கண்ணா, மின்வாரியத் தலைவர் ராஜிவ் ரஞ்சன் உள்ளிட்டோர் பங்கேற்றனர்.

குறைப்பு: கூட்டத்திற்கு பின், தமிழக அரசு வெளியிட்ட செய்திக்குறிப்பு:கடந்த சில வாரங்களாக, காற்றாலைகளின் மூலம் அதிக அளவு மின்சாரம் கிடைப்பதால், தமிழக மின்சார நிலைமை கணிசமாக முன்னேறியுள்ளது. தீ விபத்தில் பாதிக்கப்பட்ட மேட்டூர் மின் நிலையம் சீரமைக்கப்பட்டு, மீண்டும் முழு அளவில் 840 மெகாவாட்உற்பத்தியாகிறது. எனவே, தற்போதைய மின் கட்டுப்பாடுகளை (இன்று) முதல் தளர்த்த முடிவெடுக்கப்பட்டுள்ளது.

உயரழுத்த மற்றும் குறைந்த அழுத்த தொழிற்சாலைகளுக்கான மின்சார வார விடுமுறை மற்றும் ஞாயிற்றுக்கிழமை கட்டாய விடுமுறை முற்றிலுமாக நீக்கப்படும். சென்னையில் வீட்டு பயனீட்டாளர்களுக்கான மின்வெட்டு, இரண்டு மணி நேரத்திலிருந்து ஒரு மணி நேரமாகவும், தமிழகத்தின் மற்ற பகுதிகளுக்கான மின்வெட்டு, நான்கு மணி நேரத்திலிருந்து மூன்று மணி நேரமாகவும் குறைக்கப்படும்.

தற்போது பணிகள் நடந்து வரும் அனல்மின் திட்டங்கள் மற்றும் கூடங்குளம் மின் நிலையம் விரைவில் செயல்படத்துவங்கும். தற்போதைய மின் கட்டுப்பாடுகள் படிப்படியாக விரைந்து தளர்த்தப்படும். இதுகுறித்து அடுத்த மாதம் ஆய்வு நடத்தி, தக்க முடிவுகள் எடுக்கப்படும்.இவ்வாறு அதில் கூறப்பட்டுள்ளது.மின்வெட்டு நேரம் குறைக்கப்பட்டதால், மின் நுகர்வோர்களும், தொழிற்சாலை அதிபர்களும் மகிழ்ச்சியடைந்துள்ளனர்.

மின் பயன்பாடுகட்டுப்பாடு குறையுமா?மின்சார வாரவிடுமுறை, ஞாயிற்றுக்கிழமை கட்டாய
விடுமுறை ஆகியவை ரத்து செய்யப்பட்டாலும், வணிகரீதியான மின் இணைப்புகள் மற்றும் தொழிற்சாலைகளுக்கு, 40 சதவீத மின்சார கட்டுப்பாடும், மாலை நேர மின் பயன்பாடு கட்டுப்பாடும் அமலில் உள்ளது. எனவே, மின்வெட்டு இல்லாவிட்டாலும், மின்சாரத்தைப் பயன்படுத்த முடியாத சூழல் உள்ளது. இதனால், பெரும்பாலான தொழிற்சாலைகள் மற்றும் வணிக நிறுவனங்கள் ஜெனரேட்டர்கள் மூலமே, அதிக அளவு மின்சாரத்தை உற்பத்தி செய்து வருகின்றன. எனவே, இந்தக் கட்டுப்பாடு எப்போது குறையும் என, தொழிற்சாலை மற்றும் வணிக நிறுவனங்கள் எதிர்பார்த்துள்ளன.
நன்றி :- தினமலர்

by முரளிராஜா Sat Jun 02, 2012 12:59 pm

வெறுப்பேத்தாதிங்க
இன்னியேலேந்துதான் மின்வெட்டே அதிகம்மாகியிருக்கு எதிர்ப்பு

by balakarthik Sat Jun 02, 2012 1:00 pm

முரளிராஜா wrote:வெறுப்பேத்தாதிங்க
இன்னியேலேந்துதான் மின்வெட்டே அதிகம்மாகியிருக்கு

அதுக்காகத்தானே போட்டதே

by Guest Sat Jun 02, 2012 1:06 pm

ஆமாம் நாங்கதான் இன வான .. 3 மணி நேரம்
கார் கம்பெனி தானே முக்கியம் ...

by balakarthik Sat Jun 02, 2012 1:08 pm

புரட்சி wrote:ஆமாம் நாங்கதான் இன வான .. 3 மணி நேரம்
கார் கம்பெனி தானே முக்கியம் ...

பின்ன நீங்களா துட்டு தரிங்க ஆட்சியை நடத்த அவுங்கத்தானே தராங்க கோடி கோடியாய் ஓட்டுக்கு கூட நீங்கலாம் தேவை இல்லையாம் உங்க ஓட்டையும் போடுறதுக்கு அவுங்ககிட்ட ஒசத்தியான ஆட்கள் உள்ளார்களாம்

by Guest Sat Jun 02, 2012 1:13 pm

balakarthik wrote:
புரட்சி wrote:ஆமாம் நாங்கதான் இன வான .. 3 மணி நேரம்
கார் கம்பெனி தானே முக்கியம் ...

பின்ன நீங்களா துட்டு தரிங்க ஆட்சியை நடத்த அவுங்கத்தானே தராங்க கோடி கோடியாய் ஓட்டுக்கு கூட நீங்கலாம் தேவை இல்லையாம் உங்க ஓட்டையும் போடுறதுக்கு அவுங்ககிட்ட ஒசத்தியான ஆட்கள் உள்ளார்களாம்