தினம் ஒரு குறள் யாப்போம் வாருங்கள் !!

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

by மகா பிரபு Tue Sep 11, 2012 10:12 am

நூறாவது குறளுக்கு வாழ்த்துக்கள் ஐயா.

மனதார வாழ்த்துகிறேன் ஐயா உங்களின்
மகத்தான இப்பணிக் கு.

by **அருண்** Tue Sep 11, 2012 2:07 pm

தங்களின் 100 வது! குறளுக்கு வாழ்த்துக்கள் ஐயா!
தொடர்ந்து 1000 குறளுக்கு மேல் சென்று வெற்றி பெற வாழ்த்துகிறேன். மகிழ்ச்சி

by சதாசிவம் Tue Sep 11, 2012 4:26 pm

அய்யா அழகிய திரி தொடங்கி, பழகிய தமிழில் மரபுப்பா அமைக்க வாய்ப்பு தந்தமைக்கு மிக்க நன்றி...

நுண்ணிய யாப்பெடுத்தும் செம்மொழித் தீங்குறளால்
பண்ணிய வெண்பா நறுந்தேனாம்- எண்ணிய
எண்ணங்கள் பன்மடங்கு நூறாகும் ஈகரையில்
வண்ணப் படத்துடன் பார்

மகா பிரபு wrote:நூறாவது குறளுக்கு வாழ்த்துக்கள் ஐயா.

மனதார வாழ்த்துகிறேன் ஐயா உங்களின்
மகத்தான இப்பணிக் கு.

மிகவும் நன்றி மகா பிரபு.... மகிழ்ச்சி

அருண் wrote:தங்களின் 100 வது! குறளுக்கு வாழ்த்துக்கள் ஐயா!
தொடர்ந்து 1000 குறளுக்கு மேல் சென்று வெற்றி பெற வாழ்த்துகிறேன்.

மிகவும் நன்றி அருண் ...தொடருங்கள் மகிழ்ச்சி

சதாசிவம் wrote:அய்யா அழகிய திரி தொடங்கி, பழகிய தமிழில் மரபுப்பா அமைக்க வாய்ப்பு தந்தமைக்கு மிக்க நன்றி...
நுண்ணிய யாப்பெடுத்தும் செம்மொழித் தீங்குறளால்
பண்ணிய வெண்பா நறுந்தேனாம்- எண்ணிய
எண்ணங்கள் பன்மடங்கு நூறாகும் ஈகரையில்
வண்ணப் படத்துடன் பார்

நேரிசை வெண்பாவில் நேர்த்தியாய் வாழ்த்தினீர்
பேரிசையாய் என்னுள்ளில் பாட்டு
மகிழ்ச்சி

தினம் ஒரு குறள் யாப்போம் வாருங்கள் !! - Page 66 Thanneerthanneer

குறள் வெண்பா : ௧௦௧ (101)

தண்ணீர் தருவதற்குத் தத்தளிக்கும் தையலிவர்
கண்ணீர் கசிந்திடுதே கண்டு

தண்/ணீர் – தரு/வதற்/குத் - தத்/தளிக்/கும் - தை/யலி/வர்
கண்/ணீர் - கசிந்/திடு/தே - கண்/டு

நேர்/நேர் – நிரை/நிரை/நேர் – நேர்/நிரை/நேர் – நேர்/நிரை/நேர்
நேர்/நேர் – நிரை/நிரை/நேர் – நேர்/பு

தேமா –1- கருவிளங்காய் –2- கூவிளங்காய் –3- கூவிளங்காய் -4-
தேமா –5- கருவிளங்காய் –6- காசு

1.இயற்ச்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.வெண்சீர் வெண்டளை 5.இயற்ச்சீர் வெண்டளை 6.வெண்சீர் வெண்டளை

எதுகை : தண்ணீர்; கண்ணீர்

மோனை : தண்ணீர் – தருவதற்குத் – தத்தளிக்கும் – தையலிவர்;
கண்ணீர் – கசிந்திடுதே – கண்டு

ஈற்றுச்சீர் : கண்டு > நேர்பு -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக.

ஒரு கூடம் தண்ணீருக்காக பெண்கள் எவ்வளவு சிரமம் எடுக்க வேண்டி உள்ளது. சிறிது கால் பிசகினாலும் என்னாகும் என்பதை யோசித்துப்பாருங்கள்.
சோகம்

by **அருண்** Wed Sep 12, 2012 2:42 pm

இன்று 1 லிட்டர் தண்ணீர் 20 ருபாய் கொடுத்து வாங்க வேண்டிய சூழ்நிலை உள்ளது
வரும் காலத்தில் தண்ணீர் கிடைப்பது அரிதாகிவிடும் போலிருக்கு..! சோகம்

குறளுக்கு

அய்யா.!

அருண் wrote:இன்று 1 லிட்டர் தண்ணீர் 20 ருபாய் கொடுத்து வாங்க வேண்டிய சூழ்நிலை உள்ளது
வரும் காலத்தில் தண்ணீர் கிடைப்பது அரிதாகிவிடும் போலிருக்கு..!
குறளுக்கு அய்யா.!

மிகவும் நன்றி அருண் மகிழ்ச்சி

நீங்கள் சொல்வது சரியே...நல்ல தண்ணீருக்கு மிகவும் சிரமப்பட வேண்டிய காலம் கட்டாயம் வரும் என்றே தெரிகிறது சோகம்

தினம் ஒரு குறள் யாப்போம் வாருங்கள் !! - Page 66 Natunilaimai

குறள் வெண்பா : ௧௦௨ (102)

நடுவினிலே உள்ளதனை நாம்பதிந்தே அஃதை
நடுநிலைமை என்கின்றோம் ... நன்கு!

நடு/வினி/லே – உள்/ளத/னை – நாம்/பதிந்/தே – அஃ/தை
நடு/நிலை/மை – என்/கின்/றோம் – நன்/கு

நிரை/நிரை/நேர் – நேர்/நிரை/நேர் – நேர்/நிரை/நேர் – நேர்/நேர்
நிரை/நிரை/நேர் – நேர்/நேர்/நேர் – நேர்/பு

கருவிளங்காய் -1- கூவிளங்காய் –2- கூவிளங்காய் –3- தேமா -4-
கருவிளங்காய் –5- தேமாங்காய் –6- காசு

1.வெண்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.இயற்ச்சீர் வெண்டளை 5.வெண்சீர் வெண்டளை 6.வெண்சீர் வெண்டளை

எதுகை : நடுவினிலே; நடுநிலைமை

மோனை : நடுவினிலே – நாம்பதிந்தால்; நடுநிலைமை – நன்று

ஈற்றுச்சீர் : நன்று > நேர்பு -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக.

மீடியா/பத்திரிகை சுதந்திரம் என்று எல்லோரும் வாய்கிழியப் பேசுகிறார்கள். ஆயினும் முற்றிலும் மாறுபட்ட ஒரு கருத்தை பதிந்துவிட்டு நாங்கள் நடுநிலைமையுடன்தான் இதை வெளியிட்டோம் என்று தம்பட்டம் அடிப்பவர்களே அதிகமாக உள்ளனர், பத்திரிகையாளர்களின் நடுநிலைமையை எவ்வளவு அழகாகப் படம் பிடித்துள்ளார் இதை வரைந்த கார்ட்டூன் ஓவியர். அவரைப் பாராட்டுவோமாக.
மகிழ்ச்சி