தினம் ஒரு குறள் யாப்போம் வாருங்கள் !!

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

[quote="சதாசிவம்"]

Dr.சுந்தரராஜ் தயாளன் wrote:

அழகிய குறள் வெண்பா தந்தமைக்கு நன்றி அய்யா

தண்ணீரில் தள்ளாடும் தன்மானச் செந்தமிழன்
கண்ணீரில் தத்தளிக்கும் வீடு

மிகவும் நன்றி தம்பி சதாசிவம்...அழகிய குறள் தந்துள்ளீர்கள் மகிழ்ச்சி

தினம் ஒரு குறள் யாப்போம் வாருங்கள் !! - Page 70 Karumam

குறள் வெண்பா : ௦௧௨ (012)

இன்றிருந்தால் காமரசர் ஏற்றிருப்பார் தூக்கினைத்தான்
நன்றவரும் இன்றிலைகாண்....நன்கு

இன்/றிருந்/தால் – கா/மர/சர் – ஏற்/றிருப்/பார் – தூக்/கினைத்/தான்
நன்/றவ/ரும் - இன்/றிலை/யே – நன்/கு

நேர்/நிரை/நேர் - நேர்/நிரை/நேர் - நேர்/நிரை/நேர் - நேர்/நிரை/நேர்
நேர்/நிரை/நேர் - நேர்/நிரை/நேர் – நேர்/பு

கூவிளங்காய் –1- கூவிளங்காய் –2- கூவிளங்காய் –3- கூவிளங்காய் -4-
கூவிளங்காய் –5- கூவிளங்காய் –6- காசு

1.வெண்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.வெண்சீர் வெண்டளை 5.வெண்சீர் வெண்டளை 6.வெண்சீர் வெண்டளை

எதுகை: இன்றிருந்தால்; இன்றிலையே

மோனை: இன்றிருந்தால் – ஏற்றிருப்பார்; நன்றவரும் - நன்கு

ஈற்றுச்சீர்: இங்கு > நேர்பு -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக.
சோகம்

by **அருண்** Wed Sep 26, 2012 12:43 pm

இன்றைய குறள் வெண்பா நல்லா இருக்கு அய்யா?

வரும் காலத்தில் கல்வி எட்டா கல்வியாக ஆக்கிவிடுவார்கள் போல.! ஒன்னும் புரியல

அருண் wrote:இன்றைய குறள் வெண்பா நல்லா இருக்கு அய்யா?
வரும் காலத்தில் கல்வி எட்டா கல்வியாக ஆக்கிவிடுவார்கள் போல.!

உண்மைதான் அருண், கல்விக்கண் திறந்த காமராசரின் வழி வந்தவர்கள் என்று சொல்லித்திரியும் இவர்களின் யோக்கியதை இந்த அளவில்தான் உள்ளது. சோகம்

தினம் ஒரு குறள் யாப்போம் வாருங்கள் !! - Page 70 Studym

குறள் வெண்பா: ௧௧௩ (113)

அடிக்கின்றார் பூட்பாலிஸ் அத்துடனே அங்கே
படிக்கின்றார் பாடமதைப் பார்

அடிக்/கின்/றார் - பூட்/பா/லிஸ் - அத்/துட/னே - அங்/கே
படிக்/கின்/றார் - பா/டம/தைப் - பார்

நிரை/நேர்/நேர் – நேர்/நேர்/நேர் – நேர்/நிரை/நேர் – நேர்/நேர்
நிரை/நேர்/நேர் – நேர்/நிரை/நேர் – நேர்

புளிமாங்காய் –1- தேமாங்காய் –2- கூவிளங்காய் –3- தேமா -4-
புளிமாங்காய் –5- கூவிளங்காய் –6- நாள்

1.வெண்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.இயற்ச்சீர் வெண்டளை 5.வெண்சீர் வெண்டளை 6.வெண்சீர் வெண்டளை

எதுகை: அடிக்கின்றார்; படிக்கின்றார்

மோனை: அடிக்கின்றார் – அத்துடனே – அங்கே; படிக்கின்றார் – பாடமதைப் – பார்

ஈற்றுச்சீர்: பார் > நேர் -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக.

மகிழ்ச்சி

by **அருண்** Thu Sep 27, 2012 1:01 pm

சாதிக்கணும் என்று நினைத்தால் ஏழை என்றால் என்ன பணக்காரான இருந்த என்ன?சூப்பர்.

அருமை அய்யா.!

by **நாகசுந்தரம்** Thu Sep 27, 2012 2:21 pm

நன்று ஐயா. நல்ல படிப்பினை தரும் குறள்.

கால்பற்றி காலம் கடத்தினாலும் கல்விமேல்
கால்பற்றிக் கொண்டாள் காப்பு

அருண் wrote:சாதிக்கணும் என்று நினைத்தால் ஏழை என்றால் என்ன பணக்காரான இருந்த என்ன?சூப்பர்.
அருமை அய்யா.!

உண்மைதான் அருண்...நன்றாகச் சொன்னீர்கள் மகிழ்ச்சி

நாகசுந்தரம் wrote:நன்று ஐயா. நல்ல படிப்பினை தரும் குறள்.
கால்பற்றிக் காலம் கடத்தினாலும் கல்விமேல்
கால்பற்றிக் கொண்டாள் காப்பு

மிகவும் அழகிய குறள் நாகசுந்தரம்...முற்றுமோனையில் ...எனது பாராட்டுக்கள்...தொடருங்கள். மகிழ்ச்சி

தினம் ஒரு குறள் யாப்போம் வாருங்கள் !! - Page 70 Inindia

குறள் வெண்பா: ௧௧௪ (114)

பணம்போகும் பாதையினைப் பார்த்தாயோ பாப்பா
பிணம்தின்னும் பேர்கழுகே மேல்

பணம்/போ/கும் – பா/தையி/னைப் – பார்த்/தா/யோ – பாப்/பா
பிணம்/தின்/னும் – பேர்/கழு/கே - மேல்

நிரை/நேர்/நேர் – நேர்/நிரை/நேர் – நேர்/நேர்/நேர் – நேர்/நேர்
நிரை/நேர்/நேர் – நேர்/நிரை/நேர் – நேர்

புளிமாங்காய் –1- கூவிளங்காய் –2- தேமாங்காய் –3- தேமா -4-
புளிமாங்காய் –5- கூவிளங்காய் –6- நாள்

1.வெண்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.இயற்ச்சீர் வெண்டளை 5.வெண்சீர் வெண்டளை 6.வெண்சீர் வெண்டளை

எதுகை: பணம்போகும்; பிணம்தின்னும்

மோனை: பணம்போகும் – பாதையினைப் – பார்த்தாயோ – பாப்பா;
பிணம்தின்னும் – பேர்கழுகே

ஈற்றுச்சீர்: மேல் > நேர் -> நாள், மலர், காசு, பிறப்பு

[இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக.]