ஒரு காதல் உயிரோடிருக்கிறது

by gnanaguru Fri Jun 01, 2012 8:06 pm

போகிறவர்களுக்காக கண்ணீரும்
வருபவர்களுக்காக பூங்கொத்துகளுமாய்
சுமந்துந்து நிற்கும்
விமான நிலையத்தின் வரவேற்பறை

நானும் காத்திருக்கிறேன்
கிளி ஜோசியம் பார்த்துவிட்டு
அரபு நாடு சென்று
கிளியைப்போலவே
கூண்டு சிறையில் வாழ்ந்து
போலி விசா குற்றசாட்டில்
புறமுதுகு காட்டி புறப்பட்டு வரும்
நண்பன் ஒருவனை வரவேற்க

நிலையத்தின் அறிவுப்புகள்
நிமிடங்களை கரைத்துகொண்டிருக்க
வந்து சேர்ந்த விமானத்திலிருந்து
வடிந்துகொண்டிருக்கிறது மனிதகூட்டம்

எங்கோ பார்த்த முகம் ஒன்று
எனக்குள்ளிருக்கும் கல்லறையை உடைத்துவிட
எலும்புகூடாய் எட்டிபார்க்கிறது
காதலோடு கூடிய ஞாபகங்கள்

அவள்தான் அவளேதான்
பார்வைகளின் ஊடுருவலால் என் ஆன்மாவை
நிர்வானமாக்கியவள்
ஞானக்கடலில் நீந்த விட்டுவிட்டு
கலங்கரை விளக்கமாய் காத்திருப்பேன்
என சொல்லி கைகழுவியவள்

மறந்திருப்பாள்.
அயல்நாட்டு வாசனைதிறவியத்தில்
பழைய நாற்றங்களா நினைவுக்கு
வரப்போகிறது?

வார்த்தைகள் ஒன்றுகூடி
தன்னைதானே தீட்டிகொண்டு
கத்தியைப்போல கடக்க நினைக்கின்றன.
என் மெளனம் மகாத்மாவைப்போல தடுக்கிறது.
கண் கலங்குகிறேன்.
கணவனோடு கைகோர்த்து-என்னை
கடந்து போகையில்
கை நழுவிபோகும் தன் குழந்தையை
செல்லமாய் அழைக்கிறாள்
என் பெயர்கொண்டு!

by பாலாஜி Fri Jun 01, 2012 8:10 pm

நல்ல கவிதை நண்பரே .. சூப்பருங்க

by gnanaguru Fri Jun 01, 2012 8:16 pm

நன்றி உங்கள் ஊக்கம்தான் என்னை தொடர்ந்து எழுதவைக்கிறது

by முரளிராஜா Fri Jun 01, 2012 8:47 pm

கவிதை அருமை நண்பா
மகிழ்ச்சி

by யினியவன் Fri Jun 01, 2012 9:56 pm

வருத்தம் தோய்ந்த வரிகள் அருமை குரு.

பெயரளவு காதலித்தவள் என அவளின்
குழந்தைக்கு பெயர் வைத்து காண்பித்து விட்டாளே...

by முரளிராஜா Fri Jun 01, 2012 10:03 pm

யினியவன் wrote:
பெயரளவு காதலித்தவள் என அவளின்
குழந்தைக்கு பெயர் வைத்து காண்பித்து விட்டாளே...

யாரு? நம்ம யினியவனா இப்படி பிண்ணுட்டம் போட்டது மகிழ்ச்சி

(ஒருவேளை இவரும் பாதிக்கபட்டு இருப்பாரோ)

by யினியவன் Fri Jun 01, 2012 10:10 pm

முரளிராஜா wrote:யாரு? நம்ம யினியவனா இப்படி பிண்ணுட்டம் போட்டது
(ஒருவேளை இவரும் பாதிக்கபட்டு இருப்பாரோ)

அந்தக் குடுப்பினை இல்லியே முரளி - காதலித்தவரையே கல்யாணம் பண்ணி நம்ம பேரே விளங்காமப் போச்சு. புன்னகை

by சார்லஸ் mc Fri Jun 01, 2012 10:24 pm

ஒரு கதையே கவிதையாகி இருக்கிறது. ஒரு காதல் உயிரோடிருக்கிறது 2825183110

gnanaguru wrote:

நானும் காத்திருக்கிறேன்

போலி விசா குற்றசாட்டில்
புறமுதுகு காட்டி புறப்பட்டு வரும்
நண்பன் ஒருவனை வரவேற்க

மறந்திருப்பாள்.

அயல்நாட்டு வாசனைதிறவியத்தில்
பழைய நாற்றங்களா நினைவுக்கு
வரப்போகிறது?

கணவனோடு கைகோர்த்து-என்னை
கடந்து போகையில்
கை நழுவிபோகும் தன் குழந்தையை
செல்லமாய் அழைக்கிறாள்
என் பெயர்கொண்டு!