தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**ரமணி** · **ரமணி** Wed Oct 31, 2012 12:37 pm

வணக்கம் நண்பரே!

அழகான பேர்வைக்க இன்டர்நெட் சேவை
குழந்தைக்குச் சின்ன பெயர்.

புளிமாங்காய் தேமாங்காய் தேமாங்காய் தேமா
புளிமாங்காய் தேமா மலர்.
எல்லாமே இயற்சீர் அல்லது காய்ச்சீர் வெண்டளைகள். எனவே குறள்வெண்பா.

01. ’இன்டர்நெட்’ நீக்கி ’இணையம்’ சேர்க்க:

அழகான பேர்வைக்க இணைய சேவை
குழந்தைக்குச் சின்ன பெயர்.

புளிமாங்காய் தேமாங்காய் புளிமா தேமா
புளிமாங்காய் தேமா விளம்

பேர்/வைக்/க--இணை/ய = கலித்தளை
இணை/ய/சே/வை = நேரொன்றாசிரியத் தளை
என்று வந்து தளைதட்ட, பாடல் குறள்வெண்பா ஆகாது (குறட்டாழிசை ஆகிவிடும் -- நன்றி: அவலோகிதம்).

02. தவிர, ஆங்கில மொழி பலமொழிகளில் இருந்தும் வார்த்தைகளை எடுத்தாண்டு வளர்ச்சி பெறுவது போல, நம் தமிழ் மொழியிலும் நாம் இன்றைய பேச்சுவழக்கில் பயன்படுத்தும் ஆங்கிலச் சொற்களை நம் ’இன்ஃபார்மல்’ கவிதைகளில் பயன்படுத்தலாம் என்பது என் கருத்து. அதற்காக இதனை ’ஓவர்டூ’ பண்ணக்கூடாது!

உங்கள் பின்னூட்டத்துக்கு நன்றி.

சதாசிவம் · சதாசிவம் Wed Oct 31, 2012 3:52 pm

ரமணி wrote:நான் முயன்ற குறட்பாக்கள்

மருத்துவச் சாலையில் பெற்ற குழந்தை
மருத்துவர் சொன்ன பொழுது.

அழகான பேர்வைக்க இன்டர்நெட் சேவை
குழந்தைக்குச் சின்ன பெயர்.

மாலையில் அம்மாப்பா பேணும் குழந்தையைக்
காலையில் தாதி வளர்ப்பு.

ஓய்ந்திட வாரம் குழந்தை உலாவரும்
சாய்ந்தபடி தள்ளுவண்டி யில்.

உடையில் கிழக்கு மனதினில் மேற்கு
தடையில்லா நம்பெண் மகள்.

உடையில் மனதில் விழைவது மேற்கு
கடைதேடும் நம்மாண் மகன்.

அழகான குறட்பாக்கள்,

தொடருங்கள் நண்பரே,, "குறள் எழுத குரல் கொடுப்போம்"

**ரமணி** · **ரமணி** Thu Nov 01, 2012 7:29 am

குன்றாமல் கொள்வது கொஞ்சம் கொடுப்பது
இன்றைய வர்த்தக வாழ்வு.

வலியோரை வாழ்த்தி எளியோரத் தாழ்த்தும்
கலிசூழ்ந்த தீய உலகு

பெற்றோரைப் பேணிடார் சுற்றத்தை நாடிடார்
கற்றும் உதவாக் கரை.

பொருளும் பணமும் புகழும் உவந்து
அருளும் விலைபேசும் மா.

**முனைவர் ம.ரமேஷ்** · 21/08/2011

நன்றி... இயற்சீர் என்றால் என்ன என்று தேடினேன் இந்தப் பதிவு கிடைத்தது.

நன்றி.

gurunathasundaram · gurunathasundaram Mon Jan 14, 2013 1:12 pm

வணக்கம் அய்யா.பொங்கல் வாழ்த்துகள்.

ஏங்கிடும் நீர்சூழ் நிலமகள் நெற்படையைத்
தாங்கிடும் தைமகளே வா !

உழவுத்தொழில் செழிக்க தை மகளே வா .

**Dr.சுந்தரராஜ் தயாளன்** · 03/09/2011

நன்றி திரு இரமணி அவர்களே

சண்முகம்.ப · சண்முகம்.ப Thu Jan 11, 2018 8:23 am

கோரா.காம் என்றொரு இணையதளம் இருப்பது பலருக்குத் தெரியுமென்று நினைக்கிறேன். அதைப்பற்றி நான் எழுதிய குறள் வெண்பாக்கள்:

எந்தவினா என்றாலும் கோரா தனில்கேட்டால்

தந்திடுவர் தக்க பதில்.

……………………………………

மனதில் எழுந்திடும் ஐயமெலாம் தீர்ப்பாய்

தினமும்நீ கோராவில் கேட்டு.

………………………………………

கேட்க கசடற சொற்பிழையால் வாராதே

நாட்கள் கழிந்தும் விடை.

………………………………………

ஏராள மானத் தகவல்கள் நீயறியக்

கோராவே என்றும் துணை.

………………………………………..

தானறிந்த வற்றைப் பிறருக்குச் சொல்லுதலே

யானறிந்த வற்றில் சுகம்.

………………………………………..

கோடி வலைதளங்கள் உண்டெனினும் கோராவிற்

கீடில்லை என்பர் சிலர்.

………………………………………….

பதில்தேடும் எல்லோர்க்கும் தக்கயிடம் கோரா

அதிலுண்டே சான்றோர் பலர்.

………………………………………….

கற்றோர்க்குக் கோரா கலையரங்கம் கேள்வியெழப்

பெற்றோர்க் கதுவே கடல்.

…………………………………………..

விதிகளுக் கேற்ப விளக்கமாய்ச் செய்த

பதில்பெறுமே வாக்கு பல.

…………………………………………….

பலன்நல்கும் தக்க விடையளிப்போர் தம்மைப்

பலர்தேடிப் பின்பற் றுவர்.

**சிவா** · **சிவா** Thu Oct 11, 2018 11:48 pm

தூயவள் · தூயவள் Wed Oct 17, 2018 8:16 pm

Dr.சுந்தரராஜ் தயாளன் wrote:தினம் ஒரு குறள் யாப்போம் வாருங்கள்

மேற்கோள் செய்த பதிவு: 804769
நல்லதொரு பதிவு !

வள்ளுவம் சொன்ன வழி செல்லுவம்
தள்ளுவம் தவற்றின் நெறி.

நன்றி, வணக்கம்!

**M.Jagadeesan** · **M.Jagadeesan** Wed Oct 17, 2018 8:32 pm

தூயவள் wrote:
Dr.சுந்தரராஜ் தயாளன் wrote:தினம் ஒரு குறள் யாப்போம் வாருங்கள்
மேற்கோள் செய்த பதிவு: 804769
நல்லதொரு பதிவு !

வள்ளுவம் சொன்ன வழி செல்லுவம்
தள்ளுவம் தவற்றின் நெறி.

நன்றி, வணக்கம்!

மேற்கோள் செய்த பதிவு: 1282040

இக்குறள் வெண்பா இலக்கணப்படி இல்லையே !

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !! - Page 49

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக