ஞானம்

by Atchaya Fri Jun 01, 2012 7:23 pm

ஞானம் தேட வேண்டுமானால், அறியாமையைப் பற்றிய தெளிவு வேண்டும். நாம் என்ன செய்து கொண்டிருக்கின்றோம் என்பதனை உணர்ந்து திருந்தினால் தான், ஞானம் பிறக்கும். ஞானம் பிறக்காமலிருக்க அதற்கான தடைகளும் தொடரும். வேற்றுமை உணர்ந்தால் தான் தடையை நீக்க வழி கிடைக்கும். தடையை நீக்க வேண்டுமானால், நம்மிடையே மாற்றம் கொண்டு வர வேண்டும். ஒரு சிற்பி ஒரு சிலை செதுக்குவது போல நம்மை நாமே ஆராய்ந்து எண்ணம், செயல்களை சீர்திருத்த வேண்டும். அப்பொழுது தான் தடைகள் விலக ஆரம்பிக்கும்.

நானும் தான் முயற்சி செய்கின்றேன். என்ன ஞானமோ தெரியலைங்க!

பாடம் படிக்க முயற்சி செய்ய எழுக்களை பற்றி தெரிந்து கொள்கின்றோம். எழுத கற்றுக் கொள்கின்றோம். பேச்சு வழக்கு இலக்கிய வழக்கு என்று ஒவ்வொன்றையும் பிரித்து பார்த்து நடைமுறைக்குத் தேவைக்கு ஏற்றபடி பயன்படுத்தி, அதில் நமது தனித் தன்மையை காட்டுகின்றோம் அல்லவா!

படிப்பைப் போலவே தாங்க இந்த ஞானத் தேடலும்.

தன்னை அறிந்தவன் ஞானி ஆகின்றான்.

நாம் ஞானி எல்லாம் ஆக வேண்டாங்க! முதலில் நல்ல மனிதனா இருக்க இந்த ஞானம் அவசியம் தேவைதானுங்க!

நீங்க என்ன சொல்லுறீங்க!