தினம் ஒரு குறள் யாப்போம் வாருங்கள் !!

ராம்ஜி wrote:அருமையான தொடர் வாழ்த்துக்கள்

pooven wrote:அய்யா உங்களின் குறள் அதற்கேற்ற ஒப்பீடு படமும் நன்றாக உள்ளது ...........

Dr.சுந்தரராஜ் தயாளன் wrote:

குறள் வெண்பா : ௰௬ (106)

இரவின் ஒளியில் இனியவடை விற்கும்
பரவை முனியம்மா பார்

இர/வின் - ஒளி/யில் - இனி/யவ/டை - விற்/கும்
பர/வை - முனி/யம்/மா - பார்

நிரை/நேர் – நிரை/நேர் – நிரை/நிரை/நேர் – நேர்/நேர்
நிரை/நேர் – நிரை/நேர்/நேர் – நேர்

புளிமா –1- புளிமா –2- கருவிளம்காய் –3- தேமா -4-
புளிமா –5- புளிமாங்காய் –6- நாள்

1.இயற்ச்சீர் வெண்டளை 2.இயற்ச்சீர் வெண்டளை 3.வெண்சீர் வெண்டளை
4.இயற்ச்சீர் வெண்டளை 5.இயற்ச்சீர் வெண்டளை 6.வெண்சீர் வெண்டளை

எதுகை : இரவின்; பரவை

மோனை : இரவின் - இனியவடை; பரவை - பார்

ஈற்றுச்சீர் : பார் > நேர் -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக.

தற்பெருமை பேசுவதில் நமக்கு நிகர் வேறு யாரும் இல்லை என்றே எண்ணத்தோன்றுகிறது. "கல்தோன்றி மண்தோன்றா காலத்தே வாளோடு முன்தோன்றிய மூத்த குடி" என்று காலம் காலமாகப் பேசி வருகிறோம். இப்போது இப்படத்தில், அமெரிக்கர்கள் நிலவில் கால் வைத்து நடந்து பார்க்கும் அவ்வேளையில் அங்கே நம்ம பரவை முனியம்மா வடை சுட்டுக்கொண்டு இருப்பதாக சித்தரித்து உள்ளனர். பார்பதற்கு நன்றாக இருந்தாலும், உண்மையில் நடப்பதோ வேறுவிதமாக அல்லவோ இருக்கிறது. காட்டிக் கொடுப்பதும், காலை வாரி விடுவதும் நமக்கிடையில் காலம் காலமாக நடந்துகொண்டுதானே உள்ளது. ஈழம் இன்னும் நம் கண் முன்னில் இருந்து அகலவில்லையே சிந்திப்போமாக.

சதாசிவம் wrote:
நகைச்சுவையாக இருந்தாலும் நம்மாளுங்க கற்பனையை பாராட்டியே ஆக வேண்டும் அய்யா
சந்திரனில் பாட்டி வடைசுட்ட பொய்க்கதை
தந்திர வித்தையாய் இன்று

நாகசுந்தரம் wrote:மதியில் நடக்கும் மனிதர் பசிக்கு
உதவுமோ அந்த வடை

(மன்னிக்கவும் ஐயா. நீண்ட இடைவெளியில் இக்குறளை பின்னூட்டமாக தந்துள்ளேன். ஆனாலும் திரியை தொடர்ந்து பார்த்து வருகிறேன். பிழையின்றி குறள் வெண்பா இயற்ற பயன் உள்ளதாக இருக்கிறது. நன்றிகள். )