துளசி - Ocimum Sanctum

துளசி (Ocimum Sanctum) மூலிகைச் செடியாகும். இந்தியா இலங்கை போன்ற நாடுகளில் காணப்படுகிறது. ஏறத்தாழ 50 சென்ரிமீட்டர் வரை வளரக் கூடிய இச்செடியின் அனைத்துப் பாகங்களும் மருத்துவக் குணம் கொண்டவை. இது கோயிற் பூசைகளில் குறிப்பாக பெருமாள் கோயில்களில் பயன்படுத்தப்படுவதால் கோயிற் பூந்தோட்டங்களில் வழக்கமாகக் காணப்படுகிறது. வீடுகளில் துளசியை வளர்த்து பூசிக்கும் வழக்கமும் உண்டு

துளசி என்றால் எல்லோருக்கும் தெரியும். அதன் மருத்துவ குணங்கள் ஏராளம். அதற்கு ஆன்மீக மகத்துவமும் உள்ளதாக புராணங்கள் கூறுகின்றன. எல்லோர் வீட்டிலும் இருக்க வேண்டிய செடிகளில் முதன்மையான இடத்தைப் பிடித்திருப்பது துளசி செடிதான்.

அவரவர் வசதிக்கேற்ப சிறிய தொட்டியில் கூட துளசி செடியை வளர்த்து வரலாம். ஆனால் அதனை கவனமாக பராமரிப்பது அவசியம்.

எளிதாகக் கிடைக்கும் அந்த துளசியில்தான் எத்தனை எத்தனை மகத்துவங்கள். அவற்றில் ஒரு சில உங்களுக்காக.

துளசிச் செடியை ஆரோக்கியமான மனிதன் தினமும் தின்று வந்தால் குடல், வயிறு, வாய் தொடர்பான பிரச்சினைகள் அவன் வாழ்நாள் முழுவதும் வராது.

ஜீரண சக்தியும், புத்துணர்ச்சியையும் துளசி இலை மூலம் பெறலாம். வாய் துர்நாற்றத்தையும் போக்கும். நமது உடலுக்கான கிருமி நாசினியாக துளசியை உட்கொள்ளலாம். துளசி இலையைப் போட்டு ஊற வைத்த நீரை தொடர்ந்து பருகி வந்தால் நீரழிவு எனப்படும் சர்க்கரை வியாதி நம்மை நாடாது.

கோடை காலம் வரப்போகிறது. வியர்வை நாற்றமும் கூடவே வந்துவிடும். அதனைத் தவிர்க்க குளிக்கும் நீரில் முந்தைய நாளே கொஞ்சம் துளசி இலையைப் போட்டு வைத்து அதில் குளித்தால் நாற்றமா உங்களிடமா? காணாமல் ஓடிவிடும்.

தோலில் பல நாட்களாக இருக்கும் படை, சொரிகளையும் துளசி இலையால் குணமடையச் செய்ய முடியும். எப்படித் தெரியுமா? துளசி இலையை எலுமிச்சை சாறு விட்டு நன்கு மை போல் அரைத்து அந்த விழுதை தோலில் தடவி வந்தால் படை சொரி இருந்த இடம் தெரியாமல் மறையும்.

சர்க்கரை நோய் வந்தவர்களும் துளசி இலையை மென்று திண்ணலாம். இதனைச் செய்து வந்தால் சர்க்கரை அளவு கட்டுப்படும். மருந்து மாத்திரை மூலம் செய்ய முடியாததை இந்த அருமருந்தான துளசி செய்துவிடும்.

சிறுநீர் கோளாறு உடையவர்கள், துளசி விதையை நன்கு அரைத்து உட்கொண்டு வர வேண்டும். கூடவே உடலுக்குத் தேவையான அளவிற்கு தண்ணீரும் பருகி வர பிரச்சினை சரியாகும்.

மேலும் சில மருத்துவக் குணங்கள்

* சளி, இருமல், வறட்டு இருமல் போன்றவற்றுக்கும் மருந்தாகும்.
* தொற்றுநோய்களை எதிர்க்கும்.
* சீரண சக்தியை அதிகரித்து பசியை அதிகரிக்கும்
* வயிற்றுப் பொருமலைத் தணிக்கும்
* துளசிவிதை ஆண்மையை அதிகரிக்கும்
* ஞாபக சக்தியை அதிகரிக்கும்
* வெண்தோல், ஆஸ்துமா, மூச்சிறைப்பு, இடுப்புப்பிடிப்பு, சிறுநீரகப் பிரச்சினைகள் போன்றவற்றுக்கும் மருந்தாகும்.

துளசி ரசம்

துளசி ஒரு கைப்பிடி
சீரகம் ஒரு தேக்கரண்டி
சோம்பு அரைத் தேக்கரண்டி
தேன் 2 மேசைக்கரண்டி
சீனி 2 மேசைக்கரண்டி
எலுமிச்சம்பழம் 1


துளசி இலைகளுடன் சீரகம் மற்றும் சோம்பு சேர்த்து மை போல அரைத்துக் கொள்ளவும்.

5 கப் தண்ணீருடன் இதனைக் கலந்து, சீனியையும் சேர்த்துக் கொண்டு அடுப்பில் வைத்துக் கொதிக்கவிடவும்.

ஐந்து நிமிடம் நன்கு கொதித்தபின் இறக்கி, ஒரு மெல்லிய துணியில் சாற்றினை வடித்து எடுத்துக் கொள்ளவும்.

இதனுடன் தேனையும், எலும்மிச்சை சாற்றினையும் சேர்த்து நன்கு கலக்கி எடுத்துக் கொள்ளவும்.

சுடுதண்ணீருடன் இச்சாற்றினைக் கலந்து அருந்தவும்

கருந்துளசி!

இந்த துளசி இலை..கடவுளுக்கும் உபயோகிப்பார்களே..அண்ணா..சரி தானே....

வீடுகளில் துளசியை வளர்த்து பூசிக்கும் வழக்கமும் உண்டு

இவளவு சிறப்பா ..யப்பா.. நல்ல தகவல் அண்ணா..

எங்கள் இல்லத்தில் துளசி செடி உள்ளது.

நோய் எதிர்ப்பு சக்தி கொண்ட உணவு(மூலிகை) பற்றி குற முடியுமா